ထိုင်းနိုင်ငံမြောက်ပိုင်း လေထုညစ်ညမ်းမှုက ဆုန်ခရန် ပွဲတော် ခရီးသွားလုပ်ငန်း အလားအလာများကို အနှောက်အယှက်ဖြစ်စေ

ချင်းရိုင်၊ ထိုင်း၊ ဧပြီ ၈ ရက် (ဆင်ဟွာ)

ထိုင်းနိုင်ငံ၏ ရိုးရာနှစ်သစ်ကူး ဆုန်ခရန် ပွဲတော် နီးကပ်လာသည်နှင့်အမျှ ထိုင်းနိုင်ငံ မြောက်ပိုင်းတွင် အချိန်ကြာမြင့်စွာ ရှိနေသောလေထုညစ်ညမ်းမှုက ပွဲတော်နှင့် ခရီးသွား လုပ်ငန်းအပေါ် စိုးမိုးနေပြီး ပွဲတော်တွက် အပြည့်အ၀ ဆင်နွှဲကြမည့် ခရီးသွားများနှင့် စီးပွားရေးလုပ်ငန်းလုပ်ကိုင်သူများကို စိုးရိမ်ပူပန်မှုများ ဖြစ်ပေါ်စေကြောင်းသိရသည်။

ထိုင်းနိုင်ငံ၊ ချင်းရိုင်မြို့ ရွှေတြိဂံ ခရီးသွားနေရာရှိ ရှုခင်းနေရာ တစ်ခုကို ၂၀၂၃ ခုနှစ်၊ ဧပြီ ၇ရက်ကတွေ့ရစဉ် (ဆင်ဟွာ)

ထိုင်းနိုင်ငံမြောက်ပိုင်း ချင်းရိုင်ပြည်နယ် ရွှေတြိဂံဒေသ ခရီးသွားနေရာတွင် မီးခိုးမြူများ ထူထပ်စွာ ဖုံးလွှမ်းလျက်ရှိပြီး တစ်ချိန်က မြစ်တစ်လျှောက် ရင်သပ်ရှုမောဖွယ်မြင်ကွင်းကို မမြင်နိုင်လောက်အောင် ဖြစ်ပေါ်နေခြင်းကြောင့် ဧပြီ၇ ရက်တွင်ယင်းနေရာ၌ ငြိမ်သက်တိတ်ဆိတ်နေခဲ့သည်။

ခရီးသွားဧည့်သည်များက လေထုညစ်ညမ်းမှုမှ လွတ်မြောက်ရန်နှင့် လေထုအရည်အသွေး ညံ့ဖျင်းမှုကြောင့် အသက်ရှူလမ်းကြောင်းဆိုင်ရာ ပြဿနာများကို ကာကွယ်ရန် ၎င်းတို့၏မော်တော်ယာဉ်များပေါ်သို့ အမြန်ပြန်တက်သွားရကြောင်း သိရသည်။
ထိုင်းဝန်ကြီးချုပ် ပရာယွတ်ချန်အိုချာက လာအိုနှင့် မြန်မာနိုင်ငံတို့မှ ဝန်ကြီးချုပ်များနှင့် ဧပြီ ၇ ရက်ကအွန်လိုင်းမှတစ်ဆင့် တွေ့ဆုံဆွေးနွေးစဉ်အတွင်း ပြင်းထန်သော နယ်စပ်ဖြတ်ကျော် မီးခိုးမြူများ ညစ်ညမ်းမှုအား ကိုင်တွယ်ဖြေရှင်းရန် အစီအမံများ အဆိုပြုခဲ့ပြီး ယင်းကိစ္စကို ဖြေရှင်းရန်မှာ ထိုင်းနိုင်ငံ၏ နိုင်ငံအဆင့် ဦးစားပေးဖြစ်ကြောင်း ပြောကြားခဲ့သည်။

တောမီးလောင်ကျွမ်းမှု ၊ လယ်ယာမြေမီးရှို့မှု၊ ယာဉ်ကြောပိတ်ဆို့မှုနှင့် စက်မှုလုပ်ငန်းများကြောင့် ဆိုးရွားစွာ လေထုညစ်ညမ်းခြင်းဖြစ်သည်ဟု ထိုင်းနိုင်ငံအစိုးရက သုံးသပ်ခဲ့ကြောင်း သိရသည်။ (Xinhua)

……………………………
(English Version)
Northern Thailand’s air pollution clouds Songkran tourism prospects
CHIANG RAI, Thailand, April 8 (Xinhua) — With Thailand’s traditional new year Songkran approaching, the lingering air pollution in Northern Thailand looms over the festival and tourism, prompting worries of visitors and businesses about enjoying the celebrations to the fullest.
The tourist destination of Golden Triangle in upper northern Chiang Rai province appeared quiet on Friday, as thick smog enveloped the area, rendering the once stunning view across the river barely visible.
Visitors have to hurry back to their vehicles to escape the choking fumes and prevent respiratory distress caused by poor air quality.
Thai Prime Minister Prayut Chan-o-cha proposed measures to address the severe transboundary haze pollution during discussion with his counterparts from Laos and Myanmar via a virtual meeting on Friday, noting it is Thailand’s national priority to resolve the issue.
The Thai government has attributed the heavy air pollution to smoke from forest fires, agricultural burning, traffic and industrial plants.
(1)Two boys stand on the observation deck at the Golden Triangle tourist site in Chiang Rai, Thailand on April 7, 2023. (Xinhua/Song Yu)
(2)Photo taken on April 7, 2023 shows a viewing point at the Golden Triangle tourist site in Chiang Rai, Thailand. (Xinhua/Song Yu)