ရန်ကုန် ၊ အောက်တိုဘာ ၈  ရက် (ဆင်ဟွာ)

မြန်မာနိုင်ငံ၌ ၂၄ နာရီအတွင်း COVID-19  အတည်ပြုလူနာသစ် ၁,၀၁၂ ဦးတိုးလာကြောင်း ယနေ့(အောက်တိုဘာ ၈ ရက်) ညပိုင်းတွင် ကျန်းမာရေးနှင့် အားကစားဝန်ကြီးဌာနက ထုတ်ပြန်သော သတင်းအရ သိရသည်။

တိုကျို၊ အောက်တိုဘာ ၈ ရက် (ဆင်ဟွာ)

ဂျပန်နိုင်ငံသည် လာမည့်လတွင် တရုတ်နိုင်ငံ အပါအဝင် နိုင်ငံနှင့် ဒေသ ၁၁ ခုအတွက် ခရီးသွားကန့်သတ်ချက်များကို ဖြေလျှော့ပေးရန် စီစဉ်ထားကြောင်း ဒေသတွင်းမီဒီယာက အောက်တိုဘာ ၈ ရက်၌ သတင်းဖော်ပြခဲ့သည်။

ရန်ကုန် ၊ အောက်တိုဘာ ၈ ရက်(ဆင်ဟွာ)

COVID-19 ကာလ ခြောက်လကျော်အတွင်း မြဝတီ အမှတ် (၂) ချစ်ကြည်ရေးတံတားမှတစ်ဆင့် ထိုင်းနိုင်ငံမှ မြန်မာရွှေ့ပြောင်းလုပ်သား ၁၂၀,၀၀၀ ကျော် ပြန်လည်ဝင်ရောက်လာခဲ့ကြောင်း မြဝတီခရိုင်အုပ်ချုပ်ရေးမှူး ဦးတေဇာအောင်က ဆင်ဟွာသို့ ယနေ့ ပြောကြားခဲ့သည်။

ရန်ကုန် ၊ အောက်တိုဘာ ၈ ရက် (ဆင်ဟွာ)

၂၀၁၉-၂၀၂၀ ဘဏ္ဍာနှစ်တွင် ရံပုံငွေကျပ် ၂၅ဘီလီယံဖြင့် ဆောင်ရွက်ခဲ့သော Cash for Work စီမံကိန်း သည်၂၀၂၀ပြည့်နှစ် စက်တင်ဘာ ၂၅ ရက်တွင် တစ်နိုင်ငံလုံးအတိုင်းအတာဖြင့် ရာနှုန်းပြည့်ပြီးစီးခဲ့ပြီဖြစ်ကြောင်း ၊ ဆက်လက်၍ Cash for Work စီမံကိန်း အသစ်များဆောင်ရွက်ရန် အစီအစဉ်ရေးဆွဲလျက်ရှိကြောင်း စိုက်ပျိုးရေး၊မွေးမြူရေး နှင့် ဆည်မြောင်းဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ညွှန်ကြားရေးမှူးချုပ်ဦးခင်ဇော်က ဆင်ဟွာသို့ အောက်တိုဘာ ၈ ရက်တွင်ပြောကြားသည်။

“တစ်ရွာကို ကျပ်သိန်း ၁၀၀နဲ့ တစ်နိုင်ငံလုံးအတိုင်းအတာနဲ့ ကျေးရွာပေါင်း၂,၄၈၈ ရွာမှာ ကျွန်တော်တို့ Cash for Work စီမံကိန်းကို အကောင်အထည်ဖော်ဆောင်ရွက်နိုင်ခဲ့ပါတယ်။ ဒီစီမံကိန်းကို ကျွန်တော်တို့ ၃ လ အတွင်း အပြီးဆောင်ရွက်ခဲ့တာဖြစ်တယ်’’ဟု ၎င်းက ဖြည့်စွက်ပြောကြားသည်။ကျေးရွာများ၌ Cash for Work အတွက် ၇၀ ရာခိုင်နှုန်းကို လုပ်သားလစာအဖြစ် အသုံးပြုခဲ့ကြကြောင်း လုပ်သားအရေအတွက် ၂ ဒဿမ၈ သန်း ကို အလုပ်အကိုင်ဖန်တီးပေးနိုင်ခဲ့ကြောင်း သိရသည်။

“အမျိုးသမီးလုပ်သားဦးရေ ကလည်း ၄၂ ရာခိုင်နှုန်းလောက်အလုပ်ရခဲ့တာတွေ့ရတယ်။ လုပ်ငန်းပေါင်း ၄,၄၀၀ ကျော်လောက်ဆောင်ရွက်နိုင်ခဲ့တယ်” ဟု ဟု ဦးခင်ဇော်က ဆက်ရှင်းပြသည်။
Cash for Work စီမံကိန်းပြီးဆုံးသည့်အချိန်တွင် ကျေးရွာတွင်းလမ်းများ၊ ကုန်ထုတ်လမ်းများ ပြုပြင်ထိန်းသိမ်းခြင်း၊ကျေးရွာတွင်းရေနှုတ်မြောင်းများတူးဖော်ရှင်းလင်းခြင်း၊ရေကန်များခြံစည်းရိုးကာရံခြင်း၊ တည်ဆောက်ပြုပြင်ခြင်း၊ ရေပိုက်လိုင်းများသွယ်တန်းခြင်း၊ လက်တူးတွင်းများ၊ ရေကန်များအသစ်တည်ဆောက် ခြင်းနှင့်ပြုပြင်ခြင်း၊ မြေသားရေကန်များပြုပြင်ခြင်း၊ ဆိပ်ခံတံတားများ တံတားငယ်များပြုပြင်ထိန်းသိမ်းခြင်း၊ မြေဖို့လုပ်ငန်းများနှင့် မြေထိန်းနံရံများပြုပြင်တည်ဆောက်ခြင်းတို့ကို အကောင်အထည်ဖော် ဆောင်ရွက်နိုင်ခဲ့ကြောင်း သိရသည်။ လုပ်ငန်းပေါင်း ၄,၄၀၂ ခု အကောင်အထည်ဖော်ဆောင်ရွက် နိုင်ခဲ့ပြီး အဆိုပါကောင်အထည်ဖော်နိုင်ခဲ့သော အခြေခံအဆောက်အအုံများသည် ကျေးရွာများတွင်ကျန်ရှိခဲ့ရာ ရေရှည်ထိန်းသိမ်းမှုအတွက် ဝန်ကြီးဌာန နှင့် အတူ ပြည်သူများ၏ ပူးပေါင်းပါဝင်မှုမှာအရေးကြီးကြောင်းလည်း ၎င်းကဆိုသည်။ (Xinhua)

ခတ္တမန္ဒူ၊ အောက်တိုဘာ ၈ ရက်(ဆင်ဟွာ)

နီပေါနိုင်ငံတွင် ပြီးခဲ့သည့် ၂၄ နာရီအတွင်း ကိုဗစ်လူနာသစ် ၃,၄၃၉ ဦး ထပ်တိုးရာ ကပ်ရောဂါ ဖြစ်ပွားပြီးနောက် တစ်ရက်အတွင်း လူနာသစ်အရေအတွက် အများဆုံးစံချိန်တင် ဖြစ်ခဲ့ကြောင်း နီပေါနိုင်ငံ ကျန်းမာရေးနှင့်ပြည်သူ့အင်အား ဝန်ကြီဌာန၏ အောက်တိုဘာ ၇ ရက်ထုတ်ပြန်ချက်များအရ သိရသည်။

ပဲရစ်၊ အောက်တိုဘာ ၈ ရက် (ဆင်ဟွာ)

ပြင်သစ်နိုင်ငံတွင် အောက်တိုဘာ ၇ ရက် တစ်ရက်တည်းတွင် COVID-19 အတည်ပြုလူနာအရေအတွက်၁၈,၇၄၆ ဦးရှိခဲ့ပြီး တစ်ရက်တည်းတွင် ရောဂါဖြစ်ပွားမှု အများဆုံးစံချိန်တင်ခဲ့ကြောင်း ကျန်းမာရေးဝန်ကြီးအေဂျင်စီက ထုတ်ပြန်သည့် စာရင်းများအရ သိရသည်။ ယခင်က တစ်ရက်တည်းတွင် ကူးစက်မှုအများဆုံးအရေအတွက်သည် အောက်တိုဘာ ၃ ရက်က ၁၆,၉၇၂ ဦးဖြစ်ခဲ့သည်။

အက်ဒစ်အက်ဘာဘာ ၊ အောက်တိုဘာ ၈ ရက်(ဆင်ဟွာ)

အာဖရိကန်တိုက်တွင် အောက်တိုဘာ ၇ ရက်အထိ COVID-19 ရောဂါကူးစက်ခံရသူစုစုပေါင်း ၁,၅၂၆,၀၀၀ ဦးထိရောက်ရှိလာကြောင်း အာဖရိကတိုက် ကူးစက်ရောဂါထိန်းချုပ်ရေးနှင့် ကာကွယ်ရေး(Africa CDC) ၏ ထုတ်ပြန်ချက်အရသိရသည်။

ကွာလာလမ်ပူ၊ အောက်တိုဘာ ၇ ရက်(ဆင်ဟွာ)

မလေးရှားနိုင်ငံတွင် ၂၄ နာရီအတွင်း ကိုဗစ်လူနာသစ် ၆၉၁ ဦးရှိခဲ့ရာ ၎င်းမှာ ကပ်ရောဂါကာလ တစ်ရက်အတွင်း ထပ်တိုးလူနာအများဆုံးဖြစ်ခဲ့ကြောင်း မလေးရှား ကျန်းမာရေးဝန်ကြီးဌာန၏ အောက်တိုဘာ ၆ ရက် ထုတ်ပြန်သည့် အချက်အလက်များအရ သိရသည်။

ရန်ကုန် ၊ အောက်တိုဘာ ၇ ရက် (ဆင်ဟွာ)

မြန်မာနိုင်ငံ၌ COVID-19 ရောဂါကြောင့် သေဆုံးသူ ၅၁၀ ဦးရှိလာပြီး ဓာတ်ခွဲ အတည်ပြုလူနာ ၂၁,၀၀၀ကျော်ထိ တိုးလာကြောင်း ယနေ့(အောက်တိုဘာ ၇ရက်) ညပိုင်းတွင် ကျန်းမာရေးနှင့် အားကစားဝန်ကြီးဌာနက ထုတ်ပြန်သော သတင်းအရ သိရသည်။

ရန်ကုန် ၊ အောက်တိုဘာ ၇ ရက် (ဆင်ဟွာ)

ရန်ကုန်တိုင်းဒေသကြီးအတွင်း Stay at Home ကာလအတွင်း ဖွင့်လှစ်ခွင့်မပြုထားသော လုပ်ငန်းများမှ အလုပ်သမားများ၊ ဝန်ထမ်းများအနေဖြင့် မိမိတို့၏ စက်တင်ဘာလ လုပ်ခလစာများကို သက်ဆိုင်ရာ စက်ရုံ၊ အလုပ်ရုံများတွင် ကျန်းမာရေးနှင့်အားကစားဝန်ကြီးဌာန၏ ညွှန်ကြားချက်များ၊ စည်းမျဉ်းစည်းကမ်းများနှင့်အညီ အောက်တိုဘာလ (၈) ရက်မှစ၍ သွားရောက်ထုတ်ယူရန် ခွင့်ပြုမည်ဖြစ်ကြောင်း မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်(UMFCCI)မှ ယနေ့ ထုတ်ပြန်ခဲ့သည်။