အိန္ဒိယ နိုင်ငံ မြောက်ပိုင်း ဒေသ တွင် လူပေါင်း အနည်းဆုံး ၃၆ ဦး အမည်မသိ ရောဂါ တစ်မျိုးကြောင့် သေဆုံး

နယူးဒေလီ ၊ စက်တင်ဘာ ၁၂ ရက် (ဆင်ဟွာ)

အိန္ဒိယ နိုင်ငံ မြောက်ပိုင်း Uttar Pradesh ပြည်နယ် ကျန်းမာရေး ဌာန အရာရှိ တစ်ဦး က လွန်ခဲ့သည့် ၁၅ ရက် တာ ကာလ အတွင်း ပြည်နယ် ၌ လူပေါင်း အနည်းဆုံး ၃၆ ဦး မှာ အမည်မသိ ရောဂါ တစ်မျိုးကြောင့် ကိုယ်ပူချိန် မြင့်တက် သေဆုံး ခဲ့ကြောင်း စက်တင်ဘာ ၁၁ ရက် ၌ ပြောကြား ခဲ့သည်။

အိန္ဒိယ နိုင်ငံ သတင်း မီဒီယာ ၏ ဖော်ပြချက် အရ Uttar Pradesh ပြည်နယ် အစိုးရ အနေဖြင့် ဆေးဝါး ကုသမှု အဖွဲ့အား ကိုယ်ပူချိန် မြင့်တက် စေသော အမည်မသိ ရောဂါ ဖြစ်ပွားရာ ဒေသ သို့ စေလွှတ် ခဲ့ပြီး ဒေသတွင်း ၌ ရောဂါ ပြန့်ပွားမှု ကာကွယ်ရေး ဆောင်ရွက်မှုများ ပြုလုပ် စေခဲ့ကြောင်း သိရှိရသည်။

Uttar Pradesh ပြည်နယ် ကျန်းမာရေး ဌာန အရာရှိ ၏ ပြောကြားချက်အရ အမည်မသိ ရောဂါ ဖြစ်ပွား နေသည့် ဒေသ တွင် ယာယီစခန်း များ တည်ဆောက် ပေးခဲ့ပြီး ကျန်းမာရေး ဝန်ထမ်း များ အနေဖြင့် လျင်မြန်စွာ ရောဂါ စစ်ဆေးသည့် နည်းပညာ ဖြင့် ဆေးဘက် ဆိုင်ရာ တိုင်းတာ စစ်ဆေးမှုများ ဆောင်ရွက်နေကြောင်း သိရှိရသည်။(Xinhua)