ထောက်ပံ့ရေး တားဆီးခံရမှုများ ဆက်လက်ရှိနေ၊ ရေနံဈေးနှုန်း များစွာ မြင့်တက်၍ အမေရိကန် စတော့ရှယ်ယာများ ထိုးကျ

နယူးယောက်၊ မတ် ၁၃ ရက် (ဆင်ဟွာ)

ဟော်မုဇ်ရေလက်ကြား ရေကြောင်းသယ်ယူပို့ဆောင်မှု တားဆီးခံရခြင်းများ ဆက်လက်ရှိနေသောကြောင့် နယူးယောက် ရေနံစိမ်း အနာဂတ်ဈေးနှုန်းများသည် မတ် ၁၂ ရက်တွင် ၉ ရာခိုင်နှုန်းဖြင့် အမြောက်အမြား မြင့်တက်ခဲ့ရာ ၂၀၂၂ ခုနှစ် ဩဂုတ်လကုန်မှစ၍ အမြင့်ဆုံး ဖြစ်ပြီး အမေရိကန် နယူးယောက် စတော့ရှယ်ယာဈေးကွက်ကို ထိုးကျအောင် နှိုးဆွခဲ့သည်။

ယင်းနေ့ ဈေးကွက်ပိတ်သိမ်းချိန်အထိ နယူးယောက်ကုန်စည်လဲလှယ်မှု (NYMEX) ၏ ဧပြီလအတွက် တင်ပို့ရမည့် အပေါ့စား ရေနံစိမ်း အနာဂတ်ဈေးနှုန်းမှာ ကန်ဒေါ်လာ ၈.၄၈ မြင့်တက်လာပြီး တစ်စည်လျှင် ကန်ဒေါ်လာ ၉၅.၇၃ ဖြင့် ဈေးကွက်သိမ်းခဲ့ရာ ၉.၇၂ ရာခိုင်နှုန်း မြင့်တက်ခဲ့သည်။ မေလအတွက် တင်ပို့ရမည့် လန်ဒန် ဘရန့် ရေနံစိမ်း အနာဂတ်ဈေးနှုန်းမှာ ကန်ဒေါ်လာ ၈.၄၈ မြင့်မားလာပြီး ကန်ဒေါ်လာ ၁၀၀.၄၆ ဖြင့် ဈေးကွက်သိမ်းခဲ့ရာ ၉.၂၂ ရာခိုင်နှုန်း မြင့်တက်ခဲ့သည်။

ကမ္ဘာ့ရေနံဈေးနှုန်းများစွာမြင့်တက်မှုကြောင့် ဈေးကွက်၏ ရင်းနှီးမြှုပ်နှံမှုနှင့် ဝယ်လိုအားကို ထိခိုက်စေခဲ့ရာ နယူးယောက်စတော့ရှယ်ယာဈေးကွက်၏ အဓိကစတော့ညွှန်းကိန်း သုံးခုစလုံးသည် မတ် ၁၂ ရက်တွင် ၁.၅ ရာခိုင်နှုန်းကျော် ထိုးကျခဲ့သည်။ ယင်းနေ့ ဈေးကွက်သိမ်းချိန်အထိ Dow Jones Industrial Average (DJIA) ၏ ညွှန်းကိန်းမှာ ယခင်အရောင်းအဝယ်နေ့နှင့် နှိုင်းယှဉ်ပါက ၇၃၉.၄၂ ပွိုင့် ကျဆင်းပြီး ၄၆၆၇၇.၈၅ ပွိုင့် ဖြင့် ဈေးပိတ်ခဲ့ရာ ၁.၅၆ ရာခိုင်နှုန်း ကျဆင်းခဲ့သည်။ S&P 500 စတော့ညွှန်းကိန်းမှာ ၁၀၃.၁၈ ပွိုင့် ကျဆင်းပြီး ၆၆၇၂.၆၂ ပွိုင့်ဖြင့် ဈေးပိတ်ခဲ့ရာ ၁.၅၂ ရာခိုင်နှုန်း ကျဆင်းခဲ့သည်။ NYSE Composite ညွှန်းကိန်း၏ ကျဆင်းမှုမှာ ၄၀၄.၁၅ ပွိုင့်ရှိပြီး ၂၂၃၁၁.၉၈ ပွိုင့်ဖြင့် ဈေးပိတ်ခဲ့ရာ ၁.၇၈ ရာခိုင်နှုန်း ကျဆင်းခဲ့သည်။

အီရန်ထိပ်တန်းခေါင်းဆောင်သစ် မို့ချ်တာဘာ ခါမေနီက မတ် ၁၂ ရက်တွင် ၎င်း ရာထူးတာဝန်ထမ်းဆောင်ပြီးနောက် ပထမဆုံးကြေညာချက်ထုတ်ပြန်ခဲ့ရာ အီရန်အနေဖြင့် လက်တုံ့ပြန် လက်စားချေမှုကို စွန့်လွှတ်မည်မဟုတ်ကြောင်း၊ ဟော်မုဇ်ရေလက်ကြားကို ပိတ်ဆို့သည့် ယင်းနည်းလမ်းအား ဆက်လက်အသုံးပြုသွားမည်ဖြစ်ကြောင်း ပြောကြားခဲ့သည်။

ထိုနေ့တွင်ပင် အမေရိကန် စွမ်းအင်ဝန်ကြီး Chris Wright က အမေရိကန်မီဒီယာများ၏ မေးမြန်းမှုကို လက်ခံဖြေကြားရာ၌ ဟော်မုဇ်ရေလက်ကြားကို ဖြတ်သန်းသွားသည့် ရေနံတင်သင်္ဘောများအား လိုက်ပါစောင့်ရှောက်ရန် အမေရိကန်သည် လက်ရှိတွင် အသင့်မဖြစ်သေးကြောင်း ပြောကြားခဲ့သည်။

ရေနံတင်သင်္ဘောနှစ်စင်းသည် မတ် ၁၂ ရက်က အီရတ် ပင်လယ်ရေပြင်တွင် တိုက်ခိုက်ခံရပြီး လူတစ်ဦး သေဆုံးခဲ့ကြောင်း အီရန်မီဒီယာများက ဖော်ပြထားသည်။

အီရတ်ဆိပ်ကမ်းများ အထွေထွေကုမ္ပဏီ (GCPI) က အီရန်နိုင်ငံတစ်ဝန်း ရေနံဆိပ်ကမ်းအားလုံး၏ လုပ်ငန်းလည်ပတ်မှုများ ယာယီရပ်ဆိုင်းထားမည်ဖြစ်ကြောင်း ကြေညာခဲ့သည်။
အပြည်ပြည်ဆိုင်ရာ စွမ်းအင်အေဂျင်စီ (IEA) ၏ ရေနံဈေးကွက်ဆိုင်ရာ နောက်ဆုံးလပတ်အစီရင်ခံစာတွင်လည်း အရှေ့အလယ်ပိုင်းအခြေအနေ ဆက်လက် တင်းမာနေသည့် သက်ရောက်မှုဒဏ်ကြောင့် ကမ္ဘာ့ရေနံဈေးကွက်သည် သမိုင်းတစ်လျှောက် အဆိုးရွားဆုံးသော ထောက်ပံ့ရေး တားဆီးမှုများ ခံနေရကြောင်း ဖော်ပြထားသည်။

အဆိုပါ သတင်းဆိုးများကြောင့် ရင်းနှီးမြှုပ်နှံသူများက ဟော်မုဇ်ရေလက်ကြား ပင်လယ်ရေကြောင်း သယ်ယူပို့ဆောင်မှု အချိန်တိုအတွင်း ပြန်လည်ကောင်းမွန်သည့် အလားအလာကို တွေ့မြင်ရန် ခဲယဉ်းသွားပြီး အချိန်အတိုင်းအတာတစ်ခုအတွင်း ထွက်ပေါ်ခဲ့သည့် အကောင်းမြင် ခန့်မှန်းချက်များမှာ သိသိသာသာ ဖိနှိပ်ခံလိုက်ရသည်။
Deutsche Bank ၏ မက်ခရို သုတေသနှင့် အဓိက မူဝါဒများနှင့်စပ်လျဉ်းသည့် ကမ္ဘာလုံးဆိုင်ရာ တာဝန်ခံ Jim Reid က ပဋိပက္ခ သိသိသာသာ လျော့နည်းမှုမရှိသည့်အခြေအနေတွင် ရေနံဈေးနှုန်း မြင့်မားလျက်ရှိနေခြင်းသည် ပိုမိုကြီးမားကျယ်ပြန့်သည့် အတိုင်းအတာဖြင့် စီးပွားရေးတုံ့ဆိုင်းမှုနှင့် ငွေကြေးဖောင်းပွမှု၏ ရိုက်ခတ်ခြင်း ဖြစ်ပေါ်နိုင်သော အန္တရာယ်ကို မြင့်မားစေကြောင်း ပြောကြားခဲ့သည်။

Goldman Sachs Group ၏ မတ် ၁၁ ရက်တွင် ထုတ်ပြန်သည့် အစီရင်ခံစာတွင် လန်ဒန် ဘရန့် ရေနံစိမ်း အနာဂတ်ဈေးနှုန်းသည် မတ်လနှင့် ဧပြီလ၏ ပျမ်းမျှဈေးနှုန်းကို တစ်စည်လျှင် ကန်ဒေါ်လာ ၉၈ အဖြစ် ခန့်မှန်းထားရာ ၂၀၂၅ ခုနှစ် ပျမ်းမျှဈေးနှုန်းနှင့် နှိုင်းယှဉ်ပါက ၄၀ ရာခိုင်နှုန်းမြင့်တက်လာကြောင်း ဖော်ပြထားသည်။ အရှေ့အလယ်ပိုင်းဒေသ ပဋိပက္ခများက ငွေကြေးဖောင်းပွမှု၊ ဘဏ္ဍာရေး အခြေအနေ၊ အလုပ်အကိုင်ခေါ်ယူမှုနှင့် ရင်းနှီးမြှုပ်နှံမှု စသည်တို့အပေါ် အနုတ်လက္ခဏာသက်ရောက်မှုများအား ထည့်သွင်းစဉ်းစားပြီး Goldman Sachs Group က ၂၀၂၆ ခုနှစ် အမေရိကန် စီးပွားရေး တိုးတက်နှုန်းခန့်မှန်းချက်ကို ထိုမတိုင်မီ ၂.၈ ရာခိုင်နှုန်းမှ ၂.၆ ရာခိုင်နှုန်းသို့ လျှော့ချခဲ့ကြောင်း အစီရင်ခံစာတွင် ဖော်ပြထားသည်။ (Xinhua)

အမေရိကန်နိုင်ငံ နယူးယောက်မြို့ စက်သုံးဆီဆိုင်တစ်ဆိုင်ရှိ ဆီဈေးနှုန်းပြဆိုင်းဘုတ်တစ်ခုအား ၂၀၂၆ ခုနှစ် မတ် ၅ ရက်က တွေ့ရစဉ် (ဆင်ဟွာ)

—————–
(Chinese Version)
综述｜供应受阻持续　油价大涨美股重挫
新华社纽约3月12日电　综述｜供应受阻持续　油价大涨美股重挫 　　新华社记者刘亚南
由于霍尔木兹海峡航运受阻持续，纽约原油期货价格12日大幅上涨超9%，创2022年8月底以来新高，刺激美国纽约股市重挫。
截至当天收盘，纽约商品交易所4月交货的轻质原油期货价格上涨8.48美元，收于每桶95.73美元，涨幅为9.72%；5月交货的伦敦布伦特原油期货价格上涨8.48美元，收于每桶100.46美元，涨幅为9.22%。
由于国际油价大幅上涨打压市场人气，纽约股市三大股指12日均出现超过1.5%的跌幅。截至当天收盘，道琼斯工业平均指数比前一交易日下跌739.42点，收于46677.85点，跌幅为1.56%；标准普尔500种股票指数下跌103.18点，收于6672.62点，跌幅为1.52%；纳斯达克综合指数下跌404.15点，收于22311.98点，跌幅为1.78%。
伊朗新任最高领袖穆杰塔巴·哈梅内伊12日发表上任后首份声明说，伊朗不会放弃复仇，将继续使用封锁霍尔木兹海峡这一手段。美国能源部长克里斯·赖特同一天接受美国媒体采访时称，美国目前“尚未准备好”护送油轮通过霍尔木兹海峡。伊拉克媒体报道说，两艘油轮12日在伊拉克海域遭袭，造成1人死亡。伊拉克港口总公司宣布，伊拉克全国所有石油码头暂停运营。国际能源署12日在最新月度石油市场报告中表示，受中东局势持续紧张影响，全球石油市场正面临史上最严重的供应受阻。
上述利空消息让投资者难以看到霍尔木兹海峡海运短期内恢复的前景，一度出现的乐观预期遭显著打压。
德意志银行宏观研究和主题策略全球负责人吉姆·里德表示，在冲突没有明显降级的情况下，油价保持在高位，可能意味着出现更大范围滞涨冲击的风险升高。
高盛集团11日发布的报告说，伦敦布伦特原油期货价格在3月和4月的均价预计为每桶98美元，比2025年均价高出40%。鉴于中东地区冲突对通胀、金融条件、招聘和投资等方面的负面影响，高盛集团在报告中将2026年美国经济增速预期从此前的2.8%下调至2.6%。（完）
1. 2025年12月12日，一名交易员在美国纽约证券交易所交易大厅内工作。新华社记者 刘亚南 摄
2. 这是3月5日在美国纽约一座加油站拍摄的油价显示屏。新华社记者 张凤国 摄