ဆင်ဟွာ တတ်သိပညာရှင်အဖွဲ့ အစီရင်ခံစာ၌ ယဉ်ကျေးမှုများကြား ကူးလူးဖလှယ်မှု၊ အပြန်အလှန် လေ့လာသင်ယူမှုတို့၏ အရေးပါပုံကို အလေးထားဖော်ပြ

ပေကျင်း၊ ဖေဖော်ဝါရီ ၂၈ ရက် (ဆင်ဟွာ)
ဆင်ဟွာသတင်းဌာနက တတ်သိပညာရှင်အဖွဲ့ အစီရင်ခံစာတစ်စောင်အား တိုကျိုမြို့တွင် ဖေဖော်ဝါရီ ၁၈ ရက်၌ ထုတ်ပြန်ခဲ့ကာ ယင်းအစီရင်ခံစာ၌ လူမှုအဖွဲ့အစည်း ဖွံ့ဖြိုးတိုးတက်မှုအတွက် ရင်ဆိုင်နေရသော စိန်ခေါ်မှုများကို ကိုင်တွယ်ဖြေရှင်းရေးအတွက် လူမှုယဉ်ကျေးမှုများကြား ကူးလူးဖလှယ်မှု၊ အပြန်အလှန် လေ့လာသင်ယူမှု မြှင့်တင်ရန် တိုက်တွန်းထားသည်။
“ဖလှယ်မှုနှင့် အပြန်အလှန် လေ့လာသင်ယူမှုမှတစ်ဆင့် လူမှုယဉ်ကျေးမှုအဖွဲ့အစည်း ဖွံ့ဖြိုးမှုနှင့် တိုးတက်မှုကို မြှင့်တင်ခြင်း” ဟု ခေါင်းစဉ်ပေးထားသော အဆိုပါ အစီရင်ခံစာ၌ ကမ္ဘာတစ်ဝန်းရှိ လူမှုယဉ်ကျေးမှုအဖွဲ့အစည်း ဘုံသာယာဝပြောမှုအား မြှင့်တင်ခြင်းနှင့် ငြိမ်းချမ်းစွာ အတူယှဉ်တွဲနေထိုင်မှုအား အားပေးမြှင့်တင်ခြင်း၏ အရေးပါပုံကို အလေးအနက်ဖော်ပြထားသည်။
တရုတ်နိုင်ငံအနေဖြင့် သာတူညီမျှရှိမှု၊ အပြန်အလှန် လေ့လာသင်ယူမှု၊ အပြန်အလှန်ဆွေးနွေးမှု၊ အလုံးစုံလွှမ်းခြုံပါဝင်မှု စသည့် သွင်ပြင်လက္ခဏာများဖြင့် ဖော်ကျူးထားသော လူမှုယဉ်ကျေးမှု မျှော်မှန်းချက်ကို ထောက်ခံအားပေးလျက်ရှိကာ စိတ်ဝမ်းကွဲမှုအား ကူးလူးဖလှယ်မှုဖြင့်လည်းကောင်း၊ ထိပ်တိုက်ပဋိပက္ခအား အပြန်အလှန် လေ့လာသင်ယူမှုဖြင့်လည်းကောင်း၊ ယဉ်ကျေးမှုအရ လွှမ်းမိုးခြင်းအား အလုံးစုံလွှမ်းခြုံပါဝင်မှုဖြင့်လည်းကောင်း ကျော်လွှားအနိုင်ယူရေးကို အလေးထားလျက်ရှိကြောင်း ယင်းအစီရင်ခံစာ၌ ဖော်ပြထားသည်။
ယခုနှစ် နွေဦးပွဲတော်မှာ ယူနက်စကို၏ လူသားမျိုးနွယ်ကိုယ်စားပြု ဒြပ်မဲ့ယဉ်ကျေးမှု အမွေအနှစ်စာရင်း၌ ထည့်သွင်းသတ်မှတ်ခံရပြီးနောက် ပထမဆုံး ကျင်းပခဲ့သည့် နွေဦးပွဲတော်ဖြစ်သည်။ မကြာသေးမီ နှစ်များအတွင်း နွေဦးပွဲတော်အား ကမ္ဘာတစ်ဝန်း၌ အသိအမှတ်ပြုမှုနှင့် လူကြိုက်များမှု မြင့်တက်လာခဲ့သည်။
“မိမိတို့အနေနဲ့ မတူညီတဲ့ လူမှုယဉ်ကျေးမှုတွေကြား အပြန်အလှန် လေးစားမှုရှိပြီး သဟဇာတဖြစ်စွာ အတူယှဉ်တွဲနေထိုင်ခြင်းကို တိုက်တွန်းအားပေးဖို့ လိုအပ်သလို တစ်ဖက်မှာလည်း အပြန်အလှန် ကူးလူးဖလှယ်မှု၊ အပြန်အလှန် နားလည်မှုတို့ကို တစ်ဦးနဲ့တစ်ဦးအကြား ချစ်ကြည်ရေး ပေါင်းကူးတံတားတစ်စင်း၊ လူ့အဖွဲ့အစည်းအတွက် နောက်ကွယ်ကတွန်းအား အနေနဲ့တင်မကဘဲ ကမ္ဘာ့ငြိမ်းချမ်းရေးအတွက် ခိုင်မြဲတဲ့ အနှောင်အဖွဲ့အဖြစ်လည်း မြှင့်တင်ရမှာဖြစ်တယ်” ဟု ပဲရစ်မြို့ရှိ ယူနက်စကိုရုံးချုပ်တွင် ၂၀၁၄ ခုနှစ်၌ သမိုင်းဝင်မိန့်ခွန်း ပြောကြားစဉ် တရုတ်နိုင်ငံ သမ္မတ ရှီကျင့်ဖိန်က ထည့်သွင်းပြောကြားခဲ့သည်။
တရုတ်နိုင်ငံအနေဖြင့် စိန်ခေါ်မှုများကို တုံ့ပြန်ရင်ဆိုင်ရန်အတွက် စဉ်ဆက်မပြတ် သာယာဝပြောမှု၊ ငြိမ်းချမ်းစွာ ဖွံ့ဖြိုးတိုးတက်မှုတို့ကို အားပေးမြှင့်တင်ရန် ရည်ရွယ်သော ကမ္ဘာလုံးဆိုင်ရာ အဆိုပြုချက်များကို ဦးဆောင်အဆိုပြုခဲ့သည်ဟု ထိုအစီရင်ခံစာ၌ ဖော်ပြထားသည်။ ကမ္ဘာလုံးဆိုင်ရာ ဖွံ့ဖြိုးတိုးတက်မှု အဆိုပြုချက်၊ ကမ္ဘာလုံးဆိုင်ရာ လုံခြုံရေးအဆိုပြုချက်နှင့် ကမ္ဘာလုံးဆိုင်ရာ ယဉ်ကျေးမှု အဆိုပြုချက်တို့က အရေးတကြီး ကိစ္စရပ်များကို ကိုင်တွယ်ဖြေရှင်းရန် အတူတကွလုပ်ဆောင်ရာ၌ ကမ္ဘာ့နိုင်ငံများအတွက် မူဘောင်တစ်ရပ် ချမှတ်ပေးလျက်ရှိသည်။
တရုတ်နိုင်ငံအနေဖြင့် ကမ္ဘာလုံးဆိုင်ရာ စီးပွားရေးအတွက် အရေးပါသော အခန်းကဏ္ဍမှ ပါဝင်ခဲ့ကာ နှစ်ပေါင်းများစွာအတွင်း ကမ္ဘာ့စီးပွားရေး ဖွံ့ဖြိုးတိုးတက်မှု၏ ၃၀ ရာခိုင်နှုန်းခန့်ကို အားဖြည့်ပံ့ပိုးခဲ့ကြောင်း သိရသည်။ ထို့အတူ တရုတ်နိုင်ငံက အခြားသော ဖွံ့ဖြိုးဆဲနိုင်ငံများတွင် သက်မွေးမှုဆိုင်ရာ စီမံကိန်း ၆,၀၀၀ ကျော်မှတစ်ဆင့် ၎င်း၏ ဖွံ့ဖြိုးတိုးတက်ရေးဆိုင်ရာ အတွေ့အကြုံများကို မျှဝေပေးခဲ့ပြီး ယင်းတို့အနက် အများစုမှာ ဆင်းရဲနွမ်းပါးမှု လျှော့ချရေး၊ လယ်ယာစိုက်ပျိုးရေး နည်းပညာနှင့် ရာသီဥတုပြောင်းလဲမှု လျော့ပါးသက်သာစေရေးတို့အပေါ် အဓိကထားခြင်းဖြစ်သည်။
ထိုကဲ့သို့ ကြိုးပမ်းမှုများက ကမ္ဘာလုံးဆိုင်ရာ သာယာဝပြောမှုအတွက် တရုတ်နိုင်ငံ၏ အခိုင်အမာ စိတ်ပိုင်းဖြတ်မှုကို လက်တွေ့ပြသနေသကဲ့သို့ ဖွံ့ဖြိုးဆဲနိုင်ငံများအနေဖြင့် စီးပွားရေး ဖွံ့ဖြိုးတိုးတက်ရေးအတွက် ၎င်းတို့ကိုယ်တိုင် မည်ကဲ့သို့ လုပ်ဆောင်နိုင်သနည်းဆိုသော အနာဂတ်စီမံချက်ကိုလည်း လက်ဆင့်ကမ်းပေးလျက်ရှိကြောင်း အစီရင်ခံစာ၌ ဖော်ပြထားသည်။ (Xinhua)

တရုတ်နိုင်ငံ အလယ်ပိုင်း ဟူပေပြည်နယ် ဝူဟန့်မြို့ရှိ ISA Wuhan School ၌ ဂီတအတန်းချိန် တက်ရောက်နေသည့် တရုတ်နိုင်ငံနှင့် ပြင်သစ်နိုင်ငံမှ ဆယ်ကျော်သက်လူငယ်များအား ၂၀၂၄ ခုနှစ် ဇူလိုင် ၂၆ ရက်က တွေ့ရစဉ် (ဆင်ဟွာ)

ဂျပန်နိုင်ငံ တိုကျိုမြို့တွင် “ဖလှယ်မှုနှင့် အပြန်အလှန် လေ့လာသင်ယူမှုမှတစ်ဆင့် လူမှုယဉ်ကျေးမှုအဖွဲ့အစည်း ဖွံ့ဖြိုးမှုနှင့် တိုးတက်မှုကို မြှင့်တင်ခြင်း” ဟု အမည်ရသော အစီရင်ခံစာ မိတ္တူအား ၂၀၂၅ ခုနှစ် ဖေဖော်ဝါရီ ၁၈ ရက်က တွေ့ရစဉ် (ဆင်ဟွာ)

……………………
(English Version)
Xinhua think tank report highlights significance of exchanges, mutual learning between civilizations
BEIJING, Feb. 18 (Xinhua) — Xinhua News Agency on Tuesday released a think tank report in Tokyo, calling for enhanced civilizational exchange and mutual learning to tackle the challenges facing the development of human civilization.
The report, titled “Promoting the Development and Progress of Human Civilization through Exchange and Mutual Learning,” emphasizes the importance of fostering coexistence and promoting the shared prosperity of global civilizations.
China advocates a vision of civilization characterized by equality, mutual learning, dialogue and inclusiveness, and emphasizes letting exchange prevail over estrangement, mutual learning over clashes, and inclusiveness over cultural superiority, it said.
This year’s Spring Festival is the first one since its inscription on UNESCO’s Representative List of the Intangible Cultural Heritage of Humanity. In recent years, the Spring Festival has gained growing global recognition and popularity.
“We need to encourage different civilizations to respect each other and live together in harmony while promoting their exchanges and mutual learning as a bridge of friendship among peoples, a driving force behind human society, and a strong bond for world peace,” said Chinese President Xi Jinping in his historic 2014 speech at the headquarters of UNESCO in Paris.
In response to these challenges, China has proposed several global initiatives aimed at fostering sustained prosperity and peaceful development, according to the report. The Global Development Initiative, the Global Security Initiative and the Global Civilization Initiative provide a framework for countries to work together to tackle those pressing issues.
China has played an instrumental role in the global economy, contributing about 30 percent of global economic growth over many years. Additionally, the country has shared its development expertise through over 6,000 livelihood projects in other developing countries, with many focused on poverty reduction, agricultural technology and climate change mitigation.
These efforts demonstrate China’s commitment to global prosperity and offer a blueprint on how developing nations can achieve their own economic growth.
English Caption 1
A kid writes Chinese character “Fu,” which means good fortune, during an exhibition on the Chinese zodiac at the China Cultural Center in Belgrade, Serbia on Feb. 12, 2025. (Photo by Wang Wei/Xinhua)
English Caption 2
Teenagers from China and France attend a chorus class at ISA Wuhan School in Wuhan, central China’s Hubei Province, July 26, 2024. (Xinhua/Du Zixuan)
English Caption 3
This photo taken on Feb. 18, 2025 shows a copy of a report titled “Promoting the Development and Progress of Human Civilization through Exchange and Mutual Learning” in Tokyo, Japan. (Xinhua/Jia Haocheng)