“ပူတင်-ထရမ့် တွေ့ဆုံဆွေးနွေးပွဲ” ၃နာရီ နီးပါး ကြာမြင့်၊ တိုးတက်မှုရှိသော်လည်း သဘောတူညီချက် မရရှိ

အန်းခါးရေ့ဂျ်၊ ဩဂုတ် ၁၆ ရက် (ဆင်ဟွာ)
အမေရိကန်သမ္မတ ထရမ့်နှင့် ရုရှားသမ္မတ ပူတင်တို့သည် ဩဂုတ် ၁၅ ရက်တွင် အမေရိကန်နိုင်ငံ အလက်စကာပြည်နယ် အန်းခါးရေ့ဂျ်မြို့၌ တွေ့ဆုံဆွေးနွေးပွဲ ကျင်းပခဲ့သည်။ တွေ့ဆုံဆွေးနွေးမှုသည် ၃ နာရီခန့် ဆက်တိုက်ကြာမြင့်ခဲ့ပြီး နှစ်ဖက်က တွေ့ဆုံဆွေးနွေးမှုသည် “အပြုသဘောဆောင်၍” “အောင်မြင်မှုရလဒ်ကြွယ်ဝ” သော်လည်း ရုရှား-ယူကရိန်း အပစ်အခတ်ရပ်စဲရေး စသည့် အရေးကိစ္စများနှင့် စပ်လျဉ်း၍ မည်သည့် သဘောတူညီချက်မျှ ရရှိခဲ့ခြင်းမရှိဟု ပြောကြားခဲ့သည်။

တွေ့ဆုံဆွေးနွေးပွဲကို အမေရိကန်စစ်တပ် ၃၀,၀၀၀ ခန့် အခြေစိုက်လျက်ရှိသော၊ အမေရိကန် “ရုရှားဆန့်ကျင်ရေး” ၏ ရှေ့ပြေးဟု ယူဆခံရသော Elmendorf-Richardson ပူးတွဲစစ်အခြေစိုက်စခန်းတွင် ကျင်းပခဲ့သည်။ ယင်းနေ့ဒေသစံတော်ချိန် နံနက်ပိုင်းတွင် ထရမ့်နှင့် ပူတင်တို့သည် ၎င်းတို့ အထူးလေယာဉ်အသီးသီးဖြင့် အခြေစိုက်စခန်းရှိ လေဆိပ်သို့ ရှေ့ဆင့်နောက်ဆင့် ရောက်ရှိခဲ့ကြပြီး လေယာဉ်လှေကားထစ်မှ ဆင်းလာခဲ့ကြသည်။ ထရမ့်သည် ကော်ဇောနီထက်တွင် ပူတင်အား လက်ဆွဲနှုတ်ဆက်ကြိုဆိုခဲ့သည်။ အနီရောင် ကော်ဇော တစ်ဖက်တစ်ချက်တွင် အမေရိကန်လေတပ် F-22 ကိုယ်ပျောက်တိုက်လေယာဉ် ၂ စင်း ရပ်နားထားပြီး B-2 ကိုယ်ပျောက် မဟာဗျူဟာ ဗုံးကြဲလေယာဉ်တစ်စင်းက အမေရိကန်လေတပ်၏ လေယာဉ်အုပ်စုကို ဦးဆောင်ကာ ဝေဟင်မှ အသံကျယ်လောင်စွာဖြင့် ပျံသန်းသွားခဲ့သည်။ အမေရိကန်မီဒီယာများက အမေရိကန်၏ ဤကဲ့သို့စီစဉ်မှုသည် မြင့်မားသော စံနှုန်းကို ထင်ဟပ်စေရုံသာမက စစ်အင်းအားကိုပါ ပြသလိုက်ခြင်းဖြစ်သည်ဟု သုံးသပ်ခဲ့ကြသည်။

ထရမ့်နှင့် ပူတင်သည် အမေရိကန်သမ္မတ အထူးမော်တော်ယာဉ်ဖြင့် အခမ်းအနားသို့ အတူသွားရောက်ခဲ့သည်။ တွေ့ဆုံဆွေးနွေးမှုသည် “တစ်ဖက် သုံးဦးစီ” ပုံစံဖြင့် ဒေသစံတော်ချိန် နံနက် ၁၁ နာရီ ၂၀ မိနစ် (ပေကျင်းစံတော်ချိန် ဩဂုတ် ၁၆ ရက် နံနက် ၃ နာရီ ၂၀ မိနစ်) ခန့်တွင် စတင်ခဲ့ပြီး ၃ နာရီနီးပါး ဆက်တိုက်ကြာမြင့်ခဲ့သည်။ နှစ်ဖက် နိုင်ငံခြားရေးဝန်ကြီး စသည်တို့ ပါဝင်ခဲ့ပြီး အစည်းအဝေးပြီးနောက် ပူးတွဲသတင်းစာရှင်းလင်းပွဲကျင်းပခဲ့သည်။ ပူတင်က ဦးစွာ မိန့်ခွန်းပြောကြားခဲ့ပြီး ရုရှား-အမေရိကန် ဆက်ဆံရေးကို အသစ်တဖန် စတင်ကာ ပူးပေါင်းဆောင်ရွက်မှု ပြန်လည်ထူထောင်ရန် “အရေးကြီးပြီး လိုအပ်” ကြောင်း၊ ထရမ့်နှင့် ရရှိခဲ့သည့် နားလည်မှုများက “ယူကရိန်း၏ ငြိမ်းချမ်းရေးအတွက် လမ်းခင်းပေးနိုင်မည်” ဟု မျှော်လင့်ကြောင်း ပြောကြားခဲ့သည်။
ယင်းနောက် ထရမ့်က တွေ့ဆုံဆွေးနွေးသည် တိုးတက်မှုအချို့ ရှိခဲ့သော်လည်း “အရေးအကြီးဆုံး ဖြစ်ကောင်းဖြစ်နိုင်သည့်” အကြောင်းအရာတစ်ခုနှင့်စပ်လျဉ်း၍ သဘောတူညီချက် မရရှိခဲ့သေးကြောင်း၊ နောက်ပိုင်းတွင် “အလွန်ကောင်းမွန်သော အခွင့်အလမ်း” ရှိနေဆဲဖြစ်ကြောင်း ပြောကြားခဲ့သည်။
သတင်းစာရှင်းလင်းပွဲနောက်ဆုံးတွင် ပူတင်က “နောက်တစ်ကြိမ် မော်စကိုမှာ” ဟု အင်္ဂလိပ်ဘာသာစကားဖြင့် ပြောကြားခဲ့သည်။ ထရမ့်က “စိတ်ဝင်စားစရာကောင်းတဲ့ အဆိုပြုချက်ပါ”၊ “ဒါက ဖြစ်နိုင်ခြေရှိပါတယ်” ဟု ပြန်လည်တုံ့ပြန်ခဲ့သည်။
ယူကရိန်းအကျပ်အတည်း ဖြစ်ပွားရသည့် အကြောင်းအရာများမှာ ရှုပ်ထွေးရောယှက်နေသည်။ ယင်းမတိုင်မီ ထရမ့်က တွေ့ဆုံဆွေးနွေမှု၏ အစပိုင်း နှစ်မိနစ်တွင်ပင် ပူတင်က ငြိမ်းချမ်းရေးရှာဖွေရန် စိတ်ဝင်စားမှုရှိမရှိကို သိနိုင်ကြောင်း၊ တွေ့ဆုံဆွေးနွေးမှုကို တမင်သက်သက် “နှိမ့်ချ” ကာ ယင်းမှာ “အစမ်းသဘော တွေ့ဆုံမှု”၊ အဓိကမှာ “နားထောင်ပေးရန်” ဖြစ်ကြောင်း ပြောကြားခဲ့ပြီး တစ်ချိန်တည်းမှာပင် အကယ်၍ ပူတင်က အပစ်အခတ်ရပ်စဲရေး လက်မခံပါက “အလွန် ပြင်းထန်သော နောက်ဆက်တွဲဆိုးကျိုးများ” နှင့် ရင်ဆိုင်ရမည်ဖြစ်ကြောင်း ခြိမ်းခြောက်ပြောကြားခဲ့သည်။
“ပူတင်-ထရမ့် တွေ့ဆုံဆွေးနွေးပွဲ” ကျင်းပသည့်နေ့တွင် ရုရှား-ယူကရိန်း နှစ်ဖက် အပြန်အလှန် တိုက်ခိုက်မှုများ ဆက်လက်ဖြစ်ပွားလျက်ရှိကြောင်း နှစ်ဖက် အသီးသီး၏ စစ်ရေးအခြေအနေ အသိပေးချက်၌ ဖော်ပြနေသည်။
ယခုအကြိမ် တွေ့ဆုံဆွေးနွေးမှုတွင် ယူကရိန်းနှင့် ဥရောပဘက်အား တက်ရောက်ရန် ဖိတ်ကြားထားခြင်းမရှိကြောင်း၊ အမေရိကန်အနေဖြင့် ဥရောပနှင့် ယူကရိန်း အကျိုးစီးပွားကို စတေးခြင်း မပြုရန် ဥရောပဘက်က မကြာသေးမီရက်များတွင် တိုက်တွန်းခဲ့ကြောင်း သိရသည်။ ယူကရိန်းဘက်က “ပူတင်-ထရမ့် တွေ့ဆုံဆွေးနွေးပွဲ” အပေါ် စိုးရိမ်ကြောင်း ပြောကြားခဲ့ပြီး ယင်းမတိုင်မီ သမ္မတ ဇယ်လန်းစကီးက ငြိမ်းချမ်းရေးလမ်းကြောင်းသည် “မဖြစ်မနေ ယူကရိန်းနဲ့ အတူတကွအတည်ပြုရမှာဖြစ်ပြီး ဒါက အခြေခံအကျဆုံးပါ” ဟု ပြောကြားခဲ့သည်။ ယူကရိန်းနိုင်ငံ မြို့တော် ကိဗ်တွင် အချို့သော မြို့သူမြို့သားများက စစ်ရေးဆောလျင်စွာ အဆုံးသတ်ရန် မျှော်လင့်ကြောင်း ပြောကြားခဲ့သည်။ (Xinhua)

……………………
(Chinese Version)
“普特会”近3小时有进展但无协议
新华社美国安克雷奇8月15日电（记者熊茂伶　谭晶晶）美国总统特朗普与俄罗斯总统普京15日在美国阿拉斯加州安克雷奇举行会晤。会晤持续约3小时，双方表示，会晤“具有建设性”“富有成果”，但未就俄罗斯与乌克兰停火等问题达成任何协议。
会晤在驻扎着约3万美军人员、被视为美国“抗俄”前沿的埃尔门多夫－理查森联合军事基地举行。当地时间上午，特朗普和普京各自乘专机相继抵达基地机场，两人先后走下舷梯。特朗普在红毯上迎接普京并握手寒暄。红毯两侧各停放两架美军F－22隐形战斗机，一架B－2隐形战略轰炸机带领美军战机编队从上空呼啸而过。美国媒体解读，美方安排既体现高规格也展示武力。
特朗普和普京一同乘坐美国总统专车前往会场。会谈以“三对三”形式于当地时间11时20分（北京时间16日3时20分）许开始，持续近3小时，双方外长等加入，并在会后举行联合记者会。普京首先讲话，称俄美关系实现翻篇并恢复合作“重要且必要”，希望与特朗普达成的谅解将为“乌克兰的和平铺平道路”。特朗普随后表示，会晤取得一些进展，但尚未就“或许是最重要”的一个议题达成协议，后续仍有“非常好的机会”。
记者会最后，普京用英语说：“下次在莫斯科。”特朗普回应称，“有意思的提议”“这有可能发生”。
乌克兰危机成因错综复杂。特朗普此前表示，会晤头两分钟就知道普京是否确有兴趣寻求和平，并刻意为会晤“降调”，称这是“试探性会晤”，主要是“倾听”，同时威胁说，若普京不接受停火提议，将面临“非常严重后果”。
“普特会”当天，俄乌各自战况通报显示，双方交火仍在持续。
乌克兰和欧洲方面未获邀请参加此次会晤。欧洲方面连日来持续敦促美方勿牺牲欧洲和乌克兰利益。乌克兰方面对“普特会”表示了担忧，总统泽连斯基此前表示，和平之路“必须与乌克兰共同确定，这是最基本的”。在乌首都基辅，一些市民表示，期盼战事早日结束。（完）
图说：8月15日，美国总统特朗普（右）与俄罗斯总统普京在美国阿拉斯加州安克雷奇市埃尔门多夫-理查森联合军事基地举行会晤后共同出席联合记者会。新华社记者吴晓凌摄