ရန်ကုန် ၊ အောက်တိုဘာ ၆ ရက်(ဆင်ဟွာ)

လွန်ခဲ့သော ၂၄ နာရီအတွင်း COVID-19 ရောဂါ ဓာတ်ခွဲ အတည်ပြုလူနာသစ် ၁,၂၅၂ ဦး တွေ့ရှိခဲ့ပြီးနောက် အတည်ပြုလူနာ ဦးရေမှာ စုစုပေါင်း ၂၀,၀၃၃ ဦး ရှိလာကြောင်း ကျန်းမာရေး နှင့် အားကစား ဝန်ကြီးဌာန၏ ယနေ့ ညပိုင်း ထုတ်ပြန်မှုအရ သိရသည်။

ဝါရှင်တန်၊ အောက်တိုဘာ ၆ ရက်(ဆင်ဟွာ)

အမေရိကန်နိုင်ငံတွင် ကိုဗစ်ကပ်ရောဂါ သက်ဆိုင်ရာ ညွှန်းကိန်းများ ယခုကာလများအတွင်း တစ်ကျော့ပြန် မြင့်တက်လာခဲ့ကြောင်း သိရသည်။ ယခုရက်သတ္တပတ်ကာလတွင် တစ်ရက်အတွင်း ထပ်တိုးလူနာနှင့် သေဆုံးသူ အရေအတွက် တိုးမြင့်လာသည့်အခြေအနေရှိနေပြီး ပြည်နယ် ၂၀ ကျော်တွင် တစ်ရက်အတွင်း ထပ်တိုးလူနာဦးရေ မြင့်တက်လျက်ရှိကြောင်း သိရသည်။

ရန်ကုန်၊ အောက်တိုဘာ ၆ ရက် (ဆင်ဟွာ)

COVID-19 ရောဂါပြင်းထန်သူများကို ရန်ကုန်ပြည်သူဆေးရုံကြီးတွင် လက်ခံကုသပေးနိုင်ရန်အတွက် ရန်ကုန်ပြည်သူ့ ဆေးရုံကြီးရှိအရေးပေါ်ကုသရေးဌာနကို အထူးကြပ်မတ်ကုသဆောင် (ICU)အဖြစ် ပြင်ဆင်ဆောင်ရွက်နေကြောင်းကျန်မာရေးနှင့် အားကစားဝန်ကြီးဌာနထံမှ သိရသည်။

ရန်ကုန်၊အောက်တိုဘာ၆ရက် (ဆင်ဟွာ)

COVID-19 ကာလအတွင်း သယ်ယူပို့ဆောင်ရေးကိစ္စရပ်များနှင့် မြို့ဝင်/ထွက်ကိစ္စများ အဆင်ပြေချောမွေ့စေရန်ရန်ကုန်-မန္တလေး အမြန်လမ်းမကြီးပေါ်တွင် ကုန်တင်ယာဉ်များအားလုံး သတ်မှတ်ဖြတ်သန်းခပေးဆောင်စေ၍ အောက်တိုဘာ ၅ရက်ညနေပိုင်းမှ စတင်ကာယာယီဖြတ်သန်းခွင့်ပြုလျက်ရှိကြောင်း အမြန်လမ်းမကြီးရဲတပ်ဖွဲ့မှူးရုံးမှဒုရဲမှူးလှိုင်ဇော်ဦးက ဆင်ဟွာသို့ အောက်တိုဘာ ၆ ရက်တွင် ပြောကြားသည်။

ကိုလံဘို၊ အောက်တိုဘာ ၆ ရက် (ဆင်ဟွာ)

သီရိလင်္ကာနိုင်ငံ မြို့တော် ကိုလံဘိုပြင်ပတွင် လူအစုလိုက်အပြုံလိုက် ကူးစက်မှုမှ လူနာအသစ် ၁၀၀ ကျော်ရှိလာပြီးနောက် အောက်တိုဘာ ၅ ရက်တွင် ရောဂါဖြစ်ပွားသူဦးရေ ၃,၅၀၀ သို့ရောက်ရှိသွားခဲ့ကြောင်း ကျန်းမာရေးဝန်ကြီးဌာနက ပြောကြားခဲ့သည်။

ဗျူနိုအေးရိစ်၊ အောက်တိုဘာ ၆ ရက် (ဆင်ဟွာ)

အာဂျင်တီးနားနိုင်ငံတွင် ကိုဗစ်အတည်ပြုလူနာစုစုပေါင်း ၈ သိန်းကျော် ရှိပြီဖြစ်ကြောင်း အာဂျင်တီးနားနိုင်ငံ ကျန်းမာရေးဝန်ကြီးဌာန၏ စက်တင်ဘာ ၅ ရက် ထုတ်ပြန်သည့် အချက်အလက်များအရသိရသည်။ 

ဝါရှင်တန် ၊ အောက်တိုဘာ ၆ ရက်(ဆင်ဟွာ)

အမေရိကန်နိုင်ငံ သမ္မတဒေါ်နယ်ထရမ့်သည် COVID-19 ရောဂါမှ ပြန်လည်သက်သာကောင်းမွန်လာ၍ တနင်္လာနေ့ ညနေပိုင်းတွင် ဆေးရုံမှ ပြန်ဆင်းခွင့် ရသွားပြီဖြစ်သော်လည်း ၎င်းအားကုသပေးခဲ့သည့် ဆရာဝန်များအနက်တစ်ဦးက “လုံးဝစိတ်ချရသော အနေအထားမဟုတ်သေးကြောင်း” ထုတ်ဖော်ပြောကြားခဲ့သည်။

နယူးယောက် ၊ အောက်တိုဘာ ၅ ရက်(ဆင်ဟွာ)

အမေရိကန်နိုင်ငံ နယူးယောက်မြို့တွင် တာဝန်ချိန်အတွင်း နှာခေါင်းစည်းတပ်ဆင်ခြင်းမရှိသော ရဲတပ်ဖွဲ့ဝင်များသည် “စည်းကမ်းချိုးဖောက်မှု” ဖြင့် အရေးယူခံရမည်ဖြစ်ကြောင်း အသိပေးကြေညာချက်တစ်ခုကို မြို့တော်ရှိ ရဲတပ်ဖွဲ့ဝင်အားလုံးသို့ ညွှန်ကြားချက် ပေးပို့ထားကြောင်း နယူးယောက်မြို့တော်ရဲဌာန(NYPD) က အောက်တိုဘာ ၄ ရက်တွင် ထုတ်ပြန်ခဲ့သည်။

လန်ဒန်၊အောက်တိုဘာ ၁ ရက် (ဆင်ဟွာ)

ဗြိတိန်နိုင်ငံ၏ ကိုရိုနားဗိုင်းရပ်စ်ကပ်ရောဂါ အခြေအနေသည် တစ်ဆင့်တိုးထပ်မံထိန်းချုပ်ရန် လိုအပ်မည်ဆိုပါက အစိုးရအနေဖြင့် လုံးဝတွေဝေတုံ့ဆိုင်းခြင်းမရှိ ဆောင်ရွက်သွားမည်ဖြစ်ကြောင်း ဗြိတိန်ဝန်ကြီးချုပ်ဘောရစ်ဂျွန်ဆင်က စက်တင်ဘာ ၃၀ ရက်တွင် လန်ဒန်မြို့၌ပြောကြားခဲ့သည်။

 

ရန်ကုန် ၊ အောက်တိုဘာ ၅ ရက်(ဆင်ဟွာ) 

အထွေထွေရွေးကောက်ပွဲ ကျင်းပသည့် အချိန်တွင် ပြည်သူပြည်သူများ ကျန်းမာရေးအရ လုံလုံခြုံခြုံဖြင့် ရွေးကောက်ပွဲတွင် သွားပြီးမဲပေးနိုင်ရန် စီစဉ်နေကြောင်း COVID-19 ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီဥက္ကဋ္ဌ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ယနေ့တွင် COVID-19 ရောဂါဖြစ်ပွားမှု နောက်ဆုံးအခြေအနေနှင့် စပ်လျဉ်း၍ ပြည်သူများသို့ အစီရင်ခံတင်ပြသည့် မိန့်ခွန်းတွင် ထည့်သွင်း ပြောကြားခဲ့သည်။