ဘင်္ဂလားဒေ့ရှ်တွင် ငါးပူတင်းစားမိ၍ လူ၆ဦးသေ၊ ၁၇ဦးအော့အန်

ဒါကာ၊ ဒီဇင်ဘာ ၈ရက် (ဆင်ဟွာ)

ဘင်္ဂလားဒေ့ရ်ှနိုင်ငံ မြို့တော်ဒါကာမြို့မှ အရှေ့မြောက်ဘက်၂၃၈ကီလိုမီတာ အကွာ Sylhet ခရိုင်တွင် ငါးပူတင်း စားမိ၍ လူ ၆ဦးသေဆုံးပြီး အခြားလူ ၁၇ဦး နေမကောင်းဖြစ်ခဲ့ကြောင်း သိရသည်။

Sylhet မြို့ပြခွဲစိတ်ဆရာဝန် Habibur Rahman က ဒီဇင်ဘာ ၅ရက်တွင် ငါးပူတင်းစားမိ၍ အနည်းဆုံး လူ၂၃ဦး အော့အန်ဖြစ်ခဲ့ကြောင်း ဒီဇင်ဘာ ၇ရက်တွင် ဆင်ဟွာသို့ ဖုန်းဖြင့်ဖြေကြားခဲ့သည်။

၎င်းက ငါးပူတင်းအဆိပ်သင့်သူများအား Sylhet ဆေးရုံသို့ အလျင်အမြန်ပို့ဆောင်ခဲ့သော်လည်း ၎င်းတို့အနက် ကလေးငယ်နှစ်ဦးအပါအဝင် လူငါးဦး ဒီဇင်ဘာ ၆ရက်တွင်သေဆုံးခဲ့ကြောင်း ပြောကြားခဲ့သည်။ အခြား တစ်ဦးမှာ ဒီဇင်ဘာ ၇ရက်တွင် သေဆုံးခဲ့ကြောင်း သိရသည်။

Rahman က ဆေးရုံတွင် ကျန်ရှိနေသည့် အစာအဆိပ်သင့်သူများအား ဆက်လက်ဆေးကုသပေးနေပြီး စိုးရိမ်ရသည့်အခြေအနေမှ ကင်းလွတ်သွားပြီဖြစ်ကြောင်း နှင့် ငါးပူတင်းစားသုံးခြင်းမှ ရှောင်ရှားကြရန် တိုက်တွန်းထားကြောင်း ပြောကြားခဲ့သည်။

ငါးပူတင်း စားသုံးခြင်းကြောင့် အစာအဆိပ်သင့်မှုဖြစ်ရပ်များသည် ဘင်္ဂလားဒေ့ရှ်နိုင်ငံ၌ မြင့်တက်လျက်ရှိသော်လည်း ဈေးကြီးသောဟင်းလျာအဖြစ်ရောင်းချနေသည့် ငါးပူတင်းဟင်းလျာကြောင့် သေဆုံးခဲ့သည့် ဖြစ်ရပ်များမရှိကြောင်း သိရသည်။

နှစ်စဉ် ငါးပူတင်းစားသုံးမှုများကြောင့် အစာအဆိပ်သင့်၍ ဆေးရုံတက်ရသူများရှိနေပြီး ၎င်းတို့အနက် အနည်းငယ်သာ သေဆုံးခဲ့ကြောင်း သိရသည်။ (Xinhua)