ပါကစ္စတန် စစ်သွေးကြွ ထိပ်တန်းခေါင်းဆောင် Ehsanullah Ehsan လက်နက်ချခဲ့ကြောင်း စစ်တပ်ပြောကြား

အစ္စလာမ်မာဘတ်၊ ဧပြီ ၁၈ ရက် (ဆင်ဟွာ)

ပါကစ္စတန် တာလီဘန်စစ်သွေးကြွ ထိပ်တန်းခေါင်းဆောင်တစ်ဦးဖြစ်သော Ehsanullah Ehsan သည် ပါကစ္စတန်လုံခြုံရေးတပ်ဖွဲ့ထံ လက်နက်ချ အဖမ်းခံခဲ့ကြောင်း ပါကစ္စတန်စစ်တပ်က ဧပြီ ၁၇ ရက်တွင် ပြောကြားခဲ့သည်။

စစ်တပ်ပြောရေးဆိုခွင့်ရှိသူ Asif Ghafoor က အဆိုပါ သတင်းအား Punjab ပြည်နယ် Rawalpindiမြို့ရှိ စစ်ဋ္ဌာနချုပ်တွင် ပြုလုပ်သည့် သတင်းစာရှင်းလင်းပွဲတစ်ခု၌ ပြောကြားခဲ့ခြင်းဖြစ်သည်။

Ehsan သည် မတရားအသင်းဖြစ်သော Tehrik-e-Taliban Pakistan (TTP) တာလီဘန်အုပ်စု၏ ပြောရေးဆိုခွင့်ရှိသူဖြစ်ပြီး နောက်ပိုင်းတွင် TTP အုပ်စုမှ ခွဲထွက်လာသည့် Jamaat-ul-Ahrar အဖွဲ့သို့ဝင်ရောက်ခဲ့ကာ ပါကစ္စတန်နိုင်ငံတွင် ပြုလုပ်ခဲ့သော အကြမ်းဖက်တိုက်ခိုက်မှုများအတွက် တာဝန်ရှိသူတစ်ဦးဖြစ်ကြောင်း သိရသည်။

Ehsan ကဲ့သို့ စစ်သွေးကြွထိပ်တန်းခေါင်းဆောင်တစ်ဦး လက်နက်ချခဲ့ခြင်းသည် စစ်သွေးကြွတို့အတွက် ကြီးမားသော ဆုံးရှုံးမှုတစ်ခုဖြစ်ခဲ့သည်။

Ehsan မည်သည့်အတွက်ကြောင့် လက်နက်ချခဲ့ခြင်းဖြစ်ကြောင်းကိုမူ စစ်တပ်ပြောရေးဆိုခွင့်ရှိသူက ထုတ်ဖော်ပြောကြားခြင်းမရှိခဲ့ကြောင်း သိရသည်။

TTP စစ်သွေးကြွအုပ်စု က ယင်းအကြောင်းအရာနှင့် ပတ်သက်၍ တစ်စုံတစ်ရာ တုံ့ပြန်ခြင်း မရှိသေးကြောင်း သိရသည်။ (Xinhua)