ဘော့စ်ဝါနာ ဂေဟစနစ်ခရီးသွားလုပ်ငန်းကုမ္ပဏီက ပလတ်စတစ်သုံးစွဲမှု ဖြတ်တောက်မည်

ဂတ်ဘရွန်း၊ ဇွန် ၅ ရက် (ဆင်ဟွာ)

ဘော့စ်ဝါနာနိုင်ငံရှိ ဂေဟစနစ်ခရီးသွားလုပ်ငန်းကုမ္ပဏီတစ်ခုက နမီးဘီးယားနိုင်ငံ၊ ဇမ်ဘီးယားနိုင်ငံနှင့် ဇင်ဘာဘွေနိုင်ငံတို့ရှိ ၎င်းတို့၏ လုပ်ငန်းများတွင် တစ်ခါသုံးပလတ်စတစ်သုံးစွဲမှု ဖယ်ရှားပြီး ဧည့်သည်များအတွက် ပြန်လည် အသုံးပြုနိုင်မည့်ပုလင်းများ ထောက်ပံ့ပေးမည့်အစီအစဉ်အား ဇွန်လ ၃ ရက်တွင် ကြေညာခဲ့ကြောင်း သိရသည်။

ဘော့စ်ဝါနာနိုင်ငံ မြို့တော် ဂတ်ဘရွန်တွင် ရုံးချုပ်ထားရှိသော Wilderness Safaris ကုမ္ပဏီက ပြည်တွင်းနှင့် ရဝမ်ဒါနိုင်ငံတို့၌ လုပ်ဆောင်ခဲ့သည့် သဘာဝပတ်ဝန်းကျင်ဆိုင်ရာ လုပ်ဆောင်မှုများကို ရှေ့ဆက်လုပ်ဆောင်ခဲ့ခြင်းဖြစ်သည်။ အာဖရိက ၈ နိုင်ငံ၌ အဆိုပါ ကုမ္ပဏီ၏ စခန်းများနှင့် ရွေ့လျား ဆာဖာရီများရှိကြောင်း သိရသည်။

ပလတ်စတစ် ကြွင်းကျန်ပစ္စည်းများ အထူးသဖြင့် ပလတ်စတစ်ပုလင်းများအား ဦးစားပေးလျှော့ချမည် ဖြစ်ကြောင်း Wilderness Safaris Group ၏ အကျိုးပြုညှိနှိုင်းရေးမှူး ဝါရန် အိုဇိုရီယို (Warren Ozorio) က ပြောခဲ့သည်။

အဆိုပါ စီမံချက်မှာ စွန့်ပစ်ပစ္စည်းများ လျှော့ချခြင်းသာမကဘဲ Wilderness Safaris စခန်းများ တည်ရှိရာ နယ်မြေများရှိ ကြီးမားသော ထောက်ပံ့သယ်ပို့လုပ်ငန်း စိန်ခေါ်မှုများကိုလည်းပဲ ဖြေရှင်းရန် ပြင်ဆင်ဆုံးဖြတ်ခြင်းဖြစ်ကြောင်း အိုဇိုရီယိုက ဆိုသည်။

ထို့ပြင် ကုမ္ပဏီ၏ နောက်ဆုံးပန်းတိုင်မှာ ၎င်းတို့၏လုပ်ငန်းအားလုံးတွင် ပလတ်စတစ်သုံးစွဲမှု လုံးဝကင်းစင်ရန်ဖြစ်ကြောင်း အိုဇိုရီယိုက ပြောခဲ့သည်။ (Xinhua)