“ခရီးသွားလာမှု တားမြစ်မိန့်” အတိုင်းအတာကို နိုင်ငံပေါင်း ၃၀ ကျော်အထိ တိုးချဲ့ရန် စီစဉ်လျက်ရှိကြောင်း အမေရိကန်နိုင်ငံ အမိမြေလုံခြုံရေးဝန်ကြီး ဆို

ဝါရှင်တန်၊ ဒီဇင်ဘာ ၅ ရက် (ဆင်ဟွာ)
အမေရိကန်နိုင်ငံအစိုးရသည် “ခရီးသွားလာမှု တားမြစ်မိန့်” လွှမ်းခြုံမှုအတိုင်းအတာကို နိုင်ငံပေါင်း ၃၀ ကျော်အထိ တိုးချဲ့ရန် စီစဉ်လျက်ရှိကြောင်း အမေရိကန် အမိမြေလုံခြုံရေးဝန်ကြီး Kristi Noem က ဒီဇင်ဘာ ၄ ရက် အမေရိကန်မီဒီယာများ၏ မေးမြန်းမှုကို ဖြေကြားစဉ် ပြောကြားခဲ့သည်။
ထိုနေ့တွင် Fox News ကွန်ရက်အောက်ရှိ အစီအစဉ်တစ်ခု၏ မေးမြန်းခန်း၌ အမေရိကန်အစိုးရသည် “ခရီးသွားလာမှု တားမြစ်မိန့်” စာရင်းတွင် ပါဝင်သော နိုင်ငံအရေအတွက်ကို ၃၂ နိုင်ငံအထိ တိုးမြှင့်မည်လားဆိုသည်ကို အတည်ပြုပေးရန် Noem အား တောင်းဆိုခဲ့သည်။
“ကျွန်တော် အရေအတွက်အတိအကျကိုတော့ ပြောမှာမဟုတ်ဘူး၊ ဒါပေမဲ့ (စာရင်းထဲက နိုင်ငံ) အရေအတွက် ၃၀ ကျော်သွားပါပြီ၊ သမ္မတ (ထရမ့်) က သက်ဆိုင်ရာနိုင်ငံတွေအပေါ် ဆက်လက်အကဲဖြတ်နေပါတယ်” ဟု Noem က ပြောကြားခဲ့သည်။
အမေရိကန် အိမ်ဖြူတော်သည် ယခုနှစ် ဇွန်လမှစ၍ “နိုင်ငံတော် လုံခြုံရေး” စသည်တို့ကို အကြောင်းပြကာ အာဖဂန်နစ္စတန်၊ မြန်မာ၊ ချတ် စသည့် နိုင်ငံ ၁၂ နိုင်ငံမှ နိုင်ငံသားများအပေါ် ပြည်ဝင်ခွင့်ကို အလုံးစုံကန့်သတ်ခဲ့ပြီး ဘူရွန်ဒီ၊ ကျူးဘား၊ လာအို စသည့် နိုင်ငံ ၇ နိုင်ငံမှ နိုင်ငံသားများ အမေရိကန်သို့ ဝင်ရောက်ခြင်းကို တစ်စိတ်တစ်ပိုင်း ကန့်သတ်ခဲ့သည်။
ထရမ့်အစိုးရသည် အထက်ဖော်ပြပါ နိုင်ငံ ၁၉ နိုင်ငံမှ နိုင်ငံသားများ၏ ရွှေ့ပြောင်းနေထိုင်မှုလျှောက်ထားချက်များကို လက်ခံစိစစ်ရန် ရပ်ဆိုင်းခဲ့ပြီးဖြစ်ကြောင်း၊ ရွှေ့ပြောင်းနေထိုင်မှုလျှောက်ထားချက် လက်ခံစိစစ်ရန်ရပ်ဆိုင်းခြင်းတွင် ဂရင်းကတ် (အမြဲတမ်းနေထိုင်ခွင့်) နှင့် နိုင်ငံသားဖြစ်ခွင့်လျှောက်ထားသူများ အပါအဝင် ဤနိုင်ငံများမှ အမေရိကန် နိုင်ငံသားနှင့် လူဝင်မှုကြီးကြပ်ရေးဝန်ဆောင်မှုဌာနသို့ လျှောက်ထားလျက်သော နိုင်ငံသားများ အကျုံးဝင်ကြောင်း အမေရိကန် မီဒီယာ၏ ဒီဇင်ဘာ ၂ ရက် သတင်းထုတ်ပြန်ချက်အရ သိရသည်။
နိုဝင်ဘာ ၂၆ ရက်တွင် အမေရိကန်နိုင်ငံ မြို့တော် ဝါရှင်တန်ဒီစီတွင် အမျိုးသားအစောင့်တပ် အဖွဲ့ဝင်နှစ်ဦး ပစ်ခတ်ခံရခဲ့ပြီး ပစ်ခတ်သူမှာ အာဖဂန်နစ္စတန်နိုင်ငံသားတစ်ဦးဖြစ်သည်။ ယင်းနောက် အမေရိကန်အစိုးရသည် လူဝင်မှုကြီးကြပ်ရေးစီမံထိန်းချုပ်မှုကို တိုးမြှင့်ခဲ့သည်။ အမေရိကန် နိုင်ငံသားနှင့် လူဝင်မှုကြီးကြပ်ရေးဝန်ဆောင်မှုဌာနသည် အထက်ပါ “စိုးရိမ်ဖွယ်ရှိသော နိုင်ငံ” ၁၉ နိုင်ငံမှ ဂရင်းကတ် ကိုင်ဆောင်ထားသူများကိုလည်း ပြန်လည်စိစစ်မည်ဟု ကြေညာခဲ့သည်။ အမေရိကန် သမ္မတ ထရမ့်က “တတိယ ကမ္ဘာ့နိုင်ငံများ” မှ ရွှေ့ပြောင်းနေထိုင်သူများကို အပြီးတိုင်ရပ်ဆိုင်းမည်ဖြစ်ကြောင်း ဆိုရှယ်မီဒီယာတွင် ရေးသားဖော်ပြခဲ့သည်။ အမေရိကန် နိုင်ငံခြားရေးဌာနက အာဖဂန်နစ္စတန် နိုင်ငံကူးလက်မှတ်ကိုင်ဆောင်သူများအား ဗီဇာထုတ်ပေးခြင်းကိုလည်း ရပ်ဆိုင်းကြောင်း ကြေညာခဲ့သည်။ (Xinhua)
……………….
(Chinese Version)
美国国土安全部长：计划扩大“旅行禁令”范围至30多个国家
新华社华盛顿12月4日电　美国国土安全部长诺姆4日接受美国媒体采访时说，美国政府正计划将“旅行禁令”的覆盖范围扩大到30多个国家。
诺姆当日在接受福克斯新闻网旗下一档节目采访时，被要求确认美国政府是否会将“旅行禁令”名单上的国家数量增加到32个。
“我不会说出具体的数字，但（名单上的国家）数量超过30个了，（特朗普）总统正在继续对有关国家进行评估。”诺姆说。
美国白宫今年6月以“国家安全”等为由，宣布对阿富汗、缅甸、乍得等12国公民实施全面入境限制，并对布隆迪、古巴、老挝等7国公民实施部分入境限制。
据美国媒体12月2日报道，特朗普政府已暂停受理来自上述19个国家的公民的移民申请。暂停受理移民申请的措施适用于这些国家正在向美国公民及移民服务局申请身份的公民，包括绿卡（永久居留许可）及公民身份申请者。
11月26日，美国首都华盛顿特区发生两名国民警卫队成员遭枪击事件，枪手系一名阿富汗公民。此后，美国政府加强移民管控。美国公民及移民服务局宣布对上述19个“受关注国家”的绿卡持有者启动重新审查；美国总统特朗普在社交媒体发帖称，将永久暂停“第三世界国家”移民；美国国务院宣布暂停向阿富汗护照持有人签发签证。（完）
图说：这是12月2日在美国首都华盛顿拍摄的白宫。新华社记者 胡友松 摄