လစ်ဗျားနိုင်ငံ တောင်ပိုင်းတွင် အပစ်အခတ်ရပ်စဲရေးအတွက် ကုလသမဂ္ဂပြောကြား

ထရီပိုလီ၊ ဇူလိုင် ၁၀ ရက် (ဆင်ဟွာ)

လစ်ဗျားနိုင်ငံရှိ ကုလသမဂ္ဂ ထောက်ပံ့ရေးအဖွဲ့ (UNSMIL) က လစ်ဗျားနိုင်ငံ တောင်ပိုင်းတွင် မျိုးနွယ်စုတိုက်ခိုက်မှု ဖြစ်ပြီးနောက် အရေးပေါ် အပစ်အခတ်ရပ်စဲရေးအတွက် ဇူလိုင်လ ၉ ရက်တွင် ပြောကြားလိုက်ကြောင်း သိရသည်။

“UNSMIL က မာဇုမြို့မှာလက်ရှိဖြစ်ပွားနေတဲ့ ဝမ်းနည်းဖွယ် လူသေဆုံးမှုများဖြစ်ပေါ်ခဲ့တဲ့ တိုက်ပွဲတွေနဲ့ပတ်သက်ပြီး အကြီးအကျယ်စိုးရိမ်မိပါတယ်” ဟု UNSMIL က ပြောခဲ့သည်။

“UNSMIL အနေနဲ့ သေဆုံးသူ မိသားစုဝင်များထံ ကြေကွဲဝမ်းနည်းကြောင်းပေးပို့ခဲ့ပြီး တိုက်ခိုက်မှုတွေကို ချက်ချင်း အဆုံးသတ်ရန်နဲ့ ကန့်သတ်ချက် လုပ်ဆောင်ရန် အဖွဲ့အစည်းတွေအားလုံးကို ပြောထားပါတယ်။ ဆွေးနွေးမှုကတစ်ဆင့် အငြင်းပွားမှုတွေကို အဖြေရှာဖို့ အကူအညီတွေ UNSMIL က ကမ်းလှမ်းထားပါတယ်” အဆိုပါအဖွဲ့က ဖြည့်စွက်ပြောကြားခဲ့သည်။

မာဇုမြို့သည် မြို့တော် ထရီပိုလီ၏တောင်ဘက် ၇၈၀ ကီလိုမီတာခန့်အကွာ၌ တည်ရှိပြီး ဇူလိုင်လ ၈ ရက်က လူများစွာ သေဆုံး၊ ဒဏ်ရာရခဲ့သည့် လူမျိုးစုတိုက်ပွဲများ ဖြစ်ပွားခဲ့ခြင်းဖြစ်သည်။

လစ်ဗျားနိုင်ငံတောင်ပိုင်းအား ဖေဖော်ဝါရီလကတည်းက ဗိုလ်ချုပ် ခါလီဖာ ဟပ်ဖ်တာ (Khalifa Haftar) ဦးဆောင်သည့် နိုင်ငံအရှေ့ပိုင်းအခြေစိုက်စစ်တပ်က ထိန်းချုပ်ထားခဲ့သည်။

လစ်ဗျားနိုင်ငံတွင် ၂၀၁၁ ခုနှစ်တွင် ခေါင်းဆောင်ဟောင်း မွမ်မာကဒါဖီ (Muammar Gaddafi) ဖြုတ်ချခံရပြီးကတည်းက အကြမ်းဖက်မှု အရှိန်မြင့်လာပြီး မတည်ငြိမ်မှုများ ဖြစ်ပေါ်နေကြောင်း သိရသည်။ (Xinhua)