ဘရာဇီးလီယာ ၊ အောက်တိုဘာ ၁၁ ရက်(ဆင်ဟွာ)

ဘရာဇီးနိုင်ငံရှိ တရုတ်သံရုံးက တရုတ်အစိုးရမှ ဘရာဇီးနိုင်ငံသို့ပေးပို့လှူဒါန်းသော ဒုတိယအသုတ် ကပ်ရောဂါတိုက်ဖျက်ရေး ဆေးဘက်ဆိုင်ရာ အထောက်အပံ့ပစ္စည်းများကို အောက်တိုဘာ ၉ ရက်က လွှဲပြောင်းပေးအပ်ခဲ့ကြောင်း သိရသည်။ဘရာဇီးနိုင်ငံ ကပ်ရောဂါတိုက်ဖျက်ရေးတွင် အသုံးပြုရန်အတွက် N95 နှာခေါင်းစည်းများ ၊ ကာကွယ်ရေးဝတ်စုံများ ၊ မျက်မှန်များ နှင့် အခြား ဆေးဘက်ဆိုင်ရာ အသုံးအဆောင်ပစ္စည်းများကို တရုတ်နိုင်ငံက ပေးပို့ထောက်ပံ့ခဲ့ခြင်းဖြစ်သည်။

ရန်ကုန်၊ အောက်တိုဘာ ၁၀ ရက် (ဆင်ဟွာ)

COVID-19 အတည်ပြုလူနာသစ် (၂,၁၅၈) ဦးအားတွေ့ရှိခဲ့ပြီး မြန်မာနိုင်ငံတွင် အတည်ပြုလူနာစုစုပေါင်း(၂၆,၀၆၄) ဦးရှိလာပြီဖြစ်ကာ လူနာ(၃၂)ဦးထပ်မံသေဆုံးခဲ့ကြောင်း၊ ယနေ့အထိ သေဆုံးသူ စုစုပေါင်း (၅၉၈) ဦးရှိပြီဖြစ်ကြောင်း ကျန်းမာရေး နှင့် အားကစားဝန်ကြီးဌာန ၏ အောက်တိုဘာ ၁၀ ရက် ညပိုင်းတွင် ထုတ်ပြန်ချက်အရ သိရသည်။

ရောမ၊ အောက်တိုဘာ ၁၀ ရက် (ဆင်ဟွာ)


အီတလီနိုင်ငံတွင် အောက်တိုဘာ ၉ ရက်က ကိုရိုနာဗိုင်းရပ်စ် ကူးစက်ခံရမှု  ၅,၃၇၂ ခုဖြင့် မှတ်တမ်းဝင်ခဲ့ကြောင်း အီတလီ ကျန်းမာရေးဝန်ကြီးဌာန ဖော်ပြချက်အရ သိရသည်။

လန်ဒန် ၊ အောက်တိုဘာ ၁၀ ရက် (ဆင်ဟွာ)


ဗြိတိန်နိုင်ငံ ဘဏ္ဍာရေးဝန်ကြီးဌာနက COVID-19 ရောဂါကြောင့် လုပ်ငန်းလည်ပတ်မှုရပ်ဆိုင်းခဲ့သည့် ကုမ္ပဏီများနှင့် ၎င်းတို့၏ဝန်ထမ်းများအား ကူညီထောက်ပံ့မှုပြုလုပ်ပေးမည်ဖြစ်ကြောင်း အောက်တိုဘာ ၉ ရက် ၌ ထုတ်ပြန်ကြေညာခဲ့သည်။

ရန်ကုန်၊ အောက်တိုဘာ ၉ ရက် (ဆင်ဟွာ)

COVID-19 ရောဂါကူးစက်နေသူ Coronavirus Disease 2019  များသည်ဟုဆိုကာ သတ်မှတ်ထားသည့် Stay at Home မြို့နယ်များတွင် အသက် ၆၀ ကျော်များ ကြိုတင်မဲပေးနိုင်မည့် အစီအစဉ်အား ပြည်ထောင်စုရွေးကောက်ပွဲကော်မရှင်မှ တင်ပြထားကြောင်း၊ ထိုသို့ဆောင်ရွက်ခြင်းအားဖြင့် ကောင်းကျိုးနှစ်ခုရှိကြောင်း COVID-19 ကာကွယ်ထိန်းချုပ်၊ကုသရေးအမျိုးသားအဆင့်ဗဟိုကော်မတီဥက္ကဋ္ဌ နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က အောက်တိုဘာ ၉ ရက် ညပိုင်းတွင်  COVID-19 ရောဂါဖြစ်ပွားမှု နောက်ဆုံးအခြေအနေနှင့် စပ်လျဉ်း၍ ပြည်သူများသို့ အစီရင်ခံတင်ပြသည့် မိန့်ခွန်းတွင်ထည့်သွင်းပြောကြားခဲ့သည်။

ရန်ကုန်၊ အောက်တိုဘာ ၉ ရက် (ဆင်ဟွာ)

မြန်မာနိုင်ငံ တွင် COVID-19 အတည်ပြုလူနာသစ် (၁,၄၆၁) ဦးအားတွေ့ရှိခဲ့ပြီး (၃၁) ဦးထပ်မံသေဆုံးခဲ့ကြောင်း၊ ယနေ့အထိ အတည်ပြုလူနာစုစုပေါင်း ၂၃,၉၀၆ ဦး နှင့် သေဆုံးသူ စုစုပေါင်း (၅၆၆) ဦးရှိပြီဖြစ်ကြောင်း ကျန်းမာရေး နှင့် အားကစားဝန်ကြီးဌာန ၏ အောက်တိုဘာ ၉ ရက်ညပိုင်းတွင် ထုတ်ပြန်ချက်အရ သိရသည်။

ပေကျင်း၊ အောက်တိုဘာ ၉ ရက် (ဆင်ဟွာ)
တရုတ်နိုင်ငံသည် ကာကွယ်ဆေးမိတ်ဖက်ဖြစ်သော Gavi နှင့် အောက်တိုဘာ ၈ ရက်က သဘောတူလက်မှတ်ရေးထိုးခဲ့ပြီး COVAX နှင့် တရားဝင်ပူးပေါင်းလိုက်ကြောင်း နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဟွာချွမ်းရင်က အောက်တိုဘာ ၉ ရက်တွင် ပြောကြားလိုက်သည်။

ရန်ကုန်၊ အောက်တိုဘာ ၉ ရက် (ဆင်ဟွာ)

ကျောက်မျက်အချောထည် ပူးပေါင်းစစ်ဆေးရေးစခန်း One Stop Service (OSS) လုပ်ငန်းစဉ်များအား ၂၀၂၀ပြည့်နှစ်  နိုဝင်ဘာ ၄ ရက်အထိ ယာယီရပ်နားရန်ညွှန်ကြားထားကြောင်း မြန်မာ့ကျောက်မျက်ရတနာရောင်းဝယ်ရေးလုပ်ငန်းမှ အထွေထွေမန်နေဂျာဦးသက်ခိုင်က ဆင်ဟွာသို့ အောက်တိုဘာ ၉ ရက်တွင်ပြောသည်။

ဆန်တီရာဂို၊ အောက်တိုဘာ ၉ ရက် (ဆင်ဟွာ)


ချီလီနိုင်ငံက သက်ကြီးစောင့်ရှောက်ရေးဂေဟာတချို့တွင် COVID-19 ပျံနှံ့မှုလျှော့ချရေးကန့်သတ်ချက်များကို ဖြေလျှော့ပေးမည်ဖြစ်ကြောင်း ချီလီနိုင်ငံ သမ္မတကတော် Cecilia Morel က အောက်တိုဘာ ၈ ရက်နေ့တွင် ပြောကြားခဲ့သည်။

လန်ဒန် ၊ အောက်တိုဘာ ၉ ရက် (ဆင်ဟွာ)

ဗြိတိန်နိုင်ငံ ကျန်းမာရေးဝန်ကြီးဌာနက လက်ရှိချိန်တွင် နိုင်ငံအတွင်း၌ COVID-19 ရောဂါ စစ်ဆေးမှုစင်တာပေါင်း ၅၀၀ ခု အားထူထောင်ဖွင့်လှစ်ပေးခဲ့ပြီး ပြည်သူလူထုများ ပိုမိုလွယ်ကူချောမွေ့စွာ ရောဂါစစ်ဆေးနိုင်ရန်ဆောင်ရွက်ပေးခဲ့ကြောင်း အောက်တိုဘာ ၈ ရက်၌ ထုတ်ပြန်ကြေညာခဲ့သည်။