Myanmar
မြန်မာနိုင်ငံ၌ တရားမဝင်သစ် တန်ချိန် ၁၀၀ ကျော် ဖမ်းဆီးရမိ
ရန်ကုန်၊ ဇန်နဝါရီ ၇ ရက် (ဆင်ဟွာ)
သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန သစ်တောဦးစီးဌာနသည် မြန်မာနိုင်ငံတစ်ဝန်း၌ တစ်ပတ်အတွင်း တရားမဝင်သစ်တန်ချိန် (၁၀၀)ကျော် သိမ်းဆည်းရမိခဲ့ကြောင်း နိုင်ငံပိုင်မီဒီယာများက ယနေ့ (ဇန်နဝါရီ ၇ ရက်) ထုတ်ပြန်သော သတင်းအရ သိရသည်။
ပြီးခဲ့သည့် ဒီဇင်ဘာ ၂၃ ရက်မှ ၂၉ ရက်အထိ ကျွန်းသစ် ၅ ဒသမ ၆၄ တန်ကျော်၊ သစ်မာ ၁၉ ဒသမ ၇၅ တန်ကျော်နှင့် အခြားသစ်အမျိုးအစား ၁၃၅ ဒသမ ၈ တန်ကျော်တို့ကို တိုင်းဒေသကြီး၊ ပြည်နယ်နှင့် နေပြည်တော် ပြည်ထောင်စုနယ်မြေတို့၌ သိမ်းဆည်းရမိခဲ့ကြောင်း သတင်းထုတ်ပြန်ချက်တွင် ဖော်ပြထားသည်။
ယင်းကာလအတွင်း အမှုတွဲများနှင့် ဆက်စပ်၍ ပြစ်မှုကျူးလွန်သူ ၁၇ ဦးအား မော်တော်ယာဉ် ခြောက်စီးနှင့် စက်ယန္တရားများနှင့်အတူ ဖမ်းဆီးရမိခဲ့ကြောင်း သိရသည်။
သစ်တောဦးစီးဌာနသည် တရားမဝင်သစ်ခိုးထုတ်မှုနှင့် သစ်တောထွက်ပစ္စည်းရောင်းဝယ်ဖောက်ကားမှုများကို နှိမ်နင်းခဲ့ပြီး သစ်ပင်စိုက်ပျိုးရေးစီမံကိန်းများကို အကောင်အထည်ဖော်ရန် ကတိပြုထားကြောင်း သိရသည်။ (Xinhua)
