ဥဇဘက်ကစ္စတန်နိုင်ငံရှိ လမ်းအဆင့်မြှင့်ရန် ချေးငွေ အမေရိကန်ဒေါ်လာ ၂၃၃.၁ သန်းကို ADB ဘဏ် အတည်ပြု

မနီလာ၊ ဩဂုတ် ၂၉ ရက် (ဆင်ဟွာ)
အာရှဖွံ့ဖြိုးရေးဘဏ် (ADB) က ဗဟိုအာရှဒေသတွင်းစီးပွားရေးပူးပေါင်းဆောင်ရွက်မှုစင်္ကြံ အမှတ် ၂ စီမံကိန်း၏ အရေးကြီးသော အပိုင်းတစ်ခုအား ခေတ်မီစေရန် ဥဇဘက်ကစ္စတန်နိုင်ငံသို့ ချေးငွေ အမေရိကန်ဒေါ်လာ ၂၃၃ ဒသမ ၁ သန်းအား အတည်ပြုလိုက်ကြောင်း သြဂုတ် ၂၈ ရက်၌ ထုတ်ပြန်ခဲ့သည်။
အဆိုပါစီမံကိန်းသည် ဒေသတွင်း ဆက်သွယ်မှု ပိုမိုကောင်းမွန်စေရန်၊ ခရီးသွားလာမှုအချိန်ကို လျှော့ချရန်နှင့် ဥဇဘက်ကစ္စတန်နိုင်ငံ အနောက်ပိုင်းရှိ လမ်းများ၏ ဘေးကင်းလုံခြုံမှုနှင့် ရာသီဥတုဒဏ်ခံနိုင်ရည်ရှိမှုတို့ကို မြှင့်တင်ရန် ရည်ရွယ်ကြောင်း မနီလာမြို့၌ အခြေစိုက်သည့် ADB ဘဏ်က သတင်းထုတ်ပြန်ချက်တွင် ဖော်ပြခဲ့သည်။
“ရာသီဥတုဒဏ်ခံနိုင်တဲ့ အခြေခံအဆောက်အအုံတွေနဲ့ အသိဉာဏ်ရှိတဲ့ သယ်ယူပို့ဆောင်ရေးစနစ်တွေကို ပေါင်းစပ်ခြင်းဖြင့် စီမံကိန်း ရေရှည်တည်တံ့မှုကို သေချာစေပြီး လူမှုအသိုက်အဝန်းတွေနဲ့ စီးပွားရေးလုပ်ငန်းတွေအတွက် ပိုမိုဘေးကင်းထိရောက်စွာ သွားလာလှုပ်ရှားနိုင်စေမှာပါ” ဟု ဥဇဘက်ကစ္စတန်နိုင်ငံဆိုင်ရာ ADB ဒါရိုက်တာ Kanokpan Lao-Araya က ပြောကြားခဲ့သည်။
ဥဇဘက်ကစ္စတန်နိုင်ငံက ၁၉၉၅ ခုနှစ်တွင် ADB ဘဏ်သို့ ဝင်ရောက်ခဲ့ချိန်မှစ၍ ADB ဘဏ်က ဥဇဘက်ကစ္စတန်နိုင်ငံအတွက် စုစုပေါင်းဒေါ်လာ ၁၄.၃ ဘီလီယံခန့်ရှိသော အများပြည်သူကဏ္ဍချေးငွေများ၊ ထောက်ပံ့ကြေးများနှင့် နည်းပညာဆိုင်ရာ အကူအညီတို့ကို ပေးအပ်ပြီးဖြစ်ကြောင်း သိရသည်။ (Xinhua)

ဥဇဘက်ကစ္စတန်နိုင်ငံ မြို့တော်တက်ရှ်ကန့်၏ မြို့ရှုခင်းအား ၂၀၂၃ ခုနှစ် စက်တင်ဘာ ၁၃ ရက်က တွေ့မြင်ရစဥ် (ဆင်ဟွာ)

…………………..
(English Version)
ADB approves 233.1 mln USD loan to upgrade road in Uzbekistan
MANILA, Aug. 28 (Xinhua) — The Asian Development Bank (ADB) said Thursday that it has approved a loan of 233.1 million U.S. dollars to Uzbekistan to help modernize a critical segment of the Central Asia Regional Economic Cooperation Road Corridor 2.
The project aims to improve regional connectivity, reduce travel time, and enhance road safety and climate resilience in western Uzbekistan, the Manila-based bank said in a press release.
“By integrating climate-resilient infrastructure and intelligent transport systems, the project will ensure long-term sustainability and deliver safer and more efficient mobility for communities and businesses,” said ADB Country Director for Uzbekistan Kanokpan Lao-Araya.
Since Uzbekistan joined the ADB in 1995, the bank said it has committed public sector loans, grants, and technical assistance totaling about 14.3 billion dollars to the country. ■
English Caption 1, 2
This photo taken on Sept. 13, 2023 shows the city view of Tashkent, capital of Uzbekistan. (Xinhua/Li Muzi)