ဥရောပသမဂ္ဂ (EU) ၏ တရုတ်လျှပ်စစ်ကားများအား စည်းကြပ်ခွန်များ ထပ်တိုးသတ်မှတ်ခြင်းအပေါ် ဂျာမနီနိုင်ငံ ဝန်ကြီးချုပ် Scholz ထပ်မံဝေဖန်

ဘရပ်ဆဲလ်၊ ဒီဇင်ဘာ ၂၁ ရက် (ဆင်ဟွာ)
တရုတ်နိုင်ငံမှ တင်သွင်းသည့် လျှပ်စစ်ကားများအပေါ် စည်းကြပ်ခွန်များ ထပ်တိုးသတ်မှတ်ခြင်းနှင့်ပတ်သက်၍ ဥရောပသမဂ္ဂကို ဂျာမနီနိုင်ငံ ဝန်ကြီးချုပ် Scholz က ဥရောပသမဂ္ဂ ထိပ်သီးအစည်းအဝေးကာလတွင် ပြစ်တင်ဝေဖန်ခဲ့ပြီး ညှိနှိုင်းမှုဖြင့် ပြဿနာကို အမြန်ဆုံးဖြေရှင်းရန် ဒီဇင်ဘာ ၁၉ ရက်က ထပ်မံတိုက်တွန်းခဲ့သည်။
ယခုအချိန်တွင် စည်းကြပ်ခွန်ပြဿနာနှင့် ပတ်သက်၍ တရုတ်နိုင်ငံနှင့် သဘောတူညီမှု မြန်မြန်ဆန်ဆန်ရရှိရမည်ဖြစ်ပြီး ဆန့်ကျင်ဘက်ရပ်တည်ချက် လုပ်ဆောင်ခြင်းမှာ မည်သည့်အနက်အဓိပ္ပါယ်မျှမရှိကြောင်း Scholz ကပြောကြားခဲ့သည်။ ဥရောပသမဂ္ဂ အတိုင်းအတာအတွင်းရှိ လျှပ်စစ်ကားရောင်းအားမြှင့်တင်ရေးအစီအစဉ်ကို ချမှတ်ပြီး ဥရောပ၏ လျှပ်စစ်ကားထုတ်လုပ်မှုနှင့် ရောင်းချမှုအဆင့်ကို မြှင့်တင်ရန် ၎င်းက အဆိုပြုခဲ့သေးသည်။
ဥရောပကော်မရှင်အနေဖြင့် ကာဗွန်ဒိုင်အောက်ဆိုဒ်ထုတ်လွှတ်မှု ရည်မှန်းချက် မပြည့်မီသော မော်တော်ကားထုတ်လုပ်သည့်ကုမ္ပဏီများအပေါ် သက်ညှာသော ရပ်တည်ချက် ချမှတ်ရန် Scholz က တိုက်တွန်းခဲ့သေးသည်။ ကမ္ဘာတစ်ဝန်းရှိ မော်တော်ကားလုပ်ငန်း အကျပ်အတည်းအောက်တွင် ဥရောပသမဂ္ဂက ကာဗွန်ဒိုင်အောက်ဆိုဒ်ထုတ်လွှင်မှု ရည်မှန်းချက်အား ပြည့်မီနိုင်စွမ်းမရှိခြင်းကြောင့် သက်ဆိုင်ရာ မော်တော်ကားထုတ်လုပ်သည့်ကုမ္ပဏီအပေါ် မြင့်မားသောဒဏ်ငွေများချမှတ်ခြင်းသည် အဓိပ္ပါယ်မရှိကြောင်း ၎င်းက ပြောကြားခဲ့သည်။ (Xinhua)

………………………………..
(Chinese Version)
德国总理再次批评欧盟对华电动汽车加征关税
新华社布鲁塞尔12月20日电（记者康逸　林浩）德国总理朔尔茨19日在欧盟峰会期间批评欧盟对从中国进口的电动汽车加征关税，再次呼吁通过谈判尽快解决问题。
朔尔茨表示，现在必须迅速与中国就关税问题达成协议，采取对立立场毫无意义。他还提议建立欧盟范围内的电动汽车推广计划，以提高欧洲电动汽车生产和销售水平。
朔尔茨还呼吁欧盟委员会对未能实现二氧化碳排放目标的汽车制造商采取更宽松立场。他说，在全球汽车行业困境下，欧盟因相关汽车制造商无法达到限排目标而对其实施高额罚款没有意义。
图说：12月19日，在比利时布鲁塞尔，德国总理朔尔茨在欧盟峰会前接受采访。新华社记者 赵丁喆 摄