မြောက်ကိုရီးယား ဖျက်သင်္ဘောသစ် ရေချရာတွင် “ကြီးမားသော မတော်တဆဖြစ်မှု” ဖြစ်ပွား၊ အမှုဖွင့်စစ်ဆေးမည်ဟု ကင်ဂျုံအန်း ဆို

ပြုံယမ်း၊ မေ ၂၂ ရက် (ဆင်ဟွာ)
မြောက်ကိုရီးယားနိုင်ငံ၏ အသစ်တည်ဆောက်ထားသော တန်ချိန် ၅,၀၀၀ အဆင့်ရှိ ဖျက်သင်္ဘောကို မေ ၂၁ ရက်တွင် ချုံကျင်းသင်္ဘောကျင်း၌ ရေချပွဲအခမ်းအနား ကျင်းပရာတွင် “ကြီးမားသော မတော်တဆဖြစ်မှု” ဖြစ်ပွားခဲ့ကြောင်း KCNA သတင်းဌာန၏ မေ ၂၂ ရက် သတင်းဖော်ပြချက်အရ သိရသည်။

မြောက်ကိုရီးယား အလုပ်သမားပါတီ အထွေထွေအတွင်းရေးမှူးချုပ်၊ နိုင်ငံတော်ရေးရာ ကော်မရှင် ဥက္ကဋ္ဌ ကင်ဂျုံအန်းသည် အဆိုပါရေချပွဲအခမ်းအနားအား လေ့လာကြည့်ရှုခဲ့ပြီး ပြင်းထန်စွာ ပြစ်တင်ခဲ့ရာ ယင်းမတော်တဆဖြစ်မှုသည် “မရှိသင့်သော၊ လက်ခံ၍မရသော ကြီးမားတဲ့ မတော်တဆဖြစ်မှု၊ ပြစ်မှုကျူးလွန်တဲ့ လုပ်ရပ်” ဟု ပြောဆိုခဲ့သည်။

ဖျက်သင်္ဘောသည် “ရေချတဲ့ ဖြစ်စဉ်အတွင်း ညွှန်ကြားရာတွင် မကျွမ်းကျင်မှုနဲ့ လုပ်ဆောင်ချက် ပေါ့ဆမှုကြောင့် သင်္ဘောကိုယ်ထည် ရေပြင်ညီရွေ့လျားမှုကို အာမမခံနိုင်ခဲ့ပါဘူး။ ရလဒ်ကတော့ သင်္ဘောပဲ့ပိုင်းရှိ ရေချရာတွင်အသုံးပြုသော လျှောတိုက်ပြားက မြေပြင်ပေါ်တင်ထားတဲ့ နေရာကနေ ရှေးဦးစွာပြုတ်ကျသွားကာ သင်္ဘောဗိုက်အချို့နေရာမှာ အပေါက်ဖြစ်သွားပြီး သင်္ဘောဟန်ချက်ပျက်သွားစေခဲ့ပါတယ်။ သင်္ဘောဦးပိုင်းကတော့ သင်္ဘောရေချစင်မှ ထွက်ခွာသွားခြင်း မရှိပါဘူး” ဟု သတင်းတွင် ဖော်ပြထားသည်။

အဆိုပါမတော်တဆဖြစ်မှုသည် “လုံးဝ အလုပ်လုပ်ရာမှာ ပေ့ါလျော့မှု၊ တာဝန်ခံယူမှုမရှိမှုနဲ့ သိပ္ပံနည်းကျမှု မရှိတဲ့ အတွေ့အကြုံအဓိကဝါဒကြောင့် ဖြစ်လာခြင်း” ဖြစ်ပြီး မြောက်ကိုရီးယား၏ ဂုဏ်သိက္ခာနှင့် မိမိကိုယ်ကို လေးစားမှုကို ထိခိုက်စေကြောင်း ကင်ဂျုံအန်းက ပြောကြားခဲ့သည်။ မတော်တဆဖြစ်မှု၏တာဝန်သည် အလုပ်သမားပါတီ ဗဟိုကော်မတီ ခဲယမ်းစက်မှုလုပ်ငန်းဌာန၊ ဗဟိုသင်္ဘောဒီဇိုင်းရေးဆွဲမှု သုတေသနဌာန စသည့် သက်ဆိုင်ရာဌာနနှင့် ချုံကျင်းသင်္ဘောကျင်းမှ သက်ဆိုင်ရာဝန်ထမ်းများ၏ တာဝန်သာဖြစ်ကြောင်း ၎င်းက ပြောကြားခဲ့သည်။

လာမည့်လတွင် ကျင်းပမည့် အလုပ်သမားပါတီ ဗဟိုကော်မတီ မျက်နှာစုံညီအစည်းအဝေးတွင် အဆိုပါ တာဝန်ခံယူမှုမရှိသည့် ပြင်းထန်သောအမှားအတွက် အမှုဖွင့်စစ်ဆေးမှု လုပ်ဆောင်သွားမည်ဟုလည်း ကင်ဂျုံအန်းက ပြောကြားခဲ့သည်။

“ဖျက်သင်္ဘောကို အမြန်ဆုံး ပြုပြင်တာက သာမန်ရိုးစင်းတဲ့ လုပ်ငန်းပိုင်းဆိုင်ရာ ပြဿနာမဟုတ်ဘဲ နိုင်ငံတော်ဩဇာနဲ့ တိုက်ရိုက်ပတ်သက်နေတဲ့ နိုင်ငံရေးပြဿနာဖြစ်ပါတယ်” ဟု ကင်ဂျုံအန်းက အလေးထား ပြောကြားခဲ့သည်။ လာမည့်လ မျက်နှာစုံညီအစည်းအဝေး မကျင်းပမီ သင်္ဘောပြုပြင်ရေးလုပ်ငန်းအား “ခြွင်းချက်မရှိ” လုပ်ဆောင်ပြီးစီးရမည်ဟု ၎င်းက တောင်းဆိုခဲ့သည်။
ထို့ပြင် ကင်ဂျုံအန်းက မတော်တဆဖြစ်မှု စုံစမ်းစစ်ဆေးရေးအဖွဲ့ လုပ်ငန်းအတွက်လည်း အရေးပါသောလမ်းညွှန်မှု ပေးခဲ့ကြောင်း သတင်းတွင် ဖော်ပြထားသည်။ (Xinhua)

———————
(Chinese Version)
朝驱逐舰下水发生“重大事故”　金正恩说将立案审查
新华社平壤5月22日电（记者冯亚松　王超）据朝中社22日报道，朝鲜新建造的5000吨级驱逐舰21日在清津造船厂举行下水仪式过程中发生“重大事故”。
朝鲜劳动党总书记、国务委员长金正恩观摩了下水仪式，提出严厉指责，称该事故为“既不可有、又不可接受的重大事故、犯罪行为”。
报道说，驱逐舰“下水过程中，因指挥不熟、操作不慎，没能保障底盘移动平行度。结果，船尾部分的下水滑板先脱离搁浅，部分区段船底被破孔导致船舰失衡，船首部分未被脱离船台”。
金正恩说，这起事故“完全由做事不慎、不负责任和不科学的经验主义所造成”，损害了朝鲜的尊严与自尊心。事故责任完全在于劳动党中央委员会军需工业部、中央船舶设计研究所等相关单位和清津造船厂有关人员。
金正恩说，将在下月召开的劳动党中央委员会全会上对这一不负责任的严重错误进行立案审查。
金正恩强调：“尽快修复驱逐舰是直接关乎国家权威的政治问题，而非单纯的业务性问题。”他要求，在下月全会召开前“无条件”完成修复工作。
报道还说，金正恩就事故调查组工作作了重要指示。（完）