တရုတ်နိုင်ငံ ထိုင်ဝမ်ဒေသနှင့် ပတ်သက်၍ မှားယွင်းသော မှတ်ချက်စကားကို ပြန်ရုပ်သိမ်းရန် ဝန်ကြီးချုပ် တာကာအိချိအား ဂျပန်လွှတ်တော်အမတ်များ တိုက်တွန်း

တိုကျို၊ နိုဝင်ဘာ ၁၆ ရက် (ဆင်ဟွာ)

ဂျပန်နိုင်ငံ၏ ဒိုင်းယက်လွှတ်တော်၌ မကြာမီကပြုလုပ်သည့် ကြားနာမှုတစ်ခု၌ ဝန်ကြီးချုပ် ဆာနာအဲ တာကာအိချိက တရုတ်နိုင်ငံ ထိုင်ဝမ်ဒေသနှင့် ပတ်သက်၍ မှားယွင်းသော မှတ်ချက်စကားကို ပြောကြားခဲ့ပြီးနောက် ထိုမှတ်ချက်စကားများကို ပြန်လည်ရုပ်သိမ်းရန် ဂျပန်လွှတ်တော်အမတ်များက ၎င်းအား တိုက်တွန်းခဲ့ကြောင်း သိရသည်။တာကာအိချိ၏ မှတ်ချက်စကားမှာ ဂျပန်နိုင်ငံနှင့် တရုတ်နိုင်ငံတို့ကြား တင်းမာမှုများကို ပိုမိုဆိုးရွားစေပြီး တစ်ဖက်နှင့်တစ်ဖက် မယုံကြည်မှုများကို ဖြစ်ပေါ်စေသည်ဟု ဂျပန်ကွန်မြူနစ်ပါတီဝင် အထက်လွှတ်တော်အမတ် တာခု ယာမာဇိုအဲက နိုဝင်ဘာ ၁၄ ရက်၌ ပြောကြားခဲ့သည်။ နှစ်နိုင်ငံဆက်ဆံရေး ပိုမိုဆိုးရွားမလာအောင် တားဆီးရန်အတွက် ဝန်ကြီးချုပ် တာကာအိချိအနေဖြင့် ၎င်း၏ပြောကြားချက်ကို ပြန်လည်ရုပ်သိမ်းသင့်သည်ဟု နိုဝင်ဘာ ၁၅ ရက်နေ့ထုတ် Shimbun Akahata သတင်းစာက ဖော်ပြခဲ့သည်။

ဂျပန်ကွန်မြူနစ်ပါတီဝင် အောက်လွှတ်တော်အမတ်ဖြစ်သူ ခါဇုအို ရှိအိကလည်း တာကာအိချိအနေဖြင့် ၎င်း၏မှတ်ချက်စကားကို ပြန်လည်ရုပ်သိမ်းရန် နိုဝင်ဘာ ၁၄ ရက်က ထပ်လောင်းတိုက်တွန်းခဲ့သည်။ ထိုင်ဝမ်ဒေသနှင့်ပတ်သက်၍ တာကာအိချိ၏ မှတ်ချက်စကားမှာ စိုးရိမ်ဖွယ် နိုင်ငံတကာအရေးကိစ္စတစ်ခုအသွင် ဖြစ်ပေါ်စေကြောင်း၊ ဂျပန်-တရုတ် ဆက်ဆံရေး အပြုသဘောဆောင်သည့် လမ်းကြောင်းအတိုင်း တိုးတက်ကောင်းမွန်ရေးအတွက် တင်းမာမှုများကို ပိုမိုအရှိန်မြင့်တက်စေမည့် ရန်လိုသော မှတ်ချက်စကားများ ပြောဆိုမည့်အစား တည်ငြိမ်စွာ တွေ့ဆုံဆွေးနွေးမှု၊ အမြော်အမြင်ရှိမှုတို့ဖြင့် နှစ်နိုင်ငံစလုံးက ခိုင်ခိုင်မာမာဆုံးဖြတ်ထားသော တူညီဆန္ဒများကို အခြေခံသည့် လမ်းကြောင်းအတိုင်း ဆက်လက်လျှောက်လှမ်းရန် လိုအပ်မည်ဖြစ်ကြောင်း ၎င်းက အလေးအနက်ပြောကြားခဲ့သည်။

ထို့အတူ ဂျပန်ဖွဲ့စည်းပုံအခြေခံဥပဒေဆိုင်ရာ ဒီမိုကရက်တစ်ပါတီမှ အောက်လွှတ်တော်အမတ် ဟိရိုရှိ အိုဂုရှိကလည်း ယခင်အစိုးရအဆက်ဆက်သည် ထိုကိစ္စရပ်အား သတိကြီးကြီးထား၍ ကိုင်တွယ်ခဲ့သည့်အလျောက် တာကာအိချိအနေဖြင့် ၎င်း၏မှတ်ချက်စကားများကို ပြန်ရုပ်သိမ်းရန် နိုဝင်ဘာ ၁၀ ရက် ဒိုင်းယက်လွှတ်တော် ကြားနာမှု၌ တိုက်တွန်းပြောကြားခဲ့သည်။

နိုဝင်ဘာ ၇ ရက် ဒိုင်းယက်လွှတ်တော် အစည်းအဝေး၌ တာကာအိချိက တရုတ်ပြည်မကြီးမှ စစ်သင်္ဘောများနှင့် စစ်အင်အားအသုံးပြုခြင်းနှင့် သက်ဆိုင်သော ထိုင်ဝမ်၏ အရေးပေါ်အခြေအနေတစ်ရပ်မှာ ဂျပန်နိုင်ငံ၏ “ရပ်တည်ရှင်သန်မှုအပေါ် ခြိမ်းခြောက်မှုဖြစ်စေသည့် အခြေအနေ” ဖြစ်နိုင်သည်ဟု အခိုင်အမာဆိုခဲ့သည်။ ဂျပန်နိုင်ငံ၏ ပြဋ္ဌာန်းဥပဒေအရ ဂျပန်ကိုယ်ပိုင်ကာကွယ်ရေးတပ်ဖွဲ့အနေဖြင့် “ရပ်တည်ရှင်သန်မှုအပေါ် ခြိမ်းခြောက်မှုဖြစ်စေသည့်” အခြေအနေတစ်ရပ်ဟု သတ်မှတ်ယူဆပါက စုပေါင်းကိုယ်ပိုင်ကာကွယ်ရေးအင်အားကို ကျင့်သုံးခွင့်ရှိကြောင်း သိရသည်။

တာကာအိချိကမူ ၎င်း၏ပြောကြားချက်မှာ ဂျပန်အစိုးရ၏ ကာလရှည်ရှုမြင်သုံးသပ်ပုံနှင့် ကိုက်ညီကြောင်း နိုဝင်ဘာ ၁၀ ရက်က အခိုင်အမာပြောဆိုခဲ့ပြီး ၎င်း၏ပြောကြားချက်ကို ပြန်ရုပ်သိမ်းရန် ရည်ရွယ်ချက်မရှိကြောင်း ပြောကြားခဲ့သည်။ (Xinhua)
…………………………………………………….
(English Version)
Japanese parliament members urge PM to retract erroneous remarks on China’s Taiwan
TOKYO, Nov. 15 (Xinhua) — Japanese Prime Minister Sanae Takaichi recently made erroneous remarks about China’s Taiwan during a hearing in the Diet, prompting parliament members to demand that she retract those remarks.
Japanese Communist Party and House of Councillors member Taku Yamazoe said Friday that Takaichi’s remarks had exacerbated tensions between Japan and China and led to mutual distrust. To prevent further deterioration of bilateral relations, Takaichi, as prime minister, should retract her statements, Shimbun Akahata reported on Saturday.
Japanese Communist Party and House of Representatives member Kazuo Shii demanded once again on Friday that Takaichi retract her remarks. He said that Takaichi’s remarks on Taiwan are evolving into a serious international issue, stressing that for Japan-China relations to develop in a positive direction, it is necessary to pursue the course based on consensus determined by both countries, by wisdom and calm dialogue, rather than making provocative remarks that further escalate tensions.
During a Diet hearing on Monday, Constitutional Democratic Party of Japan and House of Representatives member Hiroshi Ogushi urged Takaichi to retract her remarks, as past cabinets have been cautious on the issue.
At a Diet meeting on Nov. 7, Takaichi claimed that a Taiwan emergency involving the use of military vessels and military force from the Chinese mainland could constitute a “survival-threatening situation” for Japan. According to legislation, Japan’s Self-Defense Forces could exercise the right of collective self-defense if such a situation is recognized as “survival-threatening.”
On Monday, Takaichi insisted that her remarks were in line with the government’s longstanding view, and she had no intention to retract the remarks.
English Caption
Sanae Takaichi (C) bows after winning the prime ministerial designation vote in the House of Representatives in Tokyo, Japan, Oct. 21, 2025. (Xinhua/Jia Haocheng)