နိုင်ငံတကာရာဇ၀တ်တရားရုံး (ICC) က အစ္စရေးနှင့် ဟားမက်စ် အရာရှိများအား ဖမ်းဝရမ်း ထုတ်ပြန်

သည်ဟိတ်၊ နိုဝင်ဘာ ၂၃ ရက် (ဆင်ဟွာ)
နိုင်ငံတကာရာဇ၀တ်တရားရုံး (ICC) က အစ္စရေးနိုင်ငံ ဝန်ကြီးချုပ် ဘင်ဂျမင်နေတန်ယာဟု၊ ကာကွယ်ရေးဝန်ကြီးဟောင်း Yoav Gallant နှင့် အစ္စလာမ်မစ်တော်လှန်ရေး လှုပ်ရှားမှု အဖွဲ့ (ဟားမက်စ်) စစ်ဦးစီးချုပ် Mohammed Diab Ibrahim al-Masri တို့ကို နိုဝင်ဘာ ၂၁ ရက်တွင် သည်ဟိတ်မြို့၌ ဖမ်းဝရမ်း ထုတ်ပြန်ခဲ့သည်။
နေတန်ယာဟုနှင့် Gallant တို့ကို “၂၀၂၃ ခုနှစ် အောက်တိုဘာ ၈ ရက်မှ အနည်းဆုံး ၂၀၂၄ ခုနှစ် မေ ၂၀ ရက် ကာလအတွင်း လူသားမျိုးနွယ်အပေါ် ကျူးလွန်သည့် ရာဇဝတ်မှုများနှင့် စစ်ရာဇဝတ်မှုများ ကျူးလွန်ကြောင်း” စွဲချက်တင်ခဲ့သည်ဟု အဆိုပါတရားရုံးက ကြေညာချက်တစ်ခုတွင် ပြောကြားခဲ့သည်။ ယင်းကြေညာချက်၌ ၎င်းတို့ကို စွဲချက်တင်ထားသည့် ပြစ်မှုများကို အသေးစိတ်ဖော်ပြခဲ့ပြီး ၎င်းတို့တွင် ” အရပ်သားများကို တမင်တကာ ပစ်မှတ်ထား တိုက်ခိုက်ခြင်း” နှင့် “ဂါဇာရှိအရပ်သားများ အသက်ရှင်ရပ်တည်ရေး အားထားရသော အစားအစာ၊ သောက်သုံးရေ၊ ဆေးဝါး၊ ဆေးကုသရေးဆိုင်ရာ ပစ္စည်းများ၊ လောင်စာဆီနှင့် လျှပ်စစ်ဓာတ်အား အပါအဝင် အခြေခံထောက်ပံ့ရေးပစ္စည်းများကို တမင်တကာ တရာမဝင်ဖျက်သိမ်းခြင်း” တို့ ပါဝင်ပါသည်။
၂၀၂၃ ခုနှစ် အောက်တိုဘာ ၇ ရက်မှစ၍ အစ္စရေးနှင့် ပါလက်စတိုင်း ပိုင်နက်အတွင်း လူသားမျိုးနွယ်အပေါ် ကျူးလွန်သည့် ရာဇဝတ်မှုနှင့် စစ်ရာဇဝတ်မှု ကျူးလွန်ခဲ့သည့်အတွက် Masri ကို စွဲချက်တင်ခဲ့သည်။
ယခုနှစ် မေလတွင် ICC အစိုးရရှေ့နေ Karim Khan က နေတန်ယာဟု၊ Gallant နှင့် ဟားမက်စ် အပြင် ဟားမက်စ်အဖွဲ့၏ အကြီးတန်းခေါင်းဆောင်နှစ်ဦးဖြစ်သော Ismail Haniyeh နှင့် Yahya Al-Sinwar တို့အပါအဝင် ၅ ဦးကို ဖမ်းဝရမ်း ထုတ်ရန် လျှောက်ထားခဲ့သည်။ Haniyeh နှင့် Sinwar တို့ သေဆုံးသွားကြောင်း အတည်ပြုပြီးမှသာလျှင် ၎င်းတို့နှစ်ဦး၏ လျှောက်လွှာများကို ရုပ်သိမ်းခဲ့ခြင်းဖြစ်သည်။ Masri သေဆုံးခြင်း ရှိ၊ မရှိကို အတိအကျ အတည်မပြုနိုင်သေးသောကြောင့် ၎င်း၏ ဖမ်းဝရမ်းမှာ ဆက်လက်အကျုံးဝင်နေဆဲဖြစ်ကြောင်း သိရသည်။ (Xinhua)

အစ္စရေးနိုင်ငံ ဝန်ကြီးချုပ် နေတန်ယာဟု (အလယ်) နှင့် ကာကွယ်ရေးဝန်ကြီး Gallant (ယာဘက် ဒုတိယ) တို့ကို Tel viva မြို့ရှိ အစ္စရေးစစ်အခြေစိုက်စခန်း၌ ဩဂုတ် ၂၅ ရက်က တွေ့ရစဉ် (ဓာတ်ပုံ- အစ္စရေးကာကွယ်ရေးဝန်ကြီးဌာန)

……………………..
(Chinese Version)
国际刑事法院对以色列和哈马斯高官发出逮捕令
新华社海牙11月21日电（记者王湘江）国际刑事法院21日在海牙对以色列总理内塔尼亚胡、前国防部长加兰特，以及巴勒斯坦伊斯兰抵抗运动（哈马斯）军事指挥官穆罕默德·迪亚卜·易卜拉欣·马斯里发出逮捕令。
该法院在一份声明中说，内塔尼亚胡和加兰特被指控“自2023年10月8日到至少2024年5月20日期间犯有反人类罪和战争罪”。声明详细列举了他们被控的罪行，包括“故意针对平民发动袭击”，以及“故意剥夺加沙平民赖以生存的基本物资，包括食品、饮用水、药品、医疗用品、燃料和电力”等。
马斯里被指控自2023年10月7日起在以色列和巴勒斯坦境内犯下战争罪和反人类罪。
今年5月，国际刑事法院检察官卡里姆·汗申请了对5人的逮捕令，除内塔尼亚胡、加兰特和马斯里，还包括哈马斯的两名高级领导人伊斯梅尔·哈尼亚和叶海亚·辛瓦尔。在确认哈尼亚和辛瓦尔已死亡后，对这两人的申请被撤回。由于无法最终确认马斯里是否已死，针对他的逮捕令仍然有效。（完）
图说1：8月25日，以色列总理内塔尼亚胡 (中)、国防部长加兰特 (右二) 在特拉维夫的一处以色列军事基地内。新华社发（以色列国防部供图）
图说2：这是2017年5月1日在加沙城拍摄的叶海亚·辛瓦尔（资料照片）。新华社发（维萨姆·纳萨尔摄）