ဘွန်ဒက်စ်လီဂါတွင် ဘိုင်ယန်မြူးနစ်က စိန့်ပေါ်လီအား ဒီယာ့ဇ်နှင့် ဂျက်ဆင်တို့၏ နောက်ကျသွင်းဂိုး များဖြင့် အနိုင်ပွဲရယူ

ဘာလင်၊ နိုဝင်ဘာ ၃၀ ရက် (ဆင်ဟွာ)

နိုဝင်ဘာ ၂၉ ရက်က ကစားခဲ့သည့်ဘွန်ဒက်စ်လီဂါပွဲတွင် ဘိုင်ယန်မြူးနစ်က လူးဝစ်ဒီယာ့ဇ်၊ နီကိုးလက်စ် ဂျက်ဆင်တို့၏ ဒဏ်ရာရအချိန်ပိုတွင် သွင်းယူခဲ့သည့် နောက်ကျဂိုးနှစ်ဂိုးဖြင့် စိန့်ပေါ်လီကို အိမ်ကွင်း၌ ၃-၁ ဂိုး ရလဒ်ဖြင့် အနိုင်ရကာ ဘွန်ဒက်စ်လီဂါအမှတ်ပေးဇယားထိပ်ဆုံတွင် ရပ်တည်နေမှုကို ဆက်လက် ထိန်းသိမ်းသွားခဲ့သည်။စိန့်ပေါ်လီအသင်းက အလိုင်းယန့်အရီနာကွင်းတွင်ကစားခဲ့သည့်ပွဲတွင် ပွဲအစပိုင်းမိနစ်များ၌ အံ့အား သင့်ဖွယ်ကစားခဲ့ပြီး ဘိုင်ယန်မြူးနစ်ခံစစ်၏အားနည်းမှုကို အခွင့်အရေးရယူကာ ပွဲချိန် ၆ မိနစ်၌ပင် အန်ဒရီး ယက်စ်ဟွန်တွန်ဂျီက ဂိုးသွင်းယူခဲ့ပြီး ဘိုင်ယန်မြူးနစ်ကို ဦးဆောင်ကစားခဲ့သည်။

ထိုနောက်ပိုင်းတွင် ဘိုင်ယန်မြူးနစ်က ပွဲကိုထိန်းချုပ်ကစားခဲ့သော်လည်း ဂိုးတိုင်ထိမှု နှစ်ကြိမ်ရှိခဲ့သလို စုစည်းမှုကောင်းစွာကစားနေသည့် စိန့်ပေါ်လီခံစစ်ကြောင့် နေရာလွတ်ရရန် ရုန်းကန်ခဲ့ရပြီး ပထမပိုင်း ပွဲချိန်အများစုတွင် စိတ်ပျက်စရာဖြစ်ခဲ့သည်။

ဘိုင်ယန်မြူးနစ်၏ ဂိုးရရှိရေးကြိုးပမ်းမှုများမှာ ပထမပိုင်းမပြီးခင် အောင်မြင်မှုရခဲ့ပြီး လူးဝစ်ဒီယာ့ဇ်၏ ကောင်းမွန်သော ဖန်တီးပေးမှုမှတစ်ဆင့် ရာဖေးလ်ဂူရာရီယိုက ချေပဂိုးသွင်းယူနိုင်ခဲ့သည်။

ဘိုင်ယန်နည်းပြဗင်းဆင့်ကွန်ပနီက ပထမပိုင်းအပြီးတွင် ပွဲရလဒ်ကို အပြောင်းအလဲဖြစ်စေရေးအတွက် အပြောင်းအလဲများပြုလုပ်ခဲ့သော်လည်း ဘိုင်ယန်မြူးနစ်၏ ဂိုးရရှိရေး ကြိုးပမ်းမှုအများအပြားမှာ ဂိုးရရှိရေးအတွက် လုံလောက်ခြင်းမရှိခဲ့ပေ။

အိမ်ရှင်ဘိုင်ယန်၏ တစ်သမတ်တည်း ဖိအားပေးကစားနေမှုကြောင့် ထပ်ဆောင်းအချိန်ပိုပေးချိန်တွင် ဂိုးများရရှိခဲ့သည်။ ညာတောင်ပံမှ ဂျိုရူအာကင်မစ်ရှ်က တိကျစွာဖြတ်တင်ပေးလိုက်သည့် ဘောလုံးကို ဒီယာ့ဇ်က အမြင့်ဆုံးအထိခေါင်းခုန်တိုက်ကာ ဂိုးသမား နီကိုလာဗက်စ်ဆီးလ်ကို ဖြတ်ကျော်ပြီး ဂိုးသွင်း နိုင်ခဲ့သည်။ လူစားဝင်ကစားသမား ဂျက်ဆင်ကလည်း အချိန်ကိုက်ပြေးကာ ပြီးပြည့်စုံသော အဆုံးသတ် ဂိုးသွင်းမှုကို သွေးအေးတည်ငြိမ်စွာပြုလုပ်နိုင်ခဲ့သည်။ ယင်းဂိုးအတွက် VAR ဖြင့်ပြန်လည်စစ်ဆေးခဲ့ရ သော်လည်း နောက်ဆုံးတွင် ဂိုးအဖြစ်အတည်ပြုခံခဲ့ရသည်။

“ဒီလို နိုင်ပွဲမျိုးက ရာသီတိုင်းရဲ့ အစိတ်အပိုင်းတစ်ခုလိုပဲဖြစ်ပါတယ်။ ဒီနိုင်ပွဲက အနာဂတ်အတွက် ကျွန်တော်တို့ကို ယုံကြည်မှုရစေခဲ့ပါတယ်။ ဒီလိုနိုင်ပွဲရအောင် ဆက်လက်ထိန်းသိမ်းကစားပေးခဲ့ကြတဲ့ ကစားသမားတွေကိုလည်း အပြည့်အဝ ချီးကျူးပါတယ်။ ဒီနှစ်မကုန်ခင်မှာ ဒီလိုနိုင်ပွဲခံယူချက်နဲ့ ကစားတဲ့ပွဲတွေလည်း နောက်တစ်ကြိမ် ရှိလာပါလိမ့်မယ်”ဟု ဗင်းဆင့်ကွန်ပနီက ပြောကြားခဲ့သည်။

နိုဝင်ဘာ ၂၉ ရက်က ကစားခဲ့သည့် အခြားသောပွဲစဥ်များတွင် ဘိုရပ်ဆီယာဒေါ့မွန်က လေဗာကူဆင်ကို ၂-၁ ဂိုးဖြင့် အနိုင်ရကာ အမှတ်ပေးဇယားတွင် တတိယနေရာသို့ ရောက်ရှိလာခဲ့သည်။ ဟော့ဖန်ဟိမ်းက အော့စ်ဘတ်ကို ၃-၀ ဂိုးဖြင့်အနိုင်ရခဲ့ပြီး ကိုလုန်းက ဝါဒါဘရီမင်ကွင်းတွင် နောက်ကျသွင်းဂိုးဖြင့် ၁-၁ သရေရခဲ့ကာ ဟိုင်ဒင်ဟိမ်းက ပွဲပြီးခါနီးနောက်ဆုံးမိနစ်များတွင် သွင်းယူခဲ့သည့် နှစ်ဂိုးဖြင့် ယူနီယံဘာလင်ကို ၂-၁ ဂိုးဖြင့် မထင်မှတ်သည့် နိုင်ပွဲကို ရယူသွားနိုင်ခဲ့သည်။ (Xinhua)
————————————
(English Version)
Diaz, Jackson strike late as Bayern denies St. Pauli in Bundesliga
BERLIN, Nov. 29 (Xinhua) — Two stoppage-time goals from Luis Diaz and Nicolas Jackson fueled Bayern Munich to a 3-1 home win over St. Pauli to maintain its lead at the top of the Bundesliga on Saturday.
St. Pauli stunned the Allianz Arena within the opening minutes, benefitting from slack defending to take a sixth-minute advantage through Andreas Hountondji.
Bayern controlled the match from then on but was left frustrated for much of the first half, twice hitting the post and struggling to find space against St. Pauli’s well-organized defense. Its efforts were rewarded before the interval when Raphael Guerreiro drilled in after Diaz’s clever assist to level the score.
Bayern coach Vincent Kompany made changes at the break in search of a turnaround, but his side saw several attempts fall short.
The hosts’ consistent pressure paid off deep into added time. Joshua Kimmich sent in a precise cross from the right, and Diaz rose highest to steer a header past goalkeeper Nikola Vasilj. Substitute Jackson then timed his run perfectly and finished calmly, and the goal stood after a VAR check.
“A win like this is part of every season,” Kompany said. “It gives us confidence for the future. Full credit to the boys for keeping at it, this mentality will matter again before the year is over.”
Also on Saturday, Borussia Dortmund climbed to third by edging Bayer Leverkusen 2-1, Hoffenheim cruised past Augsburg 3-0, Cologne earned a late 1-1 draw at Werder Bremen, and Heidenheim struck twice in the final minutes to upset Union Berlin 2-1. ■
Photo:
(Players of FC Bayern Munich celebrate scoring during the German first division Bundesliga football match between FC Bayern Munich and FC St. Pauli in Munich, Germany, Nov. 29, 2025. (Photo by Philippe Ruiz/Xinhua)