တရုတ်နှင့် ဂျော်ဒန် နိုင်ငံခြားရေးဝန်ကြီးများ အစည်းအဝေးဆိုင်ရာ ပူးတွဲကြေညာချက် ထုတ်ပြန်

အမ်မန်၊ ဒီဇင်ဘာ ၁၇ ရက် (ဆင်ဟွာ)

ဂျော်ဒန်နိုင်ငံ ဒုတိယဝန်ကြီးချုပ်၊ နိုင်ငံခြားရေးနှင့် ပြည်ပရောက်ဂျော်ဒန်နိုင်ငံသားရေးရာဝန်ကြီးဌာန ဝန်ကြီး Ayman Safadi ၏ ဖိတ်ကြားချက်အရ တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်နှင့် နိုင်ငံခြားရေးဝန်ကြီး ဝမ်ရိသည် ဒီဇင်ဘာ ၁၄ ရက်မှ ၁၅ ရက်အထိ ဂျော်ဒန်နိုင်ငံသို့ ခရီးစဉ်သွားရောက်ခဲ့ကြောင်း သိရသည်။နှစ်နိုင်ငံခေါင်းဆောင်များသည် နှစ်နိုင်ငံ၏ ချစ်ကြည်ရင်းနှီးသော ပြည်သူများထံ ထင်သာမြင်သာရှိသော အကျိုးကျေးဇူးများ ဆောင်ကြဉ်းနိုင်ရန် ပူးပေါင်းဆောင်ရွက်မှု ခိုင်မာအားကောင်းရန် ဆန္ဒရှိကြောင်း နှစ်ဖက်လုံးက ပြောကြားခဲ့သည်။ နှစ်နိုင်ငံ နိုင်ငံခြားရေးဝန်ကြီးများက နယ်ပယ်အသီးသီး၌ နှစ်နိုင်ငံပူးပေါင်းဆောင်ရွက်မှုကို ချီးကျူးပြောကြားခဲ့ကာ ဆွေးနွေး ညှိနှိုင်းဆောင်ရွက်မှု ဆက်လက်လုပ်ဆောင်ရေး ၎င်းတို့၏ ကတိကဝတ်ကိုလည်း ထပ်လောင်းပြောကြားခဲ့ပြီး နှစ်နိုင်ငံလုံး၏ ဖွံ့ဖြိုးတိုးတက်ရေးမူဝါဒပန်းတိုင်များ အောင်မြင်စွာပြည့်မီရေးအတွက် ပူးပေါင်းဆောင်ရွက်မှု တိုးချဲ့ရန် ကတိပြုခဲ့ကြကြောင်း သိရသည်။

ထို့ပြင် နှစ်နိုင်ငံအနေဖြင့် ကုန်သွယ်ရေးနှင့် စီးပွားရေး၊ အခြေခံအဆောက်အအုံ၊ စွမ်းအင်၊ ကာကွယ်ရေး၊ သယ်ယူပို့ဆောင်ရေးနှင့် တရားရေးကဏ္ဍ စသည့် သမားရိုးကျနယ်ပယ်များတွင် ပူးပေါင်းဆောင်ရွက်မှု နက်ရှိုင်းခြင်း၊ သိပ္ပံနှင့် နည်းပညာ ဆန်းသစ်တီထွင်မှု၊ ဆက်သွယ်ရေးနည်းပညာ၊ ဒစ်ဂျစ်တယ်စီးပွားရေး၊ ဉာဏ်ရည်တုနည်းပညာနှင့် အစိမ်းရောင်စွမ်းအင် စသည်တို့အပါအဝင် နယ်ပယ်သစ်များတွင် ပူးပေါင်းဆောင်ရွက်မှု အလားအလာကို စူးစမ်းရှာဖွေခြင်းအတွက်လည်း ဆွေးနွေးခဲ့ကြသည်။ ယဉ်ကျေးမှု၊ ခရီးသွားလုပ်ငန်း၊ မီဒီယာ၊ ပညာရေးနှင့် ကျောင်းသား၊ ကျောင်းသူ ဖလှယ်မှု၊ Think Tank အဖွဲ့များ စသည်တို့၌ ပူးပေါင်းဆောင်ရွက်မှုနှင့် ကူးလူးဆက်ဆံမှု တိုးချဲ့ရေးအတွက် နှစ်ဖက်လုံးက သဘောတူခဲ့ကြသည်။ ထို့အတူ နှစ်နိုင်ငံကြား လူပုဂ္ဂိုလ်ကူးလူးဆက်ဆံမှု အဆင်ပြေချောမွေ့စေရေး အစီအမံများအကြောင်းလည်း ဆွေးနွေးပြောကြားခဲ့ကြသည်။

ဂျော်ဒန်နိုင်ငံက တရုတ်တစ်နိုင်ငံတည်း မူဝါဒကို ၎င်းတို့၏ လိုက်နာစောင့်ထိန်းမှုအား ထပ်လောင်းပြောကြားခဲ့ပြီး တရုတ်ပြည်သူ့သမ္မတနိုင်ငံကသာလျှင် တရုတ်နိုင်ငံ တစ်နိုင်ငံလုံးကို ကိုယ်စားပြုကြောင်းနှင့် ထိုင်ဝမ်သည် တရုတ်နိုင်ငံ၏ ခွဲထုတ်၍မရသော အစိတ်အပိုင်းဖြစ်ကြောင်း ဖော်ပြခဲ့သည်။

နှစ်ဖက်လုံးအနေဖြင့် ယဉ်ကျေးမှု၊ အနုပညာမှတစ်ဆင့် ပြည်သူအချင်းချင်း ကူးလူးဆက်ဆံမှုပြုလုပ်ခြင်း၊ နှစ်နိုင်ငံ ဥပဒေပြုရေးအဖွဲ့များအကြား ပူးပေါင်းဆောင်ရွက်မှု အားကောင်းခြင်း၏ အရေးပါမှုကိုလည်း အလေးထားပြောကြားခဲ့ကြသည်။

နိုင်ငံစုံသံတမန်‌ရေးရာတွင် ၎င်းတို့ လုပ်ဆောင်ခဲ့သည့် ထိရောက်သော ပူးပေါင်းဆောင်ရွက်မှုကို နှစ်ဖက်လုံးက မှတ်ချက်ပြုပြောကြားခဲ့သလို ပူးပေါင်းဆောင်ရွက်မှု ဆက်လက်အားကောင်းခြင်း၏ အရေးပါပုံကိုလည်း ၎င်းတို့က အသေးစိတ်ပြောကြားခဲ့သည်။ တရုတ်နိုင်ငံ သမ္မတ ရှီကျင့်ဖိန် အဆိုပြုအဓိကအစီအမံကြီး လေးခုနှင့် အဆိုပြုချက်များကိုလည်း ဂျော်ဒန်က တန်ဖိုးထားချီးကျူးကြောင်း ပြောကြားခဲ့သည်။

ဘုံအကျိုးစီးပွားများ ထမ်းဆောင်ရန်နှင့် ဘုံပန်းတိုင်များ ရရှိရေးအတွက် နှစ်နိုင်ငံလုံးက လက်မှတ်ရေးထိုးထားသော သဘောတူစာချုပ်များနှင့် နားလည်မှုစာချွန်များကို ထိထိရောက်ရောက် အကောင်အထည်ဖော်ရေးအတွက် လိုအပ်ကြောင်းကို နှစ်ဖက်လုံးက အလေးထားပြောခဲ့သည်။

ထို့ပြင် နှစ်နိုင်ငံအနေဖြင့် ဂါဇာကမ်းမြောင်ဒေသနှင့် ဂျော်ဒန်မြစ်အနောက်ဘက်ကမ်းဒေသတွင် ဖြစ်ပေါ်တိုးတက်မှုများ အပါအဝင် ဒေသတွင်းအခြေအနေများကိုလည်း ဆွေးနွေးခဲ့ကြသည်။ ဂါဇာတွင် ဘက်စုံ ထာဝရ အပစ်အခတ်ရပ်စဲရေး ရရှိရန်၊ လူသားချင်းစာနာမှု အကျပ်အတည်းကို ကိုင်တွယ်ဖြေရှင်းရန် အကူအညီများ ချက်ချင်း၊ အရေးပေါ် စဉ်ဆက်မပြတ် ဝင်ရောက်နိုင်မှု သေချာစေရေးအတွက် ၎င်းတို့က အလေးထားပြောကြားခဲ့သည်။ (Xinhua)
သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ https://english.news.cn/20251216/86b4ee2aff854d5d875b3e8757bea2a7/c.html
……………………………………..
(English Version)
Joint press release issued on meeting between Chinese, Jordanian FMs
AMMAN, Dec. 15 (Xinhua) — At the invitation of Ayman Safadi, deputy prime minister and minister of foreign affairs and expatriates of Jordan, Chinese Foreign Minister Wang Yi, also a member of the Political Bureau of the Communist Party of China Central Committee, paid a visit to Jordan from December 14 to 15.
Both sides emphasized that leaders of the two countries are willing to strengthen cooperation to bring tangible benefits to the friendly peoples of both countries. They spoke highly of bilateral cooperation across various fields, affirmed their commitment to continuing dialogue and coordination, and vowed to expand cooperation, so as to achieve the goals of both countries’ development policies.
The two sides discussed deepening cooperation in traditional areas such as trade and economy, infrastructure, energy, defense, transportation, and the judiciary sector, as well as exploring potential cooperation in new areas including scientific and technological innovation, communication technology, digital economy, artificial intelligence, and green energy. They also agreed to expand cooperation and exchanges in culture, tourism, media, education and student exchanges, and think tanks. In addition, the two sides talked about measures to facilitate personnel exchanges between the two countries.
The Jordanian side reiterated its adherence to the one-China principle, emphasizing that the government of the People’s Republic of China is the sole legal government representing the whole of China, and that Taiwan is an inalienable part of China’s territory.
Both sides stressed the importance of conducting people-to-people exchanges through culture and art, and of strengthening cooperation between their legislative bodies.
Both sides noted the effective cooperation they have conducted in multilateral diplomatic occasions and emphasized the importance of continuing to strengthen coordination. Jordan appreciates the series of major initiatives and proposals put forward by Chinese President Xi Jinping.
Both sides stressed the need to effectively implement the agreements and memoranda of understanding signed by the two countries to serve their common interests and achieve shared goals.
The two sides discussed the regional situation, including the developments in the Gaza Strip and the West Bank. They emphasized the need to achieve a comprehensive and lasting ceasefire in Gaza and to ensure urgent, immediate, and sustainable access to aid to address the humanitarian crisis.
https://english.news.cn/20251216/86b4ee2aff854d5d875b3e8757bea2a7/c.html