Africa & Middle East
တောင်ဆူဒန် တိုက်ခိုက်မှုအတွင်း တရုတ်နှင့် ရဝမ်ဒါ ငြိမ်းချမ်းရေး တပ်ဖွဲ့ဝင်များ သေဆုံးမှု နှင့် ဒဏ်ရာ ရရှိမှုများ ဖြစ်ပွား
ကုလသမဂ္ဂ၊ ဇူလိုင် ၁၁ ရက် (ဆင်ဟွာ)
တောင်ဆူဒန်နိုင်ငံ၏ မြို့တော် ဂျူးဘားတွင် မကြာသေးမီက ဖြစ်ပွားခဲ့သည့် တိုက်ခိုက်မှုများအတွင်း တရုတ်နှင့် ရဝမ်ဒါ ငြိမ်းချမ်းရေး တပ်ဖွဲ့ဝင် အများအပြား သေဆုံးမှုနှင့် ထိခိုက်ဒဏ်ရာ ရရှိမှုများ ဖြစ်ပွားခဲ့ကြောင်း ကုလသမဂ္ဂ လုံခြုံရေးကောင်စီ က ဇူလိုင်လ ၁၀ ရက်တွင် ပြောကြားခဲ့သည်။
ထိခိုက် သေဆုံးသူ အရေအတွက် အတိအကျကို အတည်မပြုသေးကြောင်း သိရသည်။
ထိုသို့ အရေးအပေါ် အခြေအနေ ဖြစ်ပွားပြီးနောက် ကုလသမဂ္ဂ လုံခြုံရေးကောင်စီ က တောင်ဆူဒန်နိုင်ငံ၊ ဂျူးဘားမြို့တွင် ဇူလိုင်လ ၇ ရက်မှ စ၍ တိုက်ပွဲ ဖြစ်ပွားမှု မြင့်တက်လာခြင်းအပေါ် အပြင်းအထန် ပြစ်တင်ရှုတ်ချကြောင်း ထုတ်ပြန်ချက်၌ ပါရှိသည်။
နိုင်ငံပေါင်း ၁၅ နိုင်ငံ ပါဝင်သည့် ကုလသမဂ္ဂ လုံခြုံရေးကောင်စီ က တောင်ဆူဒန် တိုက်ပွဲ အတွင်း သေဆုံး (သို့) ဒဏ်ရာရရှိသွားသည့် တရုတ်နှင့် ရဝမ်ဒါ ငြိမ်းချမ်းရေး တပ်ဖွဲ့ဝင်များ၏ ကျန်ရစ်သူ မိသားစု အား စာနာ ထောက်ထားကြောင်း နှင့် ဝမ်းနည်းကြေကွဲကြောင်း ဖော်ပြခဲ့သည်။
တောင်ဆူဒန်နိုင်ငံ မြို့တော်ဂျူးဘားရှိ သမ္မတနန်းတော် အပြင်ဘက် တွင် ဇူလိုင်လ ၈ ရက်က အစိုးရတပ်ဖွဲ့နှင့် အစိုးရ ဆန့်ကျင်သည့် တပ်ဖွဲ့များအကြား တိုက်ပွဲများ ဖြစ်ပွားခဲ့၍ လူပေါင်း ၂၇၁ ဦး သေဆုံးခဲ့ကြောင်း တောင်ဆူဒန် ကျန်းမာရေး ဝန်ကြီးဋ္ဌာနက အတည်ပြုခဲ့ပြီး ဇူလိုင်လ ၁၀ ရက်တွင် လည်း တိုက်ပွဲများ ထပ်မံ ဖြစ်ပွားခဲ့ကြောင်း သိရသည်။
ကျန်းမာရေး ဝန်ကြီးဋ္ဌာန ၏ ထုတ်ပြန်ချက်အရ တိုက်ပွဲအတွင်း ပြည်သူ ၃၂ ဦး၊ ရဲအရာရှိ ၅ ဦး၊ အစိုးရတပ်ဖွဲ့ဝင် ၄၄ ဦးနှင့် ဒုတိယ သမ္မတ Riek Machar ဦးဆောင်သည့် ဆူဒန်ပြည်သူ့လွတ်မြောက်ရေး လှုပ်ရှားမှု အတိုက်အခံ တပ်ဖွဲ့ (SPLM-IO) မှ တပ်ဖွဲ့ဝင် ၁၉၀ ဦး သေဆုံးခဲ့ကြောင်း သိရသည်။ (Xinhua)