ပေထုံတန် ဝန်ကြီးချုပ်ရုံးသို့ ရောက်ရှိ၊ တရားစီရင်ချက်ကို လက်ခံ၍ နှုတ်ဆက်ခဲ့

ဘန်ကောက်၊ ဩဂုတ် ၃၀ ရက် (ဆင်ဟွာ)
ပေထုံတန်သည် ဇူလိုင် ၂၉ ရက် ညနေပိုင်းတွင် ထိုင်းနိုင်ငံ ဖွဲ့စည်းပုံအခြေခံဥပဒေခုံရုံး၌ ၎င်း၏ တရားစီရင်ချက်အား ဖတ်ကြားပြီးနောက် ဝန်ကြီးချုပ်ရုံးသို့ ရောက်ရှိလာကာ သတင်းစာရှင်းလင်းပွဲ ပြုလုပ်ခဲ့သည်။ တရားရုံး၏ အစီရင်ခံချက်အရ ၎င်းအား ဝန်ကြီးချုပ်ရာထူးမှ တရားဝင် ထုတ်ပယ်လိုက်ပြီ ဖြစ်ကြောင်း သိရသည်။
ဖွဲ့စည်းပုံအခြေခံဥပဒေခုံရုံးသည် ထိုနေ့ နံနက်ပိုင်းတွင် ပေထုံတန်အနေဖြင့် ဖွဲ့စည်းပုံအခြေခံဥပဒေအပေါ် ချိုးဖောက်ကြောင်း သံသယရှိမှုနှင့် စပ်လျဉ်း၍ နှုတ်ဖြင့် ထုတ်ဖော်ပြောဆိုခြင်း၊ ဆွေးနွေးခြင်းနှင့် မဲခွဲဆုံးဖြတ်ခြင်းများ စတင်လုပ်ဆောင်ခဲ့ပြီး ညနေ ၃ နာရီတွင် တရားစီရင်ချက်ကို ဖတ်ကြားခဲ့သည်။ ဖတ်ကြားသည့်ဖြစ်စဉ်ကို လူမှုကွန်ရက်ပေါ်တွင် တိုက်ရိုက်ထုတ်လွှင့်ခဲ့သည်။
ပေထုံတန်က ထိုနေ့တွင် တရားရုံးသို့ မသွားရောက်ခဲ့ဘဲ ၎င်းသည် ဖတ်ကြားခြင်း မစတင်မီ ဝန်ကြီးချုပ်ရုံးသို့ ရောက်ရှိလာကာ တိုက်ရိုက်ထုတ်လွှင့်မှုမှတစ်ဆင့် တရားစီရင်ချက်ကို ကြည့်ရှုခဲ့သည်။ မီဒီယာသတင်းထောက်အများအပြားသည် ဝန်ကြီးချုပ်ရုံးဝင်းအတွင်းရှိ မြက်ခင်းပြင်ပေါ်တွင် ကင်မရာ အရွယ်အစားစုံ တပ်ဆင်ပြီး အဓိကကျသော အခိုက်အတန့်များ ဖမ်းယူနိုင်ရန် စောင့်ဆိုင်းနေကြသည်။
ဖွဲ့စည်းပုံအခြေခံဥပဒေခုံရုံးက တရားစီရင်ချက် ကြေညာပြီးနောက် မီဒီယာသတင်းထောက်များက ဝန်ကြီးချုပ်ရုံးအဆောက်အဦဆီသို့ တိုးဝှေ့သွားရောက်ခဲ့ကြပြီး ပထမအလွှာသည် လက်တွင် ကင်မရာ၊ ဗီဒီယိုကင်မရာများနှင့် မိုက်ကရိုဖုန်းများကိုင်ဆောင်ထားသော သတင်းထောက်များဖြင့် ချက်ချင်းပြည့်နှက်သွားကာ မကြာမီ ရောက်ရှိလာမည့် ပေထုံတန်အတွက် လှေကားအနီး စတုရန်းမီတာအနည်းငယ်ရှိသော နေရာလပ်သာ ချန်ပေးထားသည်။
ညနေ ၄ နာရီခွဲခန့်တွင် ပေထုံတန်သည် အနက်ရောင်ဝမ်းဆက်ဝတ်ဆင်ထားပြီး လှေကားမှ ခပ်သွက်သွက်ဆင်းလာကာ မီဒီယာများအား လက်အုပ်ချီနှုတ်ဆက်ပြီး အစောပိုင်းကတည်းက ခန်းမ၌ စောင့်ဆိုင်းနေသော အစိုးရအဖွဲ့ဝင်များကြားမှ မိုက်ကရိုဖုန်းရှေ့သို့ သွားရောက်ခဲ့သည်။ တရားရုံး၏ စီရင်ချက်နှင့်ပတ်သက်၍ ၎င်းက လက်ခံကြောင်း ပြောကြားခဲ့သည်။
“တရားစီရင်ရေးလုပ်ငန်းစဉ်ကို လေးစားသောအားဖြင့် ဖွဲ့စည်းပုံအခြေခံဥပဒေခုံရုံးရဲ့ စီရင်ချက်ကို ကျွန်မလက်ခံပါတယ်” ဟု ပေထုံတန်က ပြောကြားခဲ့ပြီး ၎င်း၏ မူလရည်ရွယ်ချက်သည် အစဉ်အမြဲပင် နိုင်ငံတော်အတွက်ဖြစ်ပြီး မည်သည့်ကိုယ်ကျိုးစီးပွားကိုမျှ မရှာဖွေခဲ့ကြောင်း၊ ၎င်း အစဉ်အမြဲ အလေးထားရဆုံးမှာ လူထု၏ အသက်အိုးအိမ်လုံခြုံရေးဖြစ်ပြီး စစ်သည်ဖြစ်စေ အရပ်သားပြည်သူဖြစ်စေ ၎င်းအနေဖြင့် ၎င်းတို့၏ အသက်အိုးအိမ်လုံခြုံရေးကို ထိန်းသိမ်းကာကွယ်ပေးသွားနိုင်ရန် စိတ်ရင်းမှန်ဖြင့် မျှော်လင့်ကြောင်း၊ ဖုန်းပြောဆိုစဉ် အသံဖမ်းမှုဖြစ်ရပ်အတွင်း ပြောဆိုမှုသည် ဇူလိုင် ၂၄ ရက် ထိုင်း-ကမ္ဘောဒီးယား ပဋိပက္ခမဖြစ်မီက ဖြစ်ပြီး ၎င်း၏ မူလရည်ရွယ်ချက်မှာ ဆွေးနွေးညှိနှိုင်းရန်သာဖြစ်ကြောင်း ထပ်လောင်းပြောကြားခဲ့သည်။
ရက်အနည်းငယ်အကြာ ထိုင်းနိုင်ငံရေးအသိုင်းအဝိုင်းနှင့် လူထုသဘောထားများသည် ဖွဲ့စည်းပုံအခြေခံဥပဒေခုံရုံးက မကြာမီတွင် လုပ်ဆောင်မည့် စီရင်ချက်ကို အထူးအလေးထား စောင့်ကြည့်နေခဲ့ကြသည်။ လူထုအများအပြားသည် လူမှုကွန်ရက်ပေါ်တွင် ထင်မြင်ယူဆချက်များ ဖော်ပြခဲ့ကြရာ သဘောကွဲလွဲမှုမှာ သိသာထင်ရှားလှပေသည်။ ယင်းနှင့် စပ်လျဉ်း၍ ပေထုံတန်က ဘက်အသီးသီးအနေဖြင့် နိုင်ငံရေးတည်ငြိမ်မှုအတွက် စည်းလုံးညီညွတ်ရန် တိုက်တွန်းခဲ့သည်။ “ကျွန်မတို့အနေနဲ့ နိုင်ငံရေးတည်ငြိမ်မှု ပြန်လည်ထူထောင်ဖို့ မဖြစ်မနေ အတူတကွကြိုးစားပြီး တည်ငြိမ်မှုခံစားချက်ကို ပြန်လည်ဖန်တီးပေးဖို့ သေချာစေရမယ်၊ ဒီလိုရုတ်တရက် အပြောင်းအလဲမျိုး နောက်ထပ် မဖြစ်ပွားအောင် ရှောင်ရှားရမယ်” ဟု ၎င်းက ပြောကြားခဲ့သည်။
ပြီးနောက် ပေထုံတန်သည် ထိုင်းနိုင်ငံ ပြည်သူလူထု၊ အစိုးရအဖွဲ့နှင့် မီဒီယာများကို ကျေးဇူးတင်ကြောင်း ပြောကြားခဲ့ပြီး “မိမိရဲ့ အတွေ့အကြုံတွေသုံးပြီး တိုင်းပြည်ကို အလေးအနက်ထား ဖွံ့ဖြိုးတိုးတက်စေပြီး ထိုင်းနိုင်ငံကို အခွင့်အလမ်းတွေ ပြည့်ဝအောင် လုပ်ပေးနိုင်ခဲ့တဲ့အတွက် ဂုဏ်ယူမိပါတယ်… ပြည်သူလူထု အေးချမ်းတည်ငြိမ်စွာ နေထိုင်နိုင်မှုဟာ နိုင်ငံတစ်နိုင်ငံရဲ့ ခိုင်မာအားကောင်းတဲ့ အခြေခံအုတ်မြစ်ပါပဲ” ဟု ပြောကြားခဲ့သည်။
ပြောကြားမှု ပြီးဆုံးပြီးနောက် ပေထုံတန်သည် လက်ပြနှုတ်ဆက်ခဲ့ပြီး တစ်ကိုယ်တည်း ဦးစွာထွက်ခွာခဲ့သည်။
ဒါဇင်နှင့် ချီသော ပြည်သူများသည် ဝန်ကြီးချုပ်ရုံးနှင့် မနီးမဝေးတွင် စုဝေးခဲ့ကြသည်။ ဘန်ကောက်မြို့ခံ အာလွန်လာက “ဖွဲ့စည်းပုံအခြေခံဥပဒေခုံရုံးရဲ့ စီရင်ချက်က အမှန်တရားပါပဲ။ ဘယ်သူက ၀န်ကြီးချုပ်တာဝန်ထမ်းဆောင်တာဖြစ်ပါစေ ပြည်သူနဲ့ တိုင်းပြည်ရဲ့ အကျိုးစီးပွားကို ဦးစားပေးမယ်လို့ အားလုံးက မျှော်လင့်ပါတယ်” ဟု ဆိုခဲ့သည်။
ပေထုံတန်သည် ဝန်ကြီးချုပ်ရုံးမှ ထွက်ခွာပြီးနောက် Pheu Thai ပါတီဌာနချုပ်သို့ တိုက်ရိုက်သွားရောက်ခဲ့ပြီး ထိုနေရာတွင် စောင့်ဆိုင်းနေသော ပါတီအကြီးအကဲ၊ အဖွဲ့ဝင်များနှင့် တွေ့ဆုံခဲ့ကြောင်း ထိုင်းနိုင်ငံ မီဒီယာများ၏ သတင်းထုတ်ပြန်ချက်အရ သိရသည်။ ထောက်ခံသူအချို့က ပေထုံတန်နှင့် Pheu Thai ပါတီအတွက် အားပေးသော ဆိုင်းဘုတ်များကိုင်ဆောင်ထားကြပြီး အနီရောင်အင်္ကျီဝတ်ဆင်ထားသော သက်လတ်ပိုင်း အမျိုးသမီးတစ်ဦးက “သူမ အကောင်းဆုံးကြိုးစားခဲ့ပါတယ်” ဟု မျက်ရည်များဝဲ၍ မီဒီယာများထံ ပြောကြားခဲ့သည်။ (Xinhua)

……………………..
(Chinese Version)
现场直击｜佩通坦现身总理府：接受、告别
新华社曼谷8月29日电　现场直击｜佩通坦现身总理府：接受、告别
新华社记者夏康静　常天童
29日下午，佩通坦在泰国宪法法院宣读对她的裁决后现身总理府，召开记者会。按照法院裁决，她已被正式解除总理职务。
宪法法院当天上午开始就佩通坦涉嫌违宪进行口头陈述、讨论和表决，下午3时宣读审判决定。宣读过程在社交媒体上直播。
佩通坦当天没有前往法院，她在宣读开始前抵达总理府，通过直播观看裁决。大批媒体记者早已在总理府院落的草坪上架起“长枪短炮”，等待捕捉关键瞬间。
在宪法法院宣布裁决后，媒体记者蜂拥进入总理府大楼，一层大厅迅速被手持相机、摄像机和话筒的记者们填满，只留楼梯前几平米空间给即将出现的佩通坦。
下午4时30分许，佩通坦身着黑色套装脚步匆匆走下楼梯，双手合十向媒体致意，从早已在大厅等候的内阁成员中间，走到话筒前。对于法院裁决结果，她表示接受。
“出于对司法程序的尊重，我接受宪法法院的裁决结果。”佩通坦同时重申自己的初衷一直是为了国家，没有谋求任何个人利益，她一直以来最重视的就是民众的生命安全，无论是士兵还是平民，她真心希望能够守护他们的生命安全。通话录音事件中的对话发生在泰柬7月24日发生冲突之前，她的初衷就是为了对话。
连日来，泰国政界和舆论场高度关注宪法法院即将作出的裁决。不少民众在社交媒体上发表看法，分歧明显。对此，佩通坦呼吁各方团结以稳定政局。“我们必须共同努力恢复政治稳定，并确保重新营造稳定感，避免再次发生类似的突然变化。”
随后，佩通坦对泰国民众、内阁和媒体表示感谢，并表示“自豪于能够用自己的经验认真发展国家，让泰国充满机遇……因为民众能够安定生活是国家强大的基础”。
结束讲话后，佩通坦挥手告别，独自一人先行离开。
数十名民众在总理府外不远处聚集。曼谷市民阿伦拉表示：“宪法法院的裁决符合事实。不管是谁担任总理，都希望能以人民利益和国家利益为重。”
据泰国媒体报道，佩通坦在离开总理府后直接前往为泰党总部，与在那等待的党内高层及成员会面。一些支持者手举标语为佩通坦和为泰党加油，一名身穿红色衣服的中年女性含泪对媒体表示：“她尽力了。”（完）
图说：8月29日，在位于泰国曼谷的总理府，佩通坦（中）在宪法法院公布裁定结果后出席记者会。新华社发（拉亨摄）