မြန်မာနိုင်ငံ၊ ရန်ကုန်မြို့တွင် တရုတ်ရိုးရာ စက္ကူအလှညှပ်ပညာပြပွဲကျင်းပ

ရန်ကုန်၊ နိုဝင်ဘာ ၆ ရက် (ဆင်ဟွာ)

မြန်မာနိုင်ငံ ရန်ကုန်မြို့ရှိ တရုတ်ယဉ်ကျေးမှုစင်တာ၌ တရုတ်ရိုးရာ စက္ကူအလှညှပ်ပညာပြပွဲကို နိုဝင်ဘာ ၅ ရက်က ကျင်းပခဲ့သည်။
အဆိုပါ အခမ်းအနားတွင် တရုတ်အနုပညာရှင်များ ဖန်တီးထားသည့် စက္ကူအလှညှပ်ထားသော လက်ရာ ၆၀ ကို ပြသခဲ့ပြီး ယဉ်ကျေးမှုဆိုင်ရာ ဖျော်ဖြေမှုများ၊ ဉာဏ်စမ်းဂိမ်းများနှင့် ပွဲသို့တက်ရောက်ကြသည့် ဧည့်သည်များကိုယ်တိုင် စက္ကူအလှညှပ်ပညာပြုလုပ်ခြင်းအစီအစဉ်များ ပါဝင်ခဲ့သည်။

အခမ်းအနားတွင် မြန်မာ-တရုတ် ချစ်ကြည်ရေးအသင်း ဥက္ကဋ္ဌ ဦးတင်ဦးက ယခုယဉ်ကျေးမှုဖလှယ်ပွဲကို ညီရင်းအစ်ကို စိတ်ဓာတ်ဖြင့် ကျင်းပခဲ့ကြောင်း ပြောကြားခဲ့သည်။
“ဒီပွဲအတွက် ကျွန်တော် တကယ့်ကို ဂုဏ်ယူမိပါတယ်။ တရုတ်-မြန်မာ ဆက်ဆံရေးလည်း ရေရှည်တည်တံ့မယ်လို့ မျှော်လင့်ပါတယ်”ဟု ၎င်းက ဆိုသည်။

ပြပွဲသို့လာရောက်ခဲ့ကြသည့် ဧည့်သည်များသည် တရုတ်စက္ကူအလှညှပ်ခြင်း၊ ပီကင်းအော်ပရာ မျက်နှာဖုံးများ ရေးဆွဲခြင်းနှင့် မြန်မာ့ရိုးရာ မီးပုံးများ ပြုလုပ်ခြင်းတို့ကို ပျော်ရွှင်စွာ ပြုလုပ်ခဲ့ကြကြောင်း သိရသည်။
အဆိုပါပြပွဲသို့ ဧည့်သည်ပေါင်း ၁၀၀ ကျော်တက်ရောက်ခဲ့ကြောင်း သိရသည်။ (Xinhua)
………………….
(English Version)
Chinese paper-cutting exhibition held in Yangon, Myanmar
YANGON, Nov. 5 (Xinhua) — A traditional Chinese paper-cutting exhibition was held at the China Cultural Center in Yangon, Myanmar on Wednesday.
The event showcased 60 paper-cut artworks created by Chinese artists and featured cultural performances, quiz games, and hands-on workshops.
During the event, U Tin Oo, Chairman of the Myanmar-China Friendship Association, said that this cultural exchange was celebrated with a fraternal spirit.
“I am really proud of this event and hope that China-Myanmar relations will endure,” he said.
Visitors enjoyed making Chinese paper-cuttings, painting Peking Opera masks, and crafting traditional Myanmar lanterns.
More than 100 guests attended the exhibition. ■