တရုတ်-ကမ္ဘောဒီးယား-ထိုင်း သုံးနိုင်ငံ နိုင်ငံခြားရေးဝန်ကြီးများ တရုတ်နိုင်ငံ အန်းနင်မြို့တွင် လက်ဖက်ရည်စကားဝိုင်းဖြင့် စကားစမြည် ပြောဆိုဆွေးနွေး

ကူမင်း၊ ဩဂုတ် ၁၅ ရက် (ဆင်ဟွာ)
တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး ဝမ်ရိက ကမ္ဘောဒီးယားနိုင်ငံ ဒုတိယဝန်ကြီးချုပ်၊ နိုင်ငံခြားရေးဝန်ကြီး Prak Sokhonn နှင့် ထိုင်းနိုင်ငံ နိုင်ငံခြားရေးဝန်ကြီးဌာန နိုင်ငံခြားရေးဝန်ကြီး Maris Sangiampongsa တို့အား ဖိတ်ကြား၍ ဩဂုတ် ၁၄ ရက်တွင် တရုတ်နိုင်ငံ အန်းနင်မြို့၌ လက်ဖက်ရည်စကားဝိုင်းဖြင့် စကားစမြည် ပြောဆိုကြရာ သဟဇာတဖြစ်သော ပတ်ဝန်းကျင်၌ ကမ္ဘောဒီးယား-ထိုင်း နယ်စပ်ပဋိပက္ခနှင့်စပ်လျဉ်း၍ ချစ်ကြည်ရင်းနှီး၍ ပွင့်လင်းစွာ ညှိနှိုင်းဆွေးနွေးခဲ့ကြကြောင်း သိရသည်။
ထို့သို ဆွေးနွေးကြရာတွင် ဝမ်ရိက ကမ္ဘောဒီးယားနှင့် ထိုင်းနှစ်နိုင်ငံစလုံးသည် နယ်စပ်ပဋိပက္ခများ စဉ်ဆက်မပြတ် ဖြစ်ပွားသွားမည်ကို မလိုလားဘဲ ဆွေးနွေးမှုများ ပြန်လည်စတင်ရန်နှင့် ဆက်ဆံရေး ပြောင်းလဲကောင်းမွန်စေရန် ဆန္ဒရှိကြကြောင်း၊ ယခုအကြိမ် အန်းနင်မြို့တွင် ကျင်းပသည့် လန်ချန်း-မဲခေါင် နိုင်ငံရေးဝန်ကြီးများအစည်းအဝေးသည် ယင်းအတွက် အခွင့်အလမ်းတစ်ရပ် ဆောင်ကြဉ်းပေးခဲ့ကြောင်း၊ “အန်းနင်” ၏ အနက်အဓိပ္ပာယ်မှာ ငြိမ်းချမ်းမှု၊ သဟဇာတဖြစ်မှုနှင့် သင့်မြတ်မှုကို ရည်ညွှန်းရာ ယင်းမှာ အိမ်နီးချင်းနိုင်ငံများ၏ ဆက်ဆံရေးလမ်းကြောင်းလည်း ဖြစ်ကြောင်း၊ ရှေ့ဆက် ရန်လိုခြင်းပြုရန် မသင့်ဘဲ ရန်ငြိုးပြေငြိမ်းရေးကိုပင် ဖော်ဆောင်သင့်ရာ ကမ္ဘောဒီးယားနှင့် ထိုင်းနှစ်နိုင်ငံသည် ဤနေရာတွင် “အန်းနင်ဟူသော ငြိမ်းချမ်းရေး၏ အသံ” အတူတကွထွက်ဆိုနိုင်ရန် မျှော်လင့်ကြောင်း ပြောကြားခဲ့သည်။
တရုတ်နိုင်ငံအနေဖြင့် ကမ္ဘောဒီးယား-ထိုင်းနိုင်ငံ နှစ်နိုင်ငံက တွေ့ဆုံဆွေးနွေးမှု ပြန်လည်စတင်ရေး၊ နားလည်မှုလွဲမှားမှုများကို ဖယ်ရှားရေး၊ အပြန်အလှန်ယုံကြည်မှု ပြန်လည်တည်ဆောက်ရေး၊ ပုံမှန် ကူလူးဆက်ဆံမှုနှင့် ပူးပေါင်းဆောင်ရွက်မှုများ ပြန်လည်စတင်ရေးကို ထောက်ခံအားပေးကြောင်း၊ နှစ်နိုင်ငံက ကမ္ဘောဒီးယား-ထိုင်း နယ်နိမိတ် အထွေထွေကော်မတီ အထူးအစည်းအဝေး၏ သဘောတူညီချက်များကို အပြည့်အဝ လက်တွေ့ဖော်ဆောင်ပြီး လက်ရှိ မြေပြင် အပစ်အခတ်ရပ်စဲရေးအခြေအနေအား ခိုင်မာစေခြင်းကို တရုတ်နိုင်ငံက ထောက်ခံအားပေးကြောင်း၊ “အာဆီယံနည်းလမ်း” ဖြင့် ပြဿနာများကို ကောင်းမွန်ဆီလျော်စွာ ဖြေရှင်းရန် အာဆီယံအဖွဲ့က ရှိသင့်သည့်အခန်းကဏ္ဍမှ ပါဝင်ဆောင်ရွက်ခြင်းကို ထောက်ခံအားပေးကြောင်း၊ နှစ်ဖက်က နှစ်နိုင်ငံပြည်သူများ၏ တောင်းဆိုမှုများကို တုံ့ပြန်ကာ နယ်စပ်ဂိတ်များကို အမြန်ဆုံး ပြန်လည်ဖွင့်လှစ်ခြင်းကို ထောက်ခံအားပေးကြောင်း ဝမ်ရိက ထောက်ပြခဲ့သည်။

တရုတ်နိုင်ငံက ကမ္ဘောဒီးယား-ထိုင်း နှစ်ဖက်၏ ဆန္ဒအလျောက် နှစ်နိုင်ငံနယ်စပ်ဒေသ မိုင်းရှင်းလင်းရေး စသည့် လုပ်ငန်းများအတွက် ပံ့ပိုးကူညီပေးမည်ဖြစ်ကြောင်း၊ အစ်ကိုများ အိမ်တွင်းအချင်းများသော်လည်း ပြင်ပရန်ကို ပူးပေါင်းကာကွယ်ရမည် ဟူ၍ တရုတ်ရှေးစကားရှိကြောင်း၊ ကမ္ဘောဒီးယားနှင့် ထိုင်းနိုင်ငံတို့သည် ထာဝရအိမ်နီးချင်းနှင့် အစ်ကိုများဖြစ်ပြီး နှစ်နိုင်ငံအနေဖြင့် အသေးစိတ် အငြင်းပွားမှုများကို ထိန်းချုပ်နိုင်ပြီး ကမ္ဘာလုံးဆိုင်ရာစိန်ခေါ်မှုအမျိုးမျိုးကို လက်တွဲ၍ ကိုင်တွယ်ရင်ဆိုင်နိုင်မည်ဟု ယုံကြည်ကြောင်း၊ ယင်းသည် နှစ်နိုင်ငံပြည်သူများ၏ ကြိုဆိုခြင်း ခံရမည်ဖြစ်သလို ဒေသတွင်းနိုင်ငံများ၏ ဘုံမျှော်လင့်ချက်လည်း ဖြစ်ကြောင်း ၎င်းက ပြောကြားခဲ့သည်။
ကမ္ဘောဒီးယား-ထိုင်းနိုင်ငံ နိုင်ငံခြားရေးဝန်ကြီးတို့က တရုတ်နိုင်ငံ၏ နှစ်ဖက်ညှိနှိုင်းဆွေးနွေးမှုအတွက် အခွင့်အရေး ပံ့ပိုးခဲ့ခြင်းအပေါ် အထူးကျေးဇူးတင်ရှိ၍ အခြေအနေဖြေလျှော့ရေး၊ တွေ့ဆုံဆွေးနွေးမှု တွန်းအားပေးရေးအတွက် တရုတ်နိုင်ငံ၏ အပြုသဘောဆောင်သော အခန်းကဏ္ဍကို တန်းဖိုထားချီးကျူးခဲ့သည်။ နှစ်ဖက်လုံးက ငြိမ်းချမ်းရေး၏ အဖိုးတန်မှု၊ အိမ်နီးချင်း ချစ်ကြည်ရင်းနှီး၏ အရေးပါမှုကို အလေးထားပြောကြားခဲ့ပြီး အငြင်းပွားမှုများကို ငြိမ်းချမ်းသောနည်းလမ်းဖြင့် ထိန်းချုပ်ဖြေရှင်းနိုင်ရန် အပစ်အခတ်ရပ်စဲရေးသဘောတူညီမှုကို တက်ကြွစွာ လက်တွေ့ဖော်ဆောင်ကာ တွေ့ဆုံဆွေးနွေးမှုယန္တရားအား အပြည့်အဝကောင်းမွန်စွာ အသုံးပြုလိုကြောင်း ထပ်လောင်းပြောကြားခဲ့သည်။ (Xinhua)

တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး ဝမ်ရိက ကမ္ဘောဒီးယားနိုင်ငံ ဒုတိယဝန်ကြီးချုပ်၊ နိုင်ငံခြားရေးဝန်ကြီး Prak Sokhonn နှင့် ထိုင်းနိုင်ငံ နိုင်ငံခြားရေးဝန်ကြီးဌာန နိုင်ငံခြားရေးဝန်ကြီး Maris Sangiampongsa တို့အား ဖိတ်ကြား၍ တရုတ်နိုင်ငံ ယူနန်ပြည်နယ် အန်းနင်မြို့၌ ဩဂုတ် ၁၄ ရက်က လက်ဖက်ရည်စကားဝိုင်းဖြင့် စကားစမြည်ပြောဆိုဆွေးနွေးစဉ် (ဆင်ဟွာ)

………………………..
(Chinese Version)
中柬泰三国外长在安宁茶叙
新华社昆明8月14日电（记者董雪、彭奕凯）8月14日，中共中央政治局委员、外交部长王毅邀请柬埔寨副首相兼外交大臣布拉索昆、泰国外长玛里在云南安宁茶叙，在和谐的气氛中，就柬泰边境冲突进行了友好坦诚沟通。
王毅表示，柬泰双方都不希望边境冲突持续下去，都有意愿恢复对话、改善关系，此次在安宁举行的澜湄外长会为此提供了一个契机。安宁寓意着和平、和谐、和睦，这也是邻国相处之道。冤家宜解不宜结，希望柬泰双方在此共同发出“安宁之声”。
王毅指出，中国支持柬泰双方接触对话、消除误解、重建互信，恢复正常交往合作；支持双方全面落实柬泰边界总委员会特别会议共识，巩固现地停火局面；支持东盟发挥应有作用，以“东盟方式”妥善解决问题；支持双方回应两国人民诉求，尽快重开边境口岸。中方愿根据柬泰双方意愿，为两国边境地区扫雷等提供支持和帮助。中国有句古话，兄弟阋于墙，外御其侮。柬泰是永远的邻居和兄弟，相信双方能够管控好具体纠纷，携手应对各种全球性挑战，这必将受到两国人民欢迎，也是地区国家的共同期待。
柬泰外长诚挚感谢中方为双方沟通提供机会，高度赞赏中方为缓和局势、推动对话发挥的建设性作用。双方均强调和平可贵，睦邻为重，重申愿积极落实停火协议，用好用足对话机制，以和平方式管控并解决好争端。（完）
图说：8月14日，中共中央政治局委员、外交部长王毅邀请柬埔寨副首相兼外交大臣布拉索昆、泰国外长玛里在云南安宁茶叙。 新华社记者 彭奕凯 摄