တရုတ်နိုင်ငံ၏ ကြားဝင်ညှိနှိုင်းပေးခြင်းနှင့် တွန်းအားပေးမှုဖြင့် မြန်မာနိုင်ငံ အစိုးရနှင့် MNDAA အဖွဲ့တို့ လက်ရှိနေရာ၌ အပစ်အခတ်ရပ်စဲခဲ့ကြောင်း တရုတ်နိုင်ငံခြားရေးဝန်ကြီးဌာန ပြောကြား

ပေကျင်း၊ ဇန်နဝါရီ ၂၀ ရက် (ဆင်ဟွာ)
ဇန်နဝါရီလလယ်၌ တရုတ်နိုင်ငံ၏ ကြားဝင်ညှိနှိုင်းပေးခြင်းနှင့် တွန်းအားပေးမှုဖြင့် မြန်မာနိုင်ငံ အစိုးရနှင့် မြန်မာအမျိုးသားဒီမိုကရက်တစ် မဟာမိတ်တပ်မတော် (MNDAA) အဖွဲ့တို့ တရုတ်နိုင်ငံ ယူနန်ပြည်နယ် ကူမင်းမြို့တွင် သတ္တမအကြိမ်မြောက် ငြိမ်းချမ်းရေးဆွေးနွေးပွဲ ကျင်းပခဲ့ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မော်နင်က ဇန်နဝါရီ ၂၀ ရက် ပုံမှန်သတင်းစာရှင်းလင်းပွဲတွင် ပြောကြားခဲ့သည်။ နှစ်ဖက်လုံး သဘောတူညီချက်ရရှိပြီးနောက် အပစ်အခတ်ရပ်စဲရေး သဘောတူညီချက်ကို တရားဝင်လက်မှတ်ရေးထိုးခဲ့ရာ ပေကျင်းစံတော်ချိန် ၂၀၂၅ ခုနှစ် ဇန်နဝါရီ ၁၈ ရက် ၀၀ : ၀၀ နာရီတွင် လက်ရှိနေရာ၌ပင် အပစ်အခတ်ရပ်စဲခဲ့ကြောင်း၊ ယခုအကြိမ် ငြိမ်းချမ်းရေးဆွေးနွေးပွဲရလဒ်များ ရရှိစေရန် ကြိုးပမ်းမှုများအတွက် တရုတ်နိုင်ငံအား ကျေးဇူးတင်ခဲ့ကြောင်း ၎င်းက ပြောကြားခဲ့သည်။
“မြန်မာနိုင်ငံ မြောက်ပိုင်း အခြေအနေ ပြေလျော့ရေးက မြန်မာနိုင်ငံ ဘက်ပေါင်းစုံနဲ့ ဒေသတွင်းနိုင်ငံ အသီးသီးရဲ့ ဘုံအကျိုးစီးပွားနဲ့ကိုက်ညီပြီး တရုတ်- မြန်မာ နယ်စပ်ဒေသ လုံခြုံရေး၊ တည်ငြိမ်ရေးနဲ့ ဖွံ့ဖြိုးတိုးတက်ရေးအတွက် အထောက်အကူဖြစ်စေပါတယ်” ဟု မော်နင်က ပြောကြားခဲ့သည်။ တရုတ်- မြန်မာ နှစ်နိုင်ငံသည် ချစ်ကြည်ရင်းနှီးသောအိမ်နီးချင်းနိုင်ငံများဖြစ်ပြီး တရုတ်နိုင်ငံအနေဖြင့် မြန်မာနိုင်ငံတွင် စစ်ပွဲများ၊ မငြိမ်မသက်မှုများ ဖြစ်ပေါ်နေခြင်းကို ဆန့်ကျင်ကြောင်း၊ ဘက်ပေါင်းစုံအနေဖြင့် အပစ်အခတ်ရပ်စဲရေးနှင့် ငြိမ်းချမ်းရေးဆွေးနွေးမှု အရှိန်အဟုန်များကို ထိန်းထားကာ ရရှိထားပြီးသော ဘုံသဘောတူညီချက်များကို လက်တွေ့ကျစွာ အကောင်အထည်ဖော်ရန်၊ လက်ရှိ နိုင်ငံတွင်း အခြေအနေကို ကိုယ်တိုင် ဖြေလျှော့ရန်၊ ဆွေးနွေးမှုဖြင့် သက်ဆိုင်ရာကိစ္စရပ်များကို ညှိနှိုင်းဖြေရှင်းရန် မျှော်လင့်ကြောင်း ၎င်းက ပြောကြားခဲ့သည်။
တရုတ်နိုင်ငံအနေဖြင့် မြန်မာနိုင်ငံ၏ လွတ်လပ်ရေး၊ အချုပ်အခြာအာဏာ၊ နိုင်ငံပေါင်းစည်းဖြစ်တည်မှုနှင့် နယ်မြေပိုင်နက်ပြည့်စုံမှုတို့အား ကာကွယ်ထိန်းသိမ်းခြင်းအပေါ် ထောက်ခံကြောင်း၊ မြန်မာနိုင်ငံ၏ ပြည်တွင်း ငြိမ်းချမ်းတည်ငြိမ်ရေး၊ စီးပွားရေး ဖွံ့ဖြိုးတိုးတက်မှု ဖော်ဆောင်ရေး အတွက် ကြိုးပမ်းခြင်းအပေါ် အခိုင်အမာ ထောက်ခံကြောင်း၊ မြန်မာနိုင်ငံအနေဖြင့် ဖွဲ့စည်းပုံအခြေခံဥပဒေမူဘောင်အတွင်းမှ နိုင်ငံရေးအရ ပြန်လည်သင့်မြတ်ရေးကို ဆောလျင်စွာ အကောင်အထည်ဖော်ခြင်း၊ ပြည်တွင်းနိုင်ငံရေး လုပ်ငန်းစဉ်များအား တွန်းအားပေးမြှင့်တင်ခြင်းအပေါ် အခိုင်အမာ ထောက်ခံကြောင်း၊ “တရုတ်နိုင်ငံအနေနဲ့ အပြုသဘောဆောင်တဲ့ ငြိမ်းချမ်းရေး ဆွေးနွေးပွဲတွေ ဆက်လက်လုပ်ဆောင်သွားပြီး မြန်မာနိုင်ငံ မြောက်ပိုင်း ငြိမ်းချမ်းရေးလုပ်ငန်းစဉ်အတွက် ပံ့ပိုးကူညီသွားပါမယ်” ဟု မော်နင်က ပြောကြားခဲ့သည်။ (Xinhua)
………………………..
(Chinese Version)
外交部：在中方斡旋促推下，缅甸政府与果敢同盟军就地停火止战
新华社北京1月20日电（记者曹嘉玥、邵艺博）外交部发言人毛宁20日在例行记者会上表示，1月中旬，在中方斡旋促推下，缅甸政府与果敢同盟军在云南昆明举行第七次和谈。双方达成并签署正式停火协议，于北京时间2025年1月18日零时起就地停火止战。双方感谢中方为推动此次和谈取得成果所作的努力。
“缅北局势降温符合缅甸各方及地区各国共同利益，有助于中缅边境地区安全稳定发展。”毛宁说，中缅是友好邻邦，中方坚决反对缅甸生战生乱。希望各方保持停火和谈势头，切实落实已经达成的共识，主动缓和现地局势，通过对话进一步协商解决有关问题。
毛宁表示，中方坚定支持缅甸维护独立、主权、国家统一和领土完整，坚定支持缅甸致力于国内和平稳定、实现经济发展，坚定支持缅方在宪法框架下早日实现政治和解、推进国内政治议程。 　　毛宁说：“中方将继续积极劝和促谈，为缅北和平进程提供支持和帮助。”（完）