ဂျိန်းစ်ဘွန်း ဇတ်ကား အီတလီ နိုင်ငံ ပတ်လီယာမြို ့၌ ရိုက်ကူးမည်

ဘာရီ ၊ ဇူလိုင် ၃ ရက်(ဆင်ဟွာ)

ယခုနှစ် နွေရာသီတွင် ၂၅ ကားမြောက် ဂျိန်းစ်ဘွန်း ဇတ်ကားအား အီတလီ နိုင်ငံ ၊ ပတ်လီယာမြို့၌ နှစ်လကြာ ရိုက်ကူးသွားမည် ဖြစ်ကြောင်း သတင်းရင်းမြစ်များက ဇူလိုင် ၂ ရက်တွင် ပြောကြားခဲ့သည်။

Jane Eyre နှင့် True Detective ဇတ်ကား၏ ဒါရိုက်တာ Cary Fukunaga တို့က အမည်မပေးရသေးသည့် အဆိုပါ ဂျိန်းစ်ဘွန်း ဇတ်ကားအား ရိုက်ကူး သွားမည် ဖြစ်ပြီး ဂျိန်းစ်ဘွန်း မင်းသား အဖြစ် Daniel Craig က သရုပ်ဆောင်သွားမည် ဖြစ်ကာ ၎င်း၏ ပဉ္စမမြောက် ဂျိန်းစ်ဘွန်း ဇတ်ကား သရုပ်ဆောင်မှု ဖြစ်သည်။အဆိုပါ ဇတ်ကားအား သြဂုတ်လ နှင့် စက်တင်ဘာလတို့တွင် ဘာရီမြို့အနီးရှိ Gravina di Puglia တွင် ရိုက်ကူး သွားမည် ဖြစ်ကြောင်း သိရသည်။

Sergio Rubini ၊ Matteo Garrone နှင့် Checco Zalone ၏ ဇတ်ကားများကို မကြာသေးမီက ဤမြို့တွင် နောက်ဆုံး ရိုက်ကူး ပြီးသည့်နောက် ဂျိန်းစ်ဘွန်း ဇတ်ကား ရိုက်ကူးမှု နှင့် ကြုံတွေ့ရတော့မည် ဖြစ်ပြီး ယင်းမှာ မကြုံစဖူး အခွင့်အလမ်း တစ်ခု ဖြစ်ကြောင်း မြို့တော်ဝန် Alessio Valente က ပြောကြားခဲ့သည်။

အဆိုပါ ဇတ်ကားတွင် သရုပ်ဆောင်များ အဖြစ် Rami Malek ၊ Naomie Harris ၊ Lèa Seydoux နှင့် Ben Whishaw တို့ပါဝင်မည် ဖြစ်ကြောင်း သိရသည်။(Xinhua)