ရန်ကုန် ၊ အောက်တိုဘာ ၁၅ ရက် (ဆင်ဟွာ)

မြန်မာနိုင်ငံတွင် ယနေ့ (အောက်တိုဘာ ၁၅ ရက်) ညပိုင်းထိ COVID-19 ရောဂါ ဓာတ်ခွဲအတည်ပြုလူနာ ၃၂,၀၀၀ ကျော်ရှိလာပြီး ရောဂါပျောက်ကင်း၍ ဆေးရုံကဆင်းခွင့်ရသူ ၁၄,၇၀၆ ဦးထိရှိလာကြောင်း ကျန်းမာရေးနှင့် အားကစားဝန်ကြီးဌာနက ထုတ်ပြန်သော သတင်းအရ သိရသည်။

မနီလာ ၊ အောက်တိုဘာ ၁၅ ရက် (ဆင်ဟွာ)


ဖိလစ်ပိုင်နိုင်ငံ၌ ယနေ့အောက်တိုဘာ ၁၅ ရက်တွင် COVID-19 ရောဂါ အတည်ပြုလူနာသစ် ၂,၂၆၁ ဦး ထပ်မံ စမ်းသပ်တွေ့ရှိခဲ့ရာ လက်ရှိအချိန်ထိ အတည်ပြုလူနာစုစုပေါင်း ၃၄၈,၆၉၈ ဦးထိ ရောက်ရှိလာခဲ့ကြောင်း သိရသည်။

ဗီယင်ကျန်း၊ အောက်တိုဘာ ၁၅ ရက် (ဆင်ဟွာ)
လာအိုပြည်သူ့လွတ်မြောက်ရေးပါတီ (LPRP) ဗဟိုကော်မတီ အထွေထွေအတွင်းရေးမှူးနှင့် လာအိုနိုင်ငံ သမ္မတ ဘွန်ညံ ဗိုရာချစ် (Bounnhang Vorachith) သည် လာအိုနိုင်ငံသို့ အလည်အပတ်ရောက်ရှိနေသော တရုတ်နိုင်ငံ နိုင်ငံတော်ကောင်စီဝင် နှင့် နိုင်ငံခြားရေးဝန်ကြီး ဝမ်ရိအား အောက်တိုဘာ ၁၄ ရက်က လက်ခံတွေ့ဆုံခဲ့ပြီး နှစ်နိုင်ငံ ဆက်ဆံရေးနှင့် ပူးပေါင်းဆောင်ရွက်ရေး ကိစ္စရပ်များ ဆွေးနွေးခဲ့ကြောင်း သိရသည်။

အန်ကာရာ၊ အောက်တိုဘာ ၁၅ ရက် (ဆင်ဟွာ)


တူရကီနိုင်ငံတွင် ကပ်ရောဂါစတင်ဖြစ်ပွားချိန်ကတည်းက ဆေးဘက်ဆိုင်ရာပညာရှင် ၄၀,၀၀၀ ကျော်တွင် COVID-19 ရောဂါကူးစက်ခဲ့သည်ကို တွေ့ရှိခဲ့ရကြောင်းနှင့် ရောဂါကူးစက်မှုကြောင့် အသက်သေဆုံးခဲ့ရသည့် ဆေးဝန်ထမ်းအရေအတွက်မှာ ၁၀၇ ဦး ရှိနေပြီဖြစ်ကြောင်း တူရကီ ကျန်းမာရေးဝန်ကြီးဌာန ဝန်ကြီး Fahrettin Koca က အောက်တိုဘာ ၁၄ ရက်တွင် ပြောကြားခဲ့သည်။

ချင်းသောင်၊ အောက်တိုဘာ ၁၅ ရက် (ဆင်ဟွာ)

တရုတ်နိုင်ငံ ဆန်းတုန်းပြည်နယ် လွတ်လပ်သောကုန်သွယ်ရေးဇုန် ချင်းသောင်အပိုင်းရှိ တရုတ်-ဂျာမနီ ဂေဟဗေဒ ဥယျာဉ်တွင် ချင်းသောင် BGIက “မီးမျက်လုံး (Fire Eye)”ဓါတ်ခွဲခန်းများကို အောက်တိုဘာ ၁၄ ရက်က အဆင့်မြှင့်တင်တိုးချဲ့ခဲ့ရာ ယင်းနေ့ညပိုင်းတွင်ပင် စတင် အသုံးပြုနိုင်ခဲ့ကြောင်း သိရသည်။

ချင်းသောင်၊ အောက်တိုဘာ ၁၅ ရက်(ဆင်ဟွာ)

တရုတ်နိုင်ငံ ချင်းသောင်မြို့၌ အောက်တိုဘာ ၁၄ ရက် ၁၈:၀၀ နာရီ အထိ မြို့၏အဓိက နေရာ ၅ ခု ဖြစ်သည့် မြို့တောင်ပိုင်း၊မြောက်ပိုင်း ၊ လီချန်း၊ လောင်ဆန်း၊ ချန်ယန် ဒေသများတွင် Nucleic acidဓါတ်ခွဲဆေးစစ်မှု ၃.၄၁ သန်းခန့် ပြီးစီးခဲ့ပြီဖြစ်ရာ အောက်တိုဘာ ၁၄ ရက် ၂၄:၀၀ နာရီ တွင် ယင်းဒေသများရှိ ချင်းသောင်မြို့ အိမ်ထောင်စုစာရင်းဝင် ၄.၁၅ သန်းနှင့် သွားလာနေထိုင်သူအားလုံး၏ ဆေးစစ် ဓါတ်ခွဲမှု အလုံးစုံပြီးစီးမည် ဖြစ်ကြောင်း ချင်းသောင်မြို့အစိုးရ ပြန်ကြားရေးဌာနက ယင်းနေ့ ညပိုင်းတွင် ကျင်းပသည့် သတင်းစာရှင်းလင်းပွဲအရ သိရသည်။

ရန်ကုန် ၊ အောက်တိုဘာ ၁၄ ရက်(ဆင်ဟွာ)

မြန်မာနိုင်ငံ၌ ၂၄ နာရီအတွင်း COVID-19 အတည်ပြုလူနာသစ် ၈၈၈ ဦးတိုးလာပြီး ရောဂါဖြစ်ပွားသူ စုစုပေါင်း ၃၁,၃၂၅ ဦးထိရှိလာကြောင်း ယနေ့(အောက်တိုဘာ ၁၄ ရက်) ညပိုင်းတွင် ကျန်းမာရေးနှင့် အားကစားဝန်ကြီးဌာနက ထုတ်ပြန်သော သတင်းအရ သိရသည်။

ရန်ကုန် ၊ အောက်တိုဘာ ၁၃ ရက်(ဆင်ဟွာ)

မြန်မာနိုင်ငံ၌ COVID-19 ဓာတ်ခွဲစစ်ဆေးချက်အရ အတည်ပြုလူနာ ၃၀,၄၃၇ ဦး ရှိလာခဲ့ပြီး သေဆုံးလူနာပေါင်း ၆၉၃ ဦး ရှိလာခဲ့ကြောင်း ကျန်းမာရေး နှင့် အားကစား ဝန်ကြီးဌာန၏ ယနေ့ နောက်ဆုံး ထုတ်ပြန်မှုအရ သိရသည်။

ပေကျင်း၊ အောက်တိုဘာ ၁၃ ရက်(ဆင်ဟွာ)

ပြင်သစ်နိုင်ငံတွင် ကိုဗစ် ဒုတိယလှိုင်းရိုက်ခတ်မှုသည် အမှန်တကယ် ဖြစ်လာပြီဖြစ်ကြောင်းနှင့် ကိုရိုနာဗိုင်းရပ်စ်သည် ပြောင်ချောနေသည့် မျက်နှာပြင်တွင် ၂၈ ရက် အထိ အသက်ရှင်နိုင်သည်ဟု CSIROက ပြောကြားခဲ့ကြောင်း အောက်တိုဘာ ၁၂ ရက် သတင်းများအရ သိရသည်။

မွမ်ဘိုင်း၊ အောက်တိုဘာ ၁၃ ရက် (ဆင်ဟွာ)

မွမ်ဘိုင်းမြို့ အများပြည်သူနေရာများတွင် နှာခေါင်းစည်း မတပ်ဆင်သည့် နိုင်ငံသား တစ်ရက်လျှင် ၂၀,၀၀၀ ဦးကို အပြစ်ပေးရန် စတင်လုပ်ဆောင်လျက်ရှိကြောင်း အိန္ဒိယနိုင်ငံ မွမ်ဘိုင်းမြို့အုပ်ချုပ်ရေးအဖွဲ့ တာဝန်ရှိသူတစ်ဦးက အောက်တိုဘာ ၁၂ ရက်တွင် ပြောကြားခဲ့သည်။