“ရုရှား-တရုတ် ဖိုရမ်” ကို ရုရှားနိုင်ငံ Khabarovsk မြို့တွင် ပထမဆုံးအကြိမ် ကျင်းပ

Khabarovsk (ရုရှား) ၊ မေ ၂၀ ရက် (ဆင်ဟွာ)
နှစ်ရက်တာ ကျင်းပမည့် “ရုရှား-တရုတ် ဖိုရမ်” ကို မေ ၁၉ ရက်တွင် ရုရှားနိုင်ငံ အရှေ့ဖျား Khabarovsk နယ်စပ်ဒေသ မြို့တော် Khabarovsk ၌ ဖွင့်လှစ်ကျင်းပခဲ့ရာ တရုတ်-ရုရှား နှစ်နိုင်ငံ၏ ကုမ္ပဏီလုပ်ငန်းကဏ္ဍမှ လူပုဂ္ဂိုလ်၊ အစိုးရအဖွဲ့အစည်း ကိုယ်စားလှယ်နှင့် လုပ်ငန်းကဏ္ဍ ပညာရှင်များ ၃,၀၀၀ ကျော် တက်ရောက်ခဲ့သည်။ ဖိုရမ်တက်ရောက်လာသူများက နှစ်နိုင်ငံ ဒေသတွင်း စီးပွားရေးနှင့်ကုန်သွယ်ရေး၊ စက်မှုလုပ်ငန်း၊ စွမ်းအင်၊ လမ်းပန်းဆက်သွယ်ရေး၊ လူမှုယဉ်ကျေးမှု စသည့် ကဏ္ဍများတွင် ပူးပေါင်းဆောင်ရွက်မှုနှင့်စပ်လျဉ်း၍ နက်ရှိုင်းစွာ ဆွေးနွေးခဲ့ကြသည်။

ယင်းသည် Khabarovsk နယ်စပ်ဒေသ၌ “ရုရှား-တရုတ် ဖိုရမ်” ကို ပထမဆုံးအကြိမ် ကျင်းပခြင်းဖြစ်သည်။ Khabarovsk နယ်စပ်ဒေသ အုပ်ချုပ်ရေးမှူး Dmitry Demeshin က ဖွင့်ပွဲအခမ်းအနား၌ အမှာစကား ပြောကြားရာတွင် Khabarovsk နယ်စပ်ဒေသနှင့် တရုတ်နိုင်ငံ၏ စီးပွားရေးနှင့် ကုန်သွယ်ရေးဆက်ဆံမှုသည် တစ်နှစ်ပြီးတစ်နှစ် တိုးမြင့်လာကြောင်း၊ စက်မှု၊ စွမ်းအင်၊ လမ်းပန်းဆက်သွယ်ရေး စသည့် ကဏ္ဍများ၌ ပူးပေါင်းဆောင်ရွက်သည့် စီမံကိန်းများကို အဆက်မပြတ် အကောင်အထည်ဖော်လာခဲ့ကြောင်း ပြောကြားခဲ့သည်။
နှစ်နိုင်ငံ လုပ်ငန်းကုမ္ပဏီများက ရုရှားနိုင်ငံ အရှေ့ဖျားဒေသ၌ အတူလက်တွဲ ပူးပေါင်းဆောင်ရွက်မှုဖြင့် ခေတ်မီအသွင်ပြောင်း ကုန်ထုတ်လုပ်မှုနှင့် နည်းပညာ ဆန်းသစ်တီထွင်မှုကို တွန်းအားပေးကာ အလုပ်အကိုင် အခွင့်အလမ်းများ ဖန်တီးခဲ့ကြောင်း၊ “ကျွန်တော်တို့ တည်ဆောက်နေတာဟာ လက်တွေ့ကမ္ဘာက ပေါင်းကူးတံတားသာမက ယုံကြည်မှု၊ အပြန်အလှန် နားလည်မှုနဲ့ အတူတကွ သာယာဝပြောမှု ဆိုတဲ့ ပေါင်းကူးတံတားလည်း ဟုတ်ပါတယ်” ဟု ၎င်းက ပြောကြားခဲ့သည်။

Khabarovsk အခြေစိုက် တရုတ်ကောင်စစ်ဝန်ချုပ် ကျန်းရှောက်ယန်က အမှာစကားပြောကြားရာတွင် Khabarovsk နယ်စပ်ဒေသသည် ရုရှားနိုင်ငံ အရှေ့ဖျားဒေသ၏ အရေးကြီး ကုန်စည်ပို့ဆောင်မှု၊ စက်မှုလုပ်ငန်းနှင့် သိပ္ပံနည်းပညာစင်တာဖြစ်ကြောင်း၊ တရုတ်နိုင်ငံနှင့် ပူးပေါင်းဆောင်ရွက်မှု အနာဂတ် အလားအလာကျယ်ပြန့်ကြောင်း ပြောကြားခဲ့သည်။

ဖိုရမ်ကျင်းပနေစဉ်ကာလအတွင်း ဖိုရမ်တက်ရောက်သူများက ဖိုရမ်ခွဲ ၃၀ ကျော်နှင့် မျက်နှာစုံညီ အစည်းအဝေးတွင် တရုတ်-ရုရှားနှစ်နိုင်ငံက ဟေးရှားကျီ (Bolshoi Ussuriysky) ကျွန်း အတူပူးတွဲ ဖော်ဆောင်ခြင်း၊ နှစ်နိုင်ငံ ကဏ္ဍအသီးသီး၏ ဒေသတွင်း ပူးပေါင်းဆောင်ရွက်မှု တိုးချဲ့ခြင်း၊ နှစ်နိုင်ငံ လုပ်ငန်းရှင်များ တိုက်ရိုက်ချိတ်ဆက်ဆွေးနွေးမှု ယန္တရား တည်ထောင်ခြင်း စသည့် အကြောင်းအရာများနှင့် စပ်လျဉ်း၍ ဆွေးနွေးသွားမည်ဖြစ်သည်။
တစ်ချိန်တည်းတွင် ရင်းနှီးမြှုပ်နှံမှုဆိုင်ရာ မိတ်ဆက်ပွဲ၊ တရုတ်-ရုရှား စီးပွားရေးနှင့် ကူးသန်းရောင်းဝယ်ရေးဆိုင်ရာ‌ တွေ့ဆုံဆွေးနွေးပွဲနှင့် B2B ချိတ်ဆက်ဆွေးနွေးမှု စသည့် နှစ်နိုင်ငံ လုပ်ငန်းကုမ္ပဏီများ ကူးလူးဖလှယ်မှုကို မြှင့်တင်ပေးသည့် အခမ်းအနားအစီအစဉ်များစွာလည်း ကျင်းပသွားမည်ဖြစ်ကြောင်း သိရသည်။ (Xinhua)

ရုရှားနိုင်ငံ Khabarovsk မြို့တွင် ကျင်းပသော “ရုရှား-တရုတ် ဖိုရမ်” သတင်းစာရှင်းလင်းပွဲကို မေ ၁၉ ရက်က တွေ့ရစဉ် (ဆင်ဟွာ)

ရုရှားနိုင်ငံ Khabarovsk မြို့တွင် ကျင်းပသော “ရုရှား-တရုတ် ဖိုရမ်” ဖွင့်ပွဲအခမ်းအနား ယဉ်ကျေးမှု အနုပညာဖျော်ဖြေတင်ဆက်မှုကို မေ ၁၉ ရက်က တွေ့ရစဉ် (ဆင်ဟွာ)

———————–
(Chinese Version)
俄罗斯哈巴罗夫斯克市首次举办“俄中论坛”
新华社俄罗斯哈巴罗夫斯克5月20日电（记者陈畅）为期两天的“俄中论坛”19日在俄罗斯远东哈巴罗夫斯克边疆区首府哈巴罗夫斯克市开幕，中俄两国3000多名企业界人士、政府机构代表和行业专家学者参加。与会者就加强两国地区间经贸、工业、能源、交通、人文等领域合作进行了深入探讨。
这是哈巴罗夫斯克边疆区首次举办“俄中论坛”。哈巴罗夫斯克边疆区行政长官德米特里·杰梅申在开幕式致辞中说，哈巴罗夫斯克边疆区与中国的经贸关系逐年增强，工业、能源、交通等领域合作项目不断落实。两国企业在俄罗斯远东携手合作，推动现代化生产和技术创新，创造了就业岗位。“我们正在搭建的不仅是现实中的桥梁，更是信任、相互理解与共同繁荣的桥梁。”
中国驻哈巴罗夫斯克总领事姜笑洋在致辞中说，哈巴罗夫斯克边疆区是俄罗斯远东地区重要的物流、工业和科技中心，与中国合作前景广阔。
论坛举办期间，参会人员将在30多个分论坛及全体会议上围绕中俄联合开发黑瞎子岛、扩大两国各领域的地区合作、建立两国企业家直接对话机制等议题展开讨论。同期还将举行投资推介会、中俄商务对话以及B2B洽谈等一系列促进两国企业交流的活动。（完）
图说1：这是5月19日在俄罗斯哈巴罗夫斯克拍摄的“俄中论坛”全体会议现场。新华社发（郭飞洲摄）
图说2：这是5月19日在俄罗斯哈巴罗夫斯克拍摄的“俄中论坛”记者见面会现场。新华社发（郭飞洲摄）
图说3、4：这是5月19日在俄罗斯哈巴罗夫斯克拍摄的“俄中论坛”开幕式上的文艺表演。新华社发（郭飞洲摄）