“ရပ်ဝန်းနှင့် ပိုးလမ်းမ” အတူတကွ တည်ဆောက်ခြင်းသည် ဘင်္ဂလားဒေ့ရှ်နိုင်ငံ လူမှုစီးပွား ဖွံ့ဖြိုးတိုးတက်မှုအား ကူညီတွန်းအားပေးဟု ဘင်္ဂလားဒေ့ရှ် လူပုဂ္ဂိုလ်များ ယူဆ

ဒါကာ၊ စက်တင်ဘာ ၁၅ ရက် (ဆင်ဟွာ)
“၂၀၂၅ ဘင်္ဂလားဒေ့ရှ်နိုင်ငံရှိ ရပ်ဝန်းနှင့် ပိုးလမ်းမ အဆိုပြုချက်” ပြပွဲကို စက်တင်ဘာ ၁၂ ရက်မှ ၁၃ ရက်အထိ ဘင်္ဂလားဒေ့ရှ်နိုင်ငံ မြို့တော်ဒါကာ၌ ကျင်းပခဲ့သည်။ ပြပွဲကာလအတွင်း တရုတ်-ဘင်္ဂလားဒေ့ရှ် အစိုးရအရာရှိများ၊ ကျွမ်းကျင်ပညာရှင်များ၊ စီးပွားရေးလောက ကိုယ်စားလှယ်များ စသည်တို့က “ရပ်ဝန်းနှင့် ပိုးလမ်းမ” အဆိုပြုချက်အား ဘင်္ဂလားဒေ့ရှ်နိုင်ငံ၌ ဖော်ဆောင်သည့်ရလဒ်ကို များစွာ တန်ဖိုးထား ချီးကျူးကြောင်း ပြောကြားခဲ့ကြပြီး နှစ်ဖက် ပူးပေါင်းဆောင်ရွက်မှု အလားအလာ အလွန်ကြီးမားသည်ဟု ယူဆကြသည်။

အဆိုပါပြပွဲကို ဘင်္ဂလားဒေ့ရှ်နိုင်ငံဆိုင်ရာ တရုတ်သံရုံးမှ ကြီးမှူး၍ ဘင်္ဂလားဒေ့ရှ်နိုင်ငံရှိ တရုတ်လုပ်ငန်းကုမ္ပဏီများက တာဝန်ယူကျင်းပကာ တရုတ်၊ ဘင်္ဂလားဒေ့ရှ် စသည့်နိုင်ငံမှ လုပ်ငန်းကုမ္ပဏီများ ပါဝင်ပြသခဲ့သည်။ ပြပွဲတွင် အခြေခံအဆောက်အဦ၊ လျှပ်စစ်စွမ်းအင်၊ ဘဏ္ဍာရေး၊ သိပ္ပံနည်းပညာ စသည့် ကဏ္ဍများပါဝင်ပြီး အဓိကအကြောင်းအရာဖိုရမ် ကျင်းပခြင်း စသည့်နည်းလမ်းများဖြင့် “ရပ်ဝန်းနှင့် ပိုးလမ်းမ” အဆိုပြုချက် အတူတကွတည်ဆောက်ခြင်း၏ ဘင်္ဂလားဒေ့ရှ်နိုင်ငံ၌ ပူးပေါင်းဆောင်ရွက်မှုရလဒ်များကို ဖော်ပြခဲ့သည်။
ပြပွဲတွင် ပါဝင်ပြသသည့် ဘင်္ဂလားဒေ့ရှ်နိုင်ငံ Midland ဘဏ် ဒုတိယဥက္ကဋ္ဌ Majedul Haque Patwary က ဘဏ်သည် ဘဏ္ဍာရေးအချိတ်အဆက်အနေဖြင့် တရုတ်လုပ်ငန်းကုမ္ပဏီများနှင့် ဘင်္ဂလားဒေ့ရှ် ဒေသတွင်း လုပ်ငန်းကုမ္ပဏီများ ချိတ်ဆက်မှုကို တွန်းအားပေးရာ၌ “ရွှေရောင်အင်ဂျင်” အခန်းကဏ္ဍမှ ပါဝင်လျက်ရှိကြောင်း၊ ဘဏ္ဍာရေးဆိုင်ရာ ပူးပေါင်းဆောင်ရွက်မှုများ တစ်ဆင့်တိုးနက်ရှိုင်းစေခြင်း၊ နှစ်ဖက် ရင်းနှီးမြှုပ်နှံမှု အဆင်ပြေချောမွေ့မှု တွန်းအားပေးခြင်း၊ အခြေခံအဆောက်အဦ၊ ကုန်ထုတ်လုပ်ငန်း စသည့်ကဏ္ဍများတွင် ပူးပေါင်းဆောင်ရွက်မှု အလားအလာများ တိုးချဲ့ခြင်းဖြင့် ဘင်္ဂလားဒေ့ရှ်-တရုတ် နှစ်နိုင်ငံ လုပ်ငန်းကုမ္ပဏီများအတွက် ပိုမိုများပြားသည့် ဖွံ့ဖြိုးတိုးတက်မှု အခွင့်အလမ်းများ ဖန်တီးပေးသွားရန် မျှော်လင့်ကြောင်း ပြောကြားခဲ့သည်။
ဘင်္ဂလားဒေ့ရှ်နိုင်ငံ ဘဏ္ဍာရေးဝန်ကြီးဌာန စီးပွားဆက်ဆံရေးဌာန လက်ထောက်အတွင်းဝန် Mirana Mahrukh က “ရပ်ဝန်းနှင့် ပိုးလမ်းမ” အဆိုပြုချက် အတူတကွတည်ဆောက်ခြင်းသည် ဘင်္ဂလားဒေ့ရှ်နိုင်ငံ၏ စွမ်းအင်၊ လမ်းပန်းဆက်သွယ်ရေး၊ ရေအရင်းအမြစ် စီမံခန့်ခွဲမှုနှင့် မြို့ပြအခြေခံအဆောက်အဦ စသည့်ကဏ္ဍ ပူးပေါင်းဆောင်ရွက်မှုများကို အင်တိုက်အားတိုက် တွန်းအားပေးလိုက်သည့်အပြင် ပညာရေး၊ လေ့ကျင့်ရေး စသည့် ပြည်သူအချင်းချင်း ကူးလူးဖလှယ်မှု အခွင့်အရေးများကိုလည်း တိုးချဲ့ပေးလိုက်သောကြောင့် ဘင်္ဂလားဒေ့ရှ်နိုင်ငံ လူရည်ချွန်စွမ်းရည် တည်ဆောက်မှုကို မြှင့်တင်ပေးလိုက်ကြောင်း ပြောကြားခဲ့သည်။
ဘင်္ဂလားဒေ့ရှ်နိုင်ငံ လျှပ်စစ်၊ စွမ်းအင်နှင့် သတ္တုအရင်းအမြစ် ဝန်ကြီးဌာန လျှပ်စစ်ဦးစီးဌာန လက်ထောက်အတွင်းဝန် Md. Sobur Hossain က လျှပ်စစ်စွမ်းအင်သည် ဘင်္ဂလားဒေ့ရှ်-တရုတ် “ရပ်ဝန်းနှင့် ပိုးလမ်းမ” ပူးပေါင်းဆောင်ရွက်မှုတွင် အရေးကြီးကဏ္ဍဖြစ်ကြောင်း၊ ဘင်္ဂလားဒေ့ရှ်အနေဖြင့် တရုတ်လုပ်ငန်းကုမ္ပဏီများက ဘင်္ဂလားဒေ့ရှ်နိုင်ငံ၏ စွမ်းအင်နှင့် ပြန်လည်ပြည့်ဖြိုးမြဲစွမ်းအင်ကဏ္ဍအား ရင်းနှီးမြှုပ်နှံ၍ ဖွံ့ဖြိုးတိုးတက်မှု အခွင့်အလမ်းများ အတူမျှဝေရန် ကြိုဆိုကြောင်း ပြောကြားခဲ့သည်။
“ရပ်ဝန်းနှင့် ပိုးလမ်းမ အဆိုပြုချက် အတူတည်ဆောက်ခြင်းက ဘင်္ဂလားဒေ့ရှ်နိုင်ငံ ဖွံ့ဖြိုးတိုးတက်မှုအတွက် အရေးကြီးတွန်းအားအဖြစ် သယ်ဆောင်လာပေးပါတယ်” ဟု ဘင်္ဂလားဒေ့ရှ်နိုင်ငံ စီးပွားရေးအကြံပေးပုဂ္ဂိုလ် Bashir Uddin က ပြပွဲ ဖွင့်ပွဲအခမ်းအနား၌ ပြောကြားခဲ့သည်။ အခြေခံအဆောက်အဦ တည်ဆောက်မှုအပြင် တရုတ်နိုင်ငံကလည်း ဘင်္ဂလားဒေ့ရှ်နိုင်ငံ၏ အမျိုးစုံလင်သော တင်ပို့မှုအလားအလာအား တိုးချဲ့ရန်၊ စိုက်ပျိုးရေးထုတ်ကုန်များ တင်ပို့မှုကို တွန်းအားပေးရန် စသည်တို့ကိုလည်း တက်တက်ကြွကြွ ကူညီပေးကြောင်း ၎င်းက ပြောကြားခဲ့သည်။
ဘင်္ဂလားဒေ့ရှ်နိုင်ငံဆိုင်ရာ တရုတ်သံအမတ်ကြီး ရောင်ဝန်က တရုတ်နိုင်ငံက အဆိုပြုသည့် ကမ္ဘာလုံးဆိုင်ရာ စီမံခန့်ခွဲမှု အစီအမံ (GGI) နှင့် “ရပ်ဝန်းနှင့် ပိုးလမ်းမ” ပူးပေါင်းဆောင်ရွက်မှုတို့သည် အတူဆွေးနွေး၊ အတူတည်ဆောက်၊ အတူမျှဝေသည့် အယူအဆအား အခြေခံထားခြင်းဖြစ်ပြီး လူသားမျိုးနွယ် အေးအတူပူအမျှ အသိုက်အဝန်း တည်ဆောက်မှုကို ရည်မှန်းချက်အဖြစ် ထားရှိထားခြင်းဖြစ်ကြောင်း၊ တရုတ်နိုင်ငံအနေဖြင့် ဘင်္ဂလားဒေ့ရှ်နိုင်ငံနှင့်အတူ ဆက်လက်ပြီး “ရပ်ဝန်းနှင့် ပိုးလမ်းမ” အား အတူတကွ အရည်အသွေးမြင့် တည်ဆောက်၍ နှစ်နိုင်ငံ ပူးပေါင်းဆောင်ရွက်မှုတွင် ရလဒ်အသစ်များ အဆက်မပြတ် ရရှိကာ နှစ်ဖက်ပြည်သူများကို အကျိုးဖြစ်ထွန်းစေရန် တွန်းအားပေးသွားလိုကြောင်း ပြောကြားခဲ့သည်။ (Xinhua)

———————-
(Chinese Version)
孟加拉国人士认为共建“一带一路”助推孟经济社会发展
新华社达卡9月14日电（记者孙楠）“2025‘一带一路’倡议在孟加拉国”展会12日至13日在孟加拉国首都达卡举办。展会期间，中孟政府官员、专家学者、商界代表等高度评价共建“一带一路”倡议在孟发展成果，认为双方合作空间巨大。
展会由中国驻孟加拉国使馆主办、孟中资企业协会承办，43家中孟等国企业参加，涵盖基础设施、电力能源、金融、科技等领域，通过举办主题论坛等方式，展现共建“一带一路”倡议在孟合作成果。
参展商孟加拉国米德兰银行副行长帕特瓦里表示，银行作为金融纽带，在推动中资企业与孟本地企业对接中发挥着“金融引擎”作用。期待通过进一步深化金融合作，推动双边投资便利化，拓展基础设施、制造业等领域合作空间，为孟中两国企业创造更多发展机遇。
孟财政部经济关系局辅秘米拉娜说，共建“一带一路”倡议不仅极大推动孟加拉国能源、交通、水资源管理和城市基础设施等领域发展，还拓展了教育、培训等人文交流机会，促进了孟人才能力建设。
孟电力、能源和矿产资源部电力局辅秘索布尔说，电力能源是孟中“一带一路”合作重要领域，孟方欢迎中国企业投资孟能源与可再生能源领域，共享发展机遇。
“共建‘一带一路’倡议为孟加拉国发展带来重要推动力。”孟加拉国商务顾问巴希尔在展会开幕式上说，除基础设施建设外，中国还积极帮助孟加拉国拓展多元化出口潜力，推动农产品出口等。
中国驻孟加拉国大使姚文表示，中方提出的全球治理倡议与“一带一路”合作均秉承共商共建共享理念，以构建人类命运共同体为目标。中方愿与孟方一道继续高质量共建“一带一路”，推动两国合作不断取得新的成果，造福双方民众。（完）
1、这是9月12日在孟加拉国首都达卡拍摄的“2025‘一带一路’倡议在孟加拉国”展会期间举办的主题论坛现场。新华社发（哈比卜·拉赫曼摄）