Y-8 လေယာဉ်ကိုယ်ထည်အစိတ်အပိုင်းများ ထပ်မံရှာဖွေတွေ့ရှိ

ရန်ကုန်၊ ဇွန် ၃၀ ရက် (ဆင်ဟွာ)

ပျက်ကျ Y-8 လေယာဉ်၏ အစိတ်အပိုင်းများကို ရှာဖွေရာတွင် လေယာဉ်၏ ကိုယ်ထည်အစိတ်အပိုင်းများ ထပ်မံရှာဖွေတွေ့ရှိကြောင်း တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်သည်။

အဆိုပါ ပျက်ကျ Y-8 လေယာဉ်၏ ကျန်ရှိအစိတ်အပိုင်းများ ထပ်မံဆယ်ယူရရှိရေးအတွက် တပ်မတော်(ရေ)မှ စစ်ရေယာဉ်များ၊ ကျွမ်းကျင်ရေငုပ်စစ်သည်များ၊ ဒေသခံငါးဖမ်းစက်လှေများပူးပေါင်း၍ လေယာဉ်အမြီးပိုင်း တွေ့ရှိသည့်နေရာအနီး တစ်ဝိုက်၌ ရှာဖွေရေးလုပ်ငန်းများကို ဆက်လက်လုပ်ဆောင်လျက်ရှိကြောင်း သိရသည်။

ယင်း ရှာဖွေရေးလုပ်ငန်းများလုပ်ဆောင်ခဲ့စဉ် တပ်မတော်(ရေ)မှ ဆိုနာစနစ်ဖြင့်ရှာဖွေတွေ့ရှိသော နေရာများ သို့ ဒေသခံငါးဖမ်းစက်လှေများက သွားရောက်ရှာဖွေရာ ဇွန် ၂၉ရက်နေ့ ညနေပိုင်းတွင် လေယာဉ်ကိုယ်ထည် အလူမီနီယံ အစိတ်အပိုင်းများအား ထပ်မံဆယ်ယူရရှိခဲ့ကြောင်း သိရသည်။(Xinhua)