ကမ္ဘာ့ခရီးသွားလုပ်ငန်းက တိုးတက်မှုအလားအလာကို ဆက်လက်ထိန်းသိမ်းထားဟု ကုလသမဂ္ဂ ခရီးသွားလုပ်ငန်းအဖွဲ့ ထုတ်ပြန်

မက်ဒရစ်၊ နိုဝင်ဘာ ၂၉ ရက် (ဆင်ဟွာ)

နိုင်ငံတကာ ခရီးသွားဧည့်သည် ဝင်ရောက်မှုများမှာ ၂၀၂၅ ခုနှစ်တွင် ဆက်လက်တိုးပွားလာခဲ့ကြောင်း ကုလသမဂ္ဂခရီးသွားလုပ်ငန်းအဖွဲ့ (UN Tourism) မှ ယခုနောက်ဆုံးအနေဖြင့် နိုဝင်ဘာ ၂၈ ရက်က ထုတ်ပြန်ခဲ့သော အချက်အလက်များအရ သိရသည်။
ကုလသမဂ္ဂခရီးသွားလုပ်ငန်းအဖွဲ့၏ သုံးလပတ်အလိုက် ကမ္ဘာ့ခရီးသွားလုပ်ငန်းအားတိုင်းတာချက်အရ ယခုနှစ် ပထမကိုးလတာအတွင်း လူပေါင်း ၁.၁ ဘီလီယံကျော်က နိုင်ငံတကာခရီးစဉ်များ သွားရောက်ခဲ့ကြပြီး ယင်းမှာ ၂၀၂၄ ခုနှစ် အလားတူကာလထက် ၅ ရာခိုင်နှုန်းခန့် ပိုများကြောင်း မက်ဒရစ်မြို့၌ အခြေစိုက်သည့် အဆိုပါအဖွဲ့အစည်းက ထုတ်ပြန်ခဲ့သည်။

အာရှ-ပစိဖိတ်ဒေသက ကပ်ရောဂါအလွန် ပြန်လည်ကောင်းမွန်လာချိန်တွင် ဇန်နဝါရီလမှ စက်တင်ဘာလအတွင်း လာရောက်လည်ပတ်သူအရေအတွက်မှာ ၈ ရာခိုင်နှုန်း တိုးလာခဲ့သော်လည်း ယင်းအရေအတွက်သည် ၂၀၁၉ ခုနှစ် အဆင့်များအောက် ၁၀ ရာခိုင်နှုန်းခန့် နိမ့်ကျနေဆဲဖြစ်သည်။

အာဖရိကသို့ နိုင်ငံတကာမှ သွားရောက်လည်ပတ်သူအရေအတွက်က သိသိသာသာ မြင့်တက်လာခဲ့ပြီး မြောက်အာဖရိကသို့ နိုင်ငံတကာမှ သွားရောက်လည်ပတ်သူအရေအတွက်မှာ ၁၁ ရာခိုင်နှုန်း မြင့်တက်လာခဲ့ကာ ဆာဟာရဒေသခွဲ အာဖရိကသို့ နိုင်ငံတကာမှ သွားရောက်လည်ပတ်သူအရေအတွက်အနေဖြင့်လည်း ၁၀ ရာခိုင်နှုန်း မြင့်တက်လာခဲ့သည်။ ဥရောပကလည်း ကမ္ဘာ့အကြီးဆုံး ခရီးသွားဒေသအဖြစ် ဆက်လက်ရပ်တည်နေပြီး ၂၀၂၅ ခုနှစ် ပထမကိုးလအတွင်း လာရောက်လည်ပတ်သူ ၆၂၅ သန်းကို ကြိုဆိုခဲ့ကာ ယမန်နှစ်ကာလတူထက် ၄ ရာခိုင်နှုန်း မြင့်တက်လာခဲ့သည်။
မြောက်အမေရိကသို့ နိုင်ငံတကာမှ သွားရောက်လည်ပတ်သူအရေအတွက်မှာမူ ၁ ရာခိုင်နှုန်းခန့် အနည်းငယ်ကျဆင်းခဲ့ပြီး နေရာအတော်များများတွင် ခိုင်မာသော ဈေးကွက်တောင်းဆိုမှုကြောင့် တောင်အမေရိကနှင့် အလယ်အမေရိကတို့ကမူ ၉ ရာခိုင်နှုန်းနှင့် ၃ ရာခိုင်နှုန်းစီ အသီးသီးတိုးတက်ခဲ့သည်။

“ခရီးသွားလုပ်ငန်းဝန်ဆောင်မှုတွေမှာ ငွေကြေးဖောင်းပွမှုမြင့်မားခြင်းနဲ့ ပထဝီနိုင်ငံရေးတင်းမာမှုတွေရှိနေပေမဲ့လည်း နိုင်ငံတကာခရီးသွားဝင်ရောက်မှုနဲ့ ဝင်ငွေတွေအရ နိုင်ငံတကာခရီးသွားလုပ်ငန်းက ၂၀၂၅ ခုနှစ်မှာ ယခုအချိန်အထိ စဉ်ဆက်မပြတ်တိုးတက်မှုကို ဆက်လက်ခံစားနေရပါတယ်။ အထူးသဖြင့် အာဖရိကနဲ့ ဥရောပတို့က သူတို့ရဲ့ရလဒ်တွေအရ တိုးတက်မှုမှာ အထင်အရှားပါပဲ” ဟု ကုလသမဂ္ဂခရီးသွားလုပ်ငန်းအဖွဲ့ အထွေထွေအတွင်းရေးမှူးချုပ် Zurab Pololikashvili က သတင်းထုတ်ပြန်ချက်တွင် ပြောကြားခဲ့သည်။
ကုလသမဂ္ဂခရီးသွားလုပ်ငန်းအဖွဲ့က ၂၀၂၅ ခုနှစ်အတွက် ကမ္ဘာ့ခရီးသွားလုပ်ငန်းကဏ္ဍတစ်ခုလုံး စုစုပေါင်း ၃ ရာခိုင်နှုန်းမှ ၅ ရာခိုင်နှုန်းအကြား တိုးတက်မည်ဟု ခန့်မှန်းထားပြီး ပထဝီနိုင်ငံရေးမရေရာမှုနှင့် မြင့်မားသောကုန်ကျစရိတ်များမှာ ခရီးသွားလုပ်ငန်းကဏ္ဍ၏ အလားအလာအတွက် ဖြစ်နိုင်ခြေရှိသော အန္တရာယ်များအဖြစ် ဆက်လက်တည်ရှိနေသည်ဟု ထောက်ပြခဲ့ကြောင်း သိရသည်။ (Xinhua)

……………….
(English Version)
Global tourism sustains upward trend: UN Tourism
MADRID, Nov. 27 (Xinhua) — International tourist arrivals continued to grow in 2025, according to the latest data published by UN Tourism on Thursday.
The Madrid-based organization said in its quarterly World Tourism Barometer that over 1.1 billion people made international trips in the first nine months of the year, around 5 percent more than in the same period of 2024.
The Asia-Pacific region saw an 8-percent increase in arrivals between January and September as it continued its post-pandemic recovery, although numbers remained about 10 percent below 2019 levels.
International arrivals to Africa rose strongly, with North Africa up 11 percent and Sub-Saharan Africa up 10 percent. Europe remained the world’s largest destination region, welcoming 625 million arrivals in the first nine months of 2025, 4 percent higher year on year.
North America posted a slight decline of around 1 percent, while South America grew 9 percent and Central America 3 percent, supported by strong demand in several destinations.
“International tourism has continued to experience sustained growth so far in 2025 in terms of international arrivals and, importantly, in receipts, despite high inflation in tourism services and geopolitical tensions. Africa and Europe in particular stand out for their results,” UN Tourism Secretary-General Zurab Pololikashvili said in a press note.
UN Tourism forecasts 3-5 percent growth for 2025 as a whole, while noting that geopolitical uncertainty and high costs remain potential risks for the sector’s outlook. ■
English Caption
Tourists talk in a street in Madrid, capital of Spain, Sept. 10, 2025. (Photo by Gustavo Valiente/Xinhua)