အမေရိကန် FBI က အမေရိကန်ဒေါ်လာ ၅၀,၀၀၀ ဆုကြေးငွေဖြင့် ဘရောင်းတက္ကသိုလ် သေနတ်ပစ်ခတ်မှု၏ သံသယရှိသူ သဲလွန်စ စုဆောင်း

ဆန်ဖရန်စစ္စကို၊ ဒီဇင်ဘာ ၁၆ ရက် (ဆင်ဟွာ)

အမေရိကန် ဖက်ဒရယ် စုံစမ်းစစ်ဆေးရေးဗျူရို (FBI) သည် ဆုကြေးငွေ အမေရိကန်ဒေါ်လာ ၅၀,၀၀၀ ဖြင့် ဘရောင်းတက္ကသိုလ် သေနတ်ပစ်ခတ်မှု၏ သံသယရှိသူ သက်ဆိုင်ရာသဲလွန်စများ စုဆောင်းလျက်ရှိကြောင်း အမေရိကန်မီဒီယာများက ဒီဇင်ဘာ ၁၅ ရက်တွင် သတင်းဖော်ပြကြသည်။FBI က အမေရိကန်ဒေါ်လာ ၅၀,၀၀၀ ဆုကြေးငွေဖြင့် သဲလွန်စ စုဆောင်းခြင်းသည် “တာဝန်ရှိသူက မည်သူမည်ဝါဖြစ်ကြောင်း အတည်ပြုမှု၊ ဖမ်းဆီးမှုနှင့် ပြစ်မှုအတည်ပြုမှု” အတွက် သက်ဆိုင်ရာ အချက်အလက်များ ရရှိနိုင်ကြောင်း FBI ဘော့စတွန်မြို့ ဌာနခွဲ တာဝန်ခံ Ted Docks က ပြောကြားခဲ့သည်။ အဆိုပါ သံသယရှိသူသည် “လက်နက်ကိုင်ဆောင်ထားပြီး အလွန်အန္တရာယ်မြင့်မားမှုရှိသည်” ဟု တရားဥပဒေစိုးမိုးရေးဌာနက ယူဆထားသည်။ သေနတ်ပစ်ခတ်သူ၏ အရပ်အမြင့်သည် ၁.၇၇ မီတာခန့်ရှိပြီး ကိုယ်ခန္ဓာအရွယ်အစား အတန်အသင့်ထွားကြိုင်းကြောင်း FBI က သတင်းထုတ်ပြန်ခဲ့ပြီးဖြစ်သည်။FBI စုံထောက်များသည် ကျောင်းဝန်းအတွင်း၌ လုပ်ငန်းလုပ်ဆောင်နေဆဲဖြစ်ပြီး ကျည်ဆန်လမ်းကြောင်းအရာများ မှတ်တမ်းတင်နေသောကြောင့် အများပြည်သူအနေဖြင့် စိတ်ရှည်ရှည်ထားရန် လိုအပ်ကြောင်းလည်း Ted Docks က‌ ပြောကြားခဲ့သည်။

ဘရောင်းတက္ကသိုလ် တည်ရှိရာ ပရောဗစ်ဒန့်စ်မြို့ ရဲစခန်း တာဝန်ခံ Oscar Perez က သတင်းစာရှင်းလင်းပွဲတွင် သေနတ်ပစ်ခတ်သူသည် ဘရောင်းတက္ကသိုလ်အား တိုက်ခိုက်မှုပစ်မှတ်အဖြစ် “အတည်ပြု” ထားကြောင်း၊ သေနတ်ပစ်ခတ်သူသည် ပရောဗစ်ဒန့်စ်မြို့ လူနေရပ်ကွက်အတွင်း ခိုအောင်းနေဆဲ ရှိ၊ မရှိကို တရားဥပဒေစိုးမိုးရေးဌာနက စုံစမ်းစစ်ဆေးလျက်ရှိပြီး အများပြည်သူ ဘေးကင်းလုံခြုံမှုကို အာမခံနိုင်ရန် ရဲအင်အားများ တိုးချဲ့ဖြန့်ကြက်နေရာချထားပြီးဖြစ်ကြောင်း ပြောကြားခဲ့သည်။

ဘရောင်းတက္ကသိုလ်၏ စာသင်ဆောင်တစ်ဆောင်တွင် ဒီဇင်ဘာ ၁၃ ရက် ညနေပိုင်းက သေနတ်ပစ်ခတ်မှု ဖြစ်ပွားခဲ့ရာ ကျောင်းသား ၂ ဦးထက်မနည်း သေဆုံး၍ ကျောင်းသား ၉ ဦး ဒဏ်ရာရရှိခဲ့သည်။ ဘရောင်းတက္ကသိုလ်သည် အမေရိကန်၏ အမည်ကျော် Ivy League အဖွဲ့ဝင်တက္ကသိုလ်ကျောင်း ၈ ကျောင်းအနက် တစ်ကျောင်းဖြစ်ပြီး ဘွဲ့ကြိုကျောင်းသား ၇,၃၀၀ ခန့်နှင့် မဟာဘွဲ့တန်းကျောင်းသား ၃,၀၀၀ ကျော်ရှိသည်။ ဒီဇင်ဘာ ၁၃ ရက်က အဆိုပါတက္ကသိုလ် ဆောင်းဦးရာသီ စာသင်ကာလအကုန် စာမေးပွဲ ဒုတိယနေ့ဖြစ်ကြောင်း သိရသည်။ (Xinhua)

#US #FBI #BrownUniversity #အမေရိကန် #အမေရိကန်ဖက်ဒရယ်စုံစမ်းစစ်ဆေးရေးဗျူရို #ဘရောင်းတက္ကသိုလ်
——————————————
(Chinese Version)
美联邦调查局悬赏5万美元征集布朗大学枪击事件嫌疑人线索
新华社旧金山12月15日电（记者吴晓凌）据美国媒体15日报道，美联邦调查局悬赏5万美元征集布朗大学枪击事件嫌疑人的有关线索。
美联邦调查局波士顿分局负责人特德·多克斯表示，联邦调查局悬赏5万美元征集能够促成“对责任人的身份确认、抓捕以及定罪”的相关信息。执法部门认为该名嫌疑人“持有武器，且具有高度危险性”。联邦调查局已发布通告，称枪手身高约1.77米、体型较为魁梧。
多克斯称，联邦调查局探员仍在校园内工作，记录弹道轨迹，公众需要保持耐心。
布朗大学所在的普罗维登斯市警察局负责人奥斯卡·佩雷斯在新闻发布会上表示，枪手“明确”将布朗大学作为袭击目标。执法部门正在调查枪手是否仍藏身于普罗维登斯社区内，并已加强警力部署，以确保公众安全。
布朗大学一栋教学楼13日下午发生枪击案，造成至少两名学生死亡、9名学生受伤。布朗大学是美国8所知名的常春藤盟校之一，有约7300名本科生和3000多名研究生。据悉，13日是该校秋季学期期末考试的第二天。（完）
图说：12月13日，在美国罗得岛州普罗维登斯，应急人员在发生枪击事件的布朗大学内工作。新华社/美联