အာဆင်နယ်တိုက်စစ်မှူး ကိုင်ဟားဗက်ဇ် ဒူးဒဏ်ရာ ခွဲစိတ်မှုခံယူရမည်

လန်ဒန်၊ ဩဂုတ် ၂၉ ရက် (ဆင်ဟွာ)
အာဆင်နယ်အသင်း တိုက်စစ်ကစားသမား ကိုင်ဟားဗက်ဇ်မှာ ဒူးဒဏ်ရာအတွက် ခွဲစိတ်ကုသမှု ခံယူရမည်ဖြစ်သော်လည်း ကာလရှည် အနားယူရဖွယ်မရှိကြောင်း သိရသည်။
အသက် ၂၆ နှစ်အရွယ် ဂျာမနီလက်ရွေးစင် ကစားသမား ဟားဗက်ဇ်မှာ မန်ချက်စတာယူနိုက်တက်အား အနိုင်ရခဲ့သည့် အာဆင်နယ်အသင်း၏ ရာသီအဖွင့်ပွဲစဉ်တွင် လူစားဝင်ကစားသမားအဖြစ် ပါဝင်ခဲ့သော်လည်း လိဒ်စ်ယူနိုက်တက်အား ၅ ဂိုးပြတ် အနိုင်ရခဲ့သည့် ပွဲစဉ်တွင်မူ ဒဏ်ရာပြဿနာကြောင့် ပါဝင်နိုင်ခဲ့ခြင်းမရှိပေ။
ဟားဗက်ဇ်၏ဒဏ်ရာ ပြန်လည်ကောင်းမွန်လာရေးအတွက် အကောင်းဆုံးနည်းလမ်းကို ဆုံးဖြတ်နိုင်ရန် အချိန်ပိုမိုလိုအပ်သည်ဟု အာဆင်နယ်အသင်း မန်နေဂျာ မစ်ကယ် အာတေတာက လိဒ်စ်အသင်းနှင့် ပွဲစဉ်မတိုင်မီ ဝန်ခံပြောဆိုခဲ့သည်။ ထို့နောက် ဆေးဘက်ဆိုင်ရာ အကဲဖြတ်မှုများ လုပ်ဆောင်ခဲ့ရာတွင် အသေးစားခွဲစိတ်ကုသမှု ပြုလုပ်ရန် ဆုံးဖြတ်ခဲ့ခြင်းဖြစ်ကာ လနှင့်ချီ အနားယူရဖွယ်မရှိဘဲ သီတင်းပတ်အနည်းငယ်သာ အနားယူရဖွယ်ရှိကြောင်း သိရသည်။
သို့ဖြစ်၍ အဆိုပါသတင်းမှာ ဒဏ်ရာရကစားသမား များပြားနေသည့် အာဆင်နယ်အတွက် စိတ်သက်သာရာ ရစေမည်ဖြစ်သည်။ ဘူကာယို ဆာကာ၊ မာတင် အိုဒီဂတ်၊ ခရစ်ရှန် နော်ဂ့ါဒ်၊ ဘန်ဝှိုက်နှင့် ဂါဘရီရယ် ဂျေးဆူးစ်တို့ ပါဝင်ကစားနိုင်ခြင်း မရှိသည့်အတွက် အာတေတာအဖို့ တိုက်စစ်ပိုင်းအတွက် ရွေးချယ်စရာ နည်းပါးလျက်ရှိသည်။
လိဒ်စ်ယူနိုက်တက်အသင်းနှင့် ပွဲစဉ်၌ နှစ်ဂိုးသွင်းယူကာ ပရီးမီးယားလိဂ်တွင် ဂိုးစတင်သွင်းယူနိုင်ခဲ့သည့် တိုက်စစ်မှူးသစ် ဗစ်တာ ယိုကယ်ရက်စ်မှာ လက်ရှိတွင် ကြံ့ခိုင်မှုပြည့်ဝသည့် တစ်ဦးတည်းသော တိုက်စစ်မှူးဖြစ်သည်။ အာဆင်နယ်အနေဖြင့် ဟားဗက်ဇ် ပါဝင်ကစားနိုင်ခြင်း မရှိခြင်းကြောင့် ခရစ္စတယ်ပဲလေ့စ် တိုက်စစ်မှူး အီဘာရီချီ အက်ဇီအား နွေရာသီအပြောင်းအ‌ရွှေ့၌ ပေါင်သန်း ၆၀ ဖြင့် အလျင်အမြန် ခေါ်ယူခဲ့ရပြီး လက်ရှိတွင် အက်ဇီမှာ လန်ဒန် ကိုလ်နီတွင် အသင်းဖော်သစ်များနှင့်အတူ လေ့ကျင့်ခန်းဆင်းနေပြီဖြစ်သည်။
၂၀၂၃ ခုနှစ်တွင် ချဲလ်ဆီးအသင်းမှ အာဆင်နယ်အသင်းထံ ပြောင်းရွှေ့ခဲ့သည့် ဟာဗက်ဇ်အနေဖြင့် လွန်ခဲ့သည့် ဘောလုံးရာသီ၌ ပုံစံကောင်းပြသနိုင်ခဲ့ပြီး ယူရို ၂၀၂၄ ဘောလုံးပြိုင်ပွဲတွင်လည်း နည်းပြ ဟူလီယန် နာဂယ်စ်မန်း၏ လက်အောက်တွင် ဂျာမနီအသင်း၏ အဓိက ကစားသမားအဖြစ် အသင်းတိုက်စစ်အား ဦးဆောင်ခဲ့သည်။ ၎င်းအနေဖြင့် ကွင်းလယ်နှင့် တိုက်စစ်တွင် နေရာစုံကစားနိုင်စွမ်းရှိခြင်းက ယခုရာသီ၌ အာဆင်နယ်၏ အရေးပါသော နည်းစနစ်ပိုင်း အပြောင်းအလဲများအတွက် အထောက်အကူဖြစ်စေမည်ဖြစ်သည်။
အာဆင်နယ်အနေဖြင့် လက်ရှိချန်ပီယံ လီဗာပူးလ်အသင်းအား အန်ဖီးလ်၌ ရင်ဆိုင်ကစားရန် ရှိနေချိန်တွင် ဟားဗက်ဇ် ဒဏ်ရာရရှိခဲ့ခြင်းက အချိန်ကောင်းတော့ မဟုတ်ခဲ့ပေ။ ပရီးမီးယားလိဂ် ရာသီအဖွင့်ပွဲစဉ် နှစ်ပွဲလုံးတွင် အနိုင်ရရှိထားသည့် အဆိုပါနှစ်သင်း စောစောစီးစီး ထိပ်တိုက်တွေ့ဆုံမှုက ချန်ပီယံဆုအတွက် သက်ရောက်မှုအချို့ ရှိလာနိုင်သည်။ (Xinhua)

ဗြိတိန်နိုင်ငံ လန်ဒန်မြို့တွင် ၂၀၂၅ ခုနှစ် ဇန်နဝါရီ ၇ ရက်က အာဆင်နယ်အသင်းနှင့် နယူးကာဆယ်ယူနိုက်တက် အသင်းတို့ ယှဉ်ပြိုင်ကစားခဲ့သည့် လိဂ်ဖလားပြိုင်ပွဲ ဆီမီးဖိုင်နယ် ပထမအကျော့ပွဲစဉ်၌ အာဆင်နယ်အသင်းမှ ကိုင်ဟားဗက်ဇ် (ဝဲ-အပေါ်) ၏ ကန်သွင်းချက်ကို နယူးကာဆယ်ယူနိုက်တက် ဂိုးသမား မာတင် ဒူဘရက်ကာ (အောက်) ကာကွယ်နေစဉ် (ဆင်ဟွာ)

ဗြိတိန်နိုင်ငံ လန်ဒန်မြို့တွင် ၂၀၂၅ ခုနှစ် ဖေဖော်ဝါရီ ၂ ရက်က အာဆင်နယ်အသင်းနှင့် မန်ချက်စတာစီးတီးအသင်းတို့ ယှဉ်ပြိုင်ကစားခဲ့သည့် အင်္ဂလိပ် ပရီးမီးယားလိဂ်ပွဲစဉ်၌ အသင်းအတွက် စတုတ္ထဂိုး သွင်းယူပြီးနောက် အာဆင်နယ်အသင်းမှ ကိုင်ဟားဗက်ဇ် အောင်ပွဲခံနေစဉ် (ဆင်ဟွာ)

………………..
(English Version)
Arsenal striker Havertz to have knee operation
LONDON, Aug. 28 (Xinhua) — Arsenal forward Kai Havertz is set to undergo surgery on a knee injury but is not expected to face a prolonged spell on the sidelines.
The 26-year-old Germany international made a substitute appearance in Arsenal’s opening-day win over Manchester United but missed the 5-0 victory against Leeds United due to the problem.
Before the Leeds game, manager Mikel Arteta admitted “more time” was required to determine the best course of action for Havertz’s recovery. Medical assessments have since led to the decision for minor surgery, with the expectation that he will be out for weeks rather than months.
The news offers some relief to Arsenal, who are already grappling with an extensive injury list. Bukayo Saka, Martin Odegaard, Christian Norgaard, Ben White and Gabriel Jesus are all unavailable, leaving Arteta with limited attacking options.
New signing Viktor Gyokeres, who opened his Premier League account with two goals against Leeds, is currently the Gunners’ only fully fit striker. Havertz’s absence also accelerated Arsenal’s pursuit of Eberechi Eze, with the 60 million pound summer signing from Crystal Palace now training with his new teammates at London Colney.
Havertz, who joined Arsenal from Chelsea in 2023, enjoyed a strong finish to last season and was a key part of Germany’s Euro 2024 campaign, where he led the line under Julian Nagelsmann. His versatility across midfield and attack had been expected to give Arsenal crucial flexibility this season.
The timing of the injury is far from ideal, with Arsenal facing a stern test on Sunday against reigning champion Liverpool at Anfield. Both sides have started the Premier League campaign with two wins from two matches, setting up an early clash with potential title implications. ■
English Caption 1
Arsenal’s Kai Havertz (R) vies with Manchester City’s Manuel Akanji during the English Premier League match between Arsenal and Manchester City in London, Britain, on Feb. 2, 2025. (Xinhua)
English Caption 2
Arsenal’s Kai Havertz (top L) sees his shot saved by Newcastle United’s goalkeeper Martin Dubravka (bottom) during the English Football League Cup semifinal 1st leg match between Arsenal and Newcastle United in London, Britain, Jan. 7, 2025. (Xinhua)
English Caption 3
Arsenal’s Kai Havertz celebrates after scoring his side’s fourth goal during the English Premier League match between Arsenal and Manchester City in London, Britain, on Feb. 2, 2025. (Xinhua)