ပါလက်စတိုင်းအရာရှိများကို ဗီဇာပိတ်ပင်ထားခြင်းအား ပြန်လည်စဉ်းစားရန် အမေရိကန်အား အီးယူ နိုင်ငံခြားရေးဝန်ကြီးများ တောင်းဆို

အော်စလို၊ ဩဂုတ် ၃၁ ရက် (ဆင်ဟွာ)

ဒိန်းမတ်နိုင်ငံ၊ ကိုပင်ဟေဂင်မြို့၌ သြဂုတ် ၃၀ ရက်က ကျင်းပခဲ့သော ဥရောပသမဂ္ဂ(အီးယူ) နိုင်ငံခြား ရေးဝန်ကြီးများအစည်းအဝေးတွင် ပါလက်စတိုင်းအရာရှိများအား ပြည်ဝင်ခွင့်ဗီဇာထုတ်ပေးရန် ငြင်းဆို ခဲ့သည့် မကြာသေးမီက ဆုံးဖြတ်ချက်နှင့်ပတ်သက်၍ ပြန်လည်စဉ်းစားရန် အမေရိကန်နိုင်ငံအား ဥရောပသမဂ္ဂ(အီးယူ) နိုင်ငံခြားရေးဝန်ကြီးများက တညီတညွတ်တည်း တိုက်တွန်းလိုက်သည်။

မကြာမီ ကျင်းပမည့် ကမ္ဘာ့ကုလသမဂ္ဂ အထွေထွေညီလာခံမတိုင်မီ ပါလက်စတိုင်းလွတ်မြောက်ရေး အဖွဲ့ချုပ်(PLO) နှင့် ပါလက်စတိုင်းအာဏာပိုင်အဖွဲ့(PA) တို့မှ အဖွဲ့ဝင်များကို ပြည်ဝင်ခွင့်ဗီဇာထုတ်ပေးရန် ငြင်းဆိုခြင်းနှင့် ပြန်လည်ရုပ်သိမ်းခြင်းများ ပြုလုပ်သွားမည်ဟု အမေရိကန်နိုင်ငံခြားရေးဝန်ကြီးဌာနက သြဂုတ် ၂၉ ရက်က ကြေညာချက်ထုတ်ပြန်ခဲ့ကြောင်း သိရသည်။

အီးယူ နိုင်ငံခြားရေးဝန်ကြီးများအစည်းအဝေးတွင် ဂါဇာကမ်းမြောင်ဒေသ၌ လူသားချင်း စာနာထောက်ထားမှုအခြေအနေများ ပိုမိုဆိုးရွားလာခြင်းနှင့်ပတ်သက်၍ ဆွေးနွေးခဲ့သော်လည်း အစ္စရေးအပေါ် ပိတ်ဆို့အရေးယူမှုများ ထပ်မံချမှတ်ရေးကိစ္စနှင့်ပတ်သက်၍မူ နက်နက်ရှိုင်းရှိုင်း သဘောထားကွဲလွဲနေကြဆဲဖြစ်ကြောင်း သိရသည်။

အီးယူ နိုင်ငံခြားရေးရာမူဝါဒအကြီးအကဲ ကာဂျာကာလက်စ်က အဖွဲ့ဝင်နိုင်ငံများအနေဖြင့် အခြေအနေများ၏ လေးနက်မှုကို ထင်ထင်ရှားရှား သဘောတူခဲ့ကြပြီး ခိုင်မာသည့် စီမံဆောင်ရွက်မှုများနှင့်ပတ်သက်၍ အများဆန္ဒနှင့်အညီ သဘောတူညီမှုမရခဲ့ကြောင်း သတင်းစာရှင်းလင်းပွဲတွင် ပြောကြားခဲ့သည်။

အစည်းအဝေးတွင် သဘာပတိအဖြစ်ဆောင်ရွက်ခဲ့သော ဒိန်းမတ်နိုင်ငံခြားရေးဝန်ကြီး လားစ်လော့ခ်ကီ ရက်စ်မက်စ်ဆန်က ထိရောက်ပြင်းထန်သည့် ဖိအားပေးမှုများမပြုလုပ်ဘဲ အစ္စရေး၏ရပ်တည်မှု လမ်းကြောင်းကို ပြောင်းလဲနိုင်ဖွယ်မရှိဟု ယုံကြည်လက်ခံသည့် အဖွဲ့ဝင်နိုင်ငံများ ပိုများလာကြောင်း အသိပေးပြောကြားခဲ့သည်။

အစည်းအဝေးကျင်းပရာနေရာ၏ အပြင်ဘက်တွင်လည်း ဆန္ဒပြသူများက စုဝေးပြီး ဂါဇာတွင် ကြုံတွေ့နေရသော လူသားချင်းစာနာမှုအကျပ်အတည်းအပေါ် ပိုမိုထိရောက်သည့်အရေးယူဆောင်ရွက် မှုများလုပ်ဆောင်ရန် ဒိန်းမတ်နှင့် အီးယူတာဝန်ရှိသူများအား တောင်းဆိုခဲ့ကြောင်း သိရသည်။ (Xinhua)
————————————
(English Version)
EU ministers urge U.S. to reconsider visa ban on Palestinian officials
OSLO, Aug. 30 (Xinhua) — European Union (EU) foreign ministers met in Copenhagen on Saturday, and they unanimously urged the United States to reconsider its recent decision to deny entry visas to Palestinian officials.
The U.S. Department of State said Friday in a statement that it is “denying and revoking visas from members of the Palestine Liberation Organization (PLO) and the Palestinian Authority (PA) ahead of the upcoming United Nations General Assembly.”
The meeting also discussed the worsening humanitarian situation in Gaza, but the participants were deeply divided over whether to impose further sanctions against Israel.
EU foreign policy chief Kaja Kallas told a press conference that while member states broadly agree on the gravity of the situation, consensus has not been reached on concrete measures.
Danish Foreign Minister Lars Lokke Rasmussen, who chaired the meeting, said an increasing number of member states believe Israel is unlikely to change course without stronger pressure.
Outside the meeting venue, demonstrators gathered, urging Denmark and the EU to take stronger action over the humanitarian crisis in Gaza.
Photo:
EU foreign policy chief Kaja Kallas speaks during a press conference in Brussels, Belgium, May 20, 2025. (European Union/Handout via Xinhua)