ဒေသန္တရ ပူးပေါင်းဆောင်ရွက်မှုက ရုရှား-တရုတ်ဆက်ဆံရေး နက်ရှိုင်းစွာ တိုးတက်မှု၏ အရေးကြီးဖော်ပြမှုဖြစ်ကြောင်း ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဆို

မော်စကို၊ ဇွန် ၂၇ ရက် (ဆင်ဟွာ)
ဒေသန္တရ ပူးပေါင်းဆောင်ရွက်မှုသည် ရုရှား-တရုတ် ခေတ်သစ် ဘက်စုံ မဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေး နက်ရှိုင်းစွာ တိုးတက်မှု၏ အရေးကြီးဖော်ပြမှုဖြစ်ကြောင်း ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ Maria Zakharova က ဇွန် ၂၆ ရက်တွင် ပြောကြားခဲ့သည်။

လတ်တလောနှစ်ပိုင်းအတွင်း ရုရှား-တရုတ် နှစ်နိုင်ငံ၏ ဒေသအသီးသီးအကြား ကူးလူးဖလှယ်မှုသည် “တစ်ဟုန်ထိုး တိုးတက်မှု” ရှိလာကြောင်း၊ နှစ်ဖက်က ကုန်သွယ်စီးပွားရေး၊ ယဉ်ကျေးမှု၊ ပညာရေး စသည့် ကဏ္ဍအသီးသီးတွင် အပြန်အလှန် သွားလာဆက်ဆံမှုများ အများအပြားတိုးပွားလာကြောင်း၊ မကြာသေးမီက ကျင်းပပြီးစီးခဲ့သည့် စိန့်ပီတာစဘတ်စ် နိုင်ငံတကာစီးပွားရေးဖိုရပ်တွင် အစည်းအဝေးတက်ရောက်သူ အများအပြားက ယင်းအပေါ် အပြုသဘောဆောင်စွာ မှတ်ချက်ပြုခဲ့ကြကြောင်း Maria Zakharova က ထိုနေ့သတင်းစာရှင်းလင်းပွဲ၌ ဆင်ဟွာသတင်းထောက်၏ မေးမြန်းမှုကို ဖြေကြားရာတွင် ပြောကြားခဲ့သည်။

လွန်ခဲ့သည့် တစ်နှစ်အတွင်းတွင်ပင် ရုရှားနိုင်ငံ ဒေသဆိုင်ရာ အဆင့်မြင့်အရာရှိ အယောက် ၄၀ ကျော်သည် တရုတ်နိုင်ငံသို့ ခရီးစဉ်သွားရောက်ခဲ့ပြီး တရုတ်နိုင်ငံ ဒေသများစွာနှင့် နိုင်ငံခြား ကုန်သွယ်စီးပွား ပူးပေါင်းဆောင်ရွက်မှုအတွက် ချိတ်ဆက်မှု နက်ရှိုင်းစေရန်၊ ဒေသဆိုင်ရာ ပူးပေါင်းဆောင်ရွက်မှု အလားအလာများ ဖော်ထုတ်ရန် ကြိုးပမ်းခဲ့ကြောင်း၊ ဒေသဆိုင်ရာ ဝန်ကြီးအဆင့် ကိုယ်စားလှယ်အဖွဲ့ပေါင်း ၅၀ ခန့်သည် တရုတ်နိုင်ငံသို့ သွားရောက်၍ နိုင်ငံတကာဖိုရမ်နှင့် ပြပွဲအခမ်းအနား အမျိုးမျိုး တက်ရောက်ခဲ့ကြောင်း Maria Zakharova က မိတ်ဆက်ပြောကြားခဲ့သည်။

လက်ရှိတွင် ရုရှားနိုင်ငံအတွင်းရှိဒေသပေါင်း သုံးပုံနှစ်ပုံခန့်သည် တရုတ်နိုင်ငံ ဒေသန္တရ ဌာနဆိုင်ရာများနှင့် ပူးပေါင်းဆောင်ရွက်မှု သဘောတူညီချက်များ လက်မှတ်ရေးထိုးခဲ့ကာ ပြည်နယ်၊ မြို့အဆင့်များတွင် ပူးပေါင်းဆောင်ရွက်မှု မိတ်ဖက်ဆက်ဆံရေး အများအပြားဖော်ဆောင်ထားသည်ဟုလည်း ၎င်းက ဆိုသည်။

ရုရှား-တရုတ် “အရှေ့အလယ်ပိုင်း-အရှေ့ဖျား” အစိုးရအကြား ပူးပေါင်းဆောင်ရွက်မှု ကော်မတီနှင့် “ယန်ဇီမြစ်-ဗော်လ်ဂါမြစ်” ဒေသန္တရပူးပေါင်းဆောင်ရွက်မှုကောင်စီသည် နှစ်နိုင်ငံဒေသန္တရ ပူးပေါင်းဆောင်ရွက်မှုအတွက် အားကောင်းသောစွမ်းအား ဖြည့်တင်းပေးလိုက်ကြောင်း၊ ပြပွဲအခမ်းအနားများကလည်း နှစ်နိုင်ငံကုန်သွယ်ရေး သွားလာဆက်ဆံမှုကို ပြည်သူများစိတ်နှလုံးထဲတွင် ပိုမိုအမြစ်တွယ်စေကြောင်း Maria Zakharova က အလေးထားပြောကြားခဲ့သည်။

ရုရှားနိုင်ငံ ပို့ကုန်စင်တာသည် တရုတ်နိုင်ငံ မြို့များစွာတွင် “ရုရှား၌ထုတ်လုပ်သည်” ပွဲတော် အရောင်းမြှင့်တင်ရေး အခမ်းအနားများ အောင်မြင်စွာကျင်းပခဲ့ရာ ရုရှားအမှတ်တံဆိပ်ထုတ်ကုန်များလည်း တရုတ်နိုင်ငံ၌ ပိုမိုလူသိများလာခဲ့ကြောင်း ၎င်းက ပြောကြားခဲ့သည်။

ရုရှား-တရုတ်ကုန်စည်ပြပွဲသည် ပမာဏအလွန်ကြီးမားသော နှစ်ဖက်ကုန်စည်ပြပွဲအခမ်းအနားအနေဖြင့် ရုရှား-တရုတ် နှစ်နိုင်ငံဒေသအသီးသီးကြား လက်တွေ့ကျ ပူးပေါင်းဆောင်ရွက်မှု ဖော်ဆောင်သည့် အရေးကြီးပလက်ဖောင်း ဖြစ်လာပြီဖြစ်ကြောင်း၊ ယခုနှစ် ဇူလိုင် ၇ ရက်မှ ၁၀ ရက်အထိ ၉ ကြိမ်မြောက် ရုရှား-တရုတ် ကုန်စည်ပြပွဲကို ရုရှားနိုင်ငံ ရဲကာတာရင်ဘာ့ဂ်မြို့၌ ကျင်းပသွားမည်ဖြစ်ကြောင်း၊ ၎င်းအနက် ကုန်စည်ပြပွဲမူဘောင်အောက်တွင် ကျင်းပမည့် ၅ ကြိမ်မြောက် ရုရှား-တရုတ် ဒေသန္တရ ပူးပေါင်းဆောင်ရွက်မှု ဖိုရမ်သည် ကုန်စည်ပြပွဲအတွက် “အဓိကအခမ်းအနား” ဖြစ်လာမည်ဖြစ်ကြောင်း ၎င်းက ပြောကြားခဲ့သည်။

ရုရှား-တရုတ် ဒေသန္တရပူးပေါင်းဆောင်ရွက်မှု အလားအလာကြီးမားပြီး နိုင်ငံတကာအခြေအနေအသစ်တွင် နှစ်နိုင်ငံ ဒေသန္တရပူးပေါင်းဆောင်ရွက်မှု အနာဂတ်အလားအလာ အလွန်ကျယ်ပြန့်သည်ဟု ရုရှားဘက်က ခိုင်မာစွာယုံကြည်ကြောင်း Maria Zakharova က ပြောကြားခဲ့သည်။ (Xinhua)

——————–
(Chinese Version)
俄外交部发言人：地方合作是俄中关系深入发展的重要体现
新华社莫斯科6月26日电（记者赵冰）俄罗斯外交部发言人扎哈罗娃26日表示，地方合作是俄中新时代全面战略协作伙伴关系深入发展的重要体现。
扎哈罗娃当天在例行记者会上回答新华社记者提问时说，近年来，俄中两国各地区之间的交流呈现“爆发式增长”，双方在经贸、文化、教育等各领域互动大幅度增加。在不久前闭幕的圣彼得堡国际经济论坛上，众多与会者对此都作出积极评价。
扎哈罗娃介绍，仅在过去一年就有超过40位俄罗斯地方行政高官访问中国，谋求与中国多个地区深化对外经贸合作联系，挖掘地方合作潜力；约有50个地方部长级代表团前往中国参加各类国际论坛和展会。目前，俄罗斯约三分之二的地区已经与中国地方签订了合作协议，在省、市一级建立大量合作伙伴关系。
扎哈罗娃特别强调，俄中“东北-远东”政府间合作委员会和“长江-伏尔加河”地方合作理事会为两国地方合作注入了强劲动力，展销展会活动也让两国贸易往来更加深入人心。
她表示，俄罗斯出口中心在中国多个城市成功举办了“俄罗斯制造”节庆展销活动，让俄罗斯品牌产品在中国越来越受到关注。俄中博览会作为规模巨大的双边会展活动，已成为俄中两国各地区之间开展务实合作的重要平台。今年7月7日至10日，第九届俄中博览会将在俄叶卡捷琳堡市举办，其中，在博览会框架下举办的第五届俄中地方合作论坛将成为博览会的“重头戏”。
扎哈罗娃表示，俄方坚信，俄中地方合作潜力巨大，在新的国际形势下，两国地方合作前景非常广阔。（完）
图说：Russian Foreign Ministry spokesperson Maria Zakharova attends a weekly briefing on March 23, 2023. (Russian Foreign Ministry photo)