ရေကြီးရေလျှံမှုနှင့် မြေပြိုမှုများကြောင့် အင်ဒိုနီးရှားနိုင်ငံတွင် လူ ၁၆၄ ဦး သေဆုံး

ဂျကာတာ၊ နိုဝင်ဘာ ၂၉ ရက် (ဆင်ဟွာ)

မကြာသေးမီရက်များအတွင်း အင်ဒိုနီးရှားနိုင်ငံ ပြည်နယ်သုံးခုတွင် ရေကြီးရေလျှံမှုနှင့် မြေပြိုမှုများကြောင့် သေဆုံးသူ ၁၆၄ ဦး၊ ပျောက်ဆုံးသူ ၇၉ ဦးနှင့် ဒဏ်ရာရရှိသူ ၁၂ ဦးရှိခဲ့ကြောင်း အင်ဒိုနီးရှားနိုင်ငံ အမျိုးသားသဘာဝဘေးအန္တရာယ်စီမံခန့်ခွဲမှုအေဂျင်စီ (BNPB) က နိုဝင်ဘာ ၂၈ ရက်တွင် ကြေညာခဲ့သည်။

မြောက်ဆူမတြားပြည်နယ်သည် ကပ်ဘေးအခြေအနေ အဆိုးရွားဆုံးဖြစ်ပြီး စုစုပေါင်း သေဆုံးသူ ၁၁၆ ဦးနှင့် ပျောက်ဆုံးသူ ၄၂ ဦးရှိကြောင်း၊ Aceh ပြည်နယ်တွင် သေဆုံးသူ ၂၅ ဦး၊ ပျောက်ဆုံးသူ ၂၅ ဦးနှင့် ဒဏ်ရာရရှိသူ ၈ ဦးရှိကြောင်း၊ အနောက်ဆူမတြားပြည်နယ်တွင် သေဆုံးသူ ၂၃ ဦး၊ ပျောက်ဆုံးသူ ၁၂ ဦးနှင့် ဒဏ်ရာရရှိသူ ၄ ဦးရှိကြောင်း ကြေညာချက်တွင် ဖော်ပြထားသည်။
အစွန်းရောက်ရာသီဥတုကြောင့် တစ်ဆင့်တိုးအန္တရာယ်များကို လျှော့ချရန်အတွက် BNPB သည် ရာသီဥတုပြုပြင်မွမ်းမံခြင်းလုပ်ငန်းများကို စတင်ခဲ့ပြီဖြစ်သည်။ ဒေသန္တရအစိုးရ၊ စစ်တပ်နှင့် ရဲတပ်ဖွဲ့များ၊ သက်ဆိုင်ရာဌာနများသည် ရှာဖွေကယ်ဆယ်ရေး၊ လမ်းကြောင်း ရှင်းလင်းရေး၊ ဆက်သွယ်ရေးပြန်လည်ရရှိရေးနှင့် ကူညီကယ်ဆယ်ရေး ထောက်ပံ့ပစ္စည်းများ ဖြန့်ဝေရေးတို့ကို အရှိန်မြှင့်တင်လုပ်ဆောင်လျက်ရှိသည်။
BNPB က ယခင်ကထုတ်ပြန်ခဲ့သော သေဆုံးသူအရေအတွက်တွင် ကိန်းဂဏန်းဆိုင်ရာမှားယွင်းမှုရှိပြီး ကြေညာစာသစ်တွင် ပြင်ဆင်ပြီးဖြစ်ကြောင်း အသိပေး ဖော်ပြထားသည်။ (Xinhua)

အင်ဒိုနီးရှားနိုင်ငံ မြောက်ဆူမတြားပြည်နယ်တွင် ကယ်ဆယ်ရေးသမားများနှင့် ရွာသားများအတူ ရွှံ့ပွက်များရှင်းလင်းနေသည်ကို နိုဝင်ဘာ ၂၈ ရက်က တွေ့ရစဉ် (ဆင်ဟွာ)

…………………
(Chinese Version)
洪水和山体滑坡已致印尼164人死亡
新华社雅加达11月28日电（记者陶方伟）印度尼西亚国家抗灾署28日发布公告说，连日来侵袭该国3个省的洪水和山体滑坡已造成164人死亡、79人失踪、12人受伤。
公告说，北苏门答腊省灾情最为严重，共有116人死亡、42人失踪；在亚齐省，共有25人死亡、25人失踪、8人受伤；西苏门答腊省共报告23人死亡、12人失踪、4人受伤。
为降低极端天气带来的进一步风险，印尼国家抗灾署已启动人工影响天气行动。当地政府、军警力量及各相关部门正加紧开展搜救、疏通道路、恢复通信、分发救援物资。
印尼国家抗灾署在公告中注明，先前公布的死亡人数存在统计错误，已在更新后的公告中更正。（完）
图说1：11月28日，在印度尼西亚北苏门答腊省，一名女子在受灾地点哭泣。新华社发（金廷摄）
图说2：11月28日，在印度尼西亚北苏门答腊省，救援人员和村民一起清理淤泥。新华社发（金廷摄）