Connect with us

China

တရုတ်-ရှန်ဟိုင်းပူးပေါင်းဆောင်ရွက်မှုအဖွဲ့ (SCO) လွှတ်တော်အမတ် နှီးနှောဖလှယ်ပွဲ ဖွင့်ပွဲအခမ်းအနား တရုတ်နိုင်ငံ ပေကျင်းမြို့၌ ကျင်းပ

ပေကျင်း၊ ဇူလိုင် ၁၅ ရက် (ဆင်ဟွာ)
တရုတ်-ရှန်ဟိုင်းပူးပေါင်းဆောင်ရွက်မှုအဖွဲ့ (SCO) လွှတ်တော်အမတ် နှီးနှောဖလှယ်ပွဲ ဖွင့်ပွဲအခမ်းအနားကို ဇူလိုင် ၁၅ ရက်တွင် တရုတ်နိုင်ငံ ပေကျင်းမြို့၌ ကျင်းပခဲ့ရာ တရုတ်ပြည်လုံးဆိုင်ရာ ပြည်သူ့ကွန်ဂရက် အမြဲတမ်းကော်မတီ ဒုတိယအကြီးအကဲ ဖုန်ချင်းဟွာ တက်ရောက် အမှာစကားပြောကြားခဲ့ကြောင်း သိရသည်။

ဖုန်ချင်းဟွာက ယမန်နှစ် ဇူလိုင်လတွင် ကျင်းပသည့် အက်စ်တာနာ ထိပ်သီးအစည်းအဝေး၌ သမ္မတ ရှီကျင့်ဖိန်သည် အဖွဲ့ဝင်နိုင်ငံအသီးသီးမှ ခေါင်းဆောင်များနှင့် အရေးကြီး သဘောတူညီချက်များ ရရှိခဲ့ရာ SCO အဖွဲ့ နောက်တစ်ဆင့် တိုးတက်မှုအတွက် ရှင်းလင်းသည့် လမ်းညွှန်ပေးခဲ့ကြောင်း၊ တရုတ်နိုင်ငံသည် SCO အလှည့်ကျဥက္ကဋ္ဌနိုင်ငံအနေဖြင့် ဘက်အသီးသီးနှင့်အတူ “ဘုံမိသားစုဥယျာဉ်ငါးခု” ဟူသည့် ကောင်းမွန်သော မျှော်မှန်းချက်အား လက်တွေ့မြင်ကွင်းအဖြစ် ပြောင်းလဲသွားလိုကြောင်း ပြောကြားခဲ့သည်။

မိမိတို့အနေဖြင့် ဥပဒေပြုအဖွဲ့အစည်းများ ကူးလူးဖလှယ်မှုကို မြှင့်တင်ကာ လက်တွေ့ကျ ပူးပေါင်းဆောင်ရွက်မှု အဆက်မပြတ် နက်ရှိုင်းလာအောင် လုပ်ဆောင်ရမည်ဖြစ်ကြောင်း၊ ကမ္ဘာလုံးဆိုင်ရာ စီမံခန့်ခွဲမှုတွင် “SCO အင်အား” များ ပြည့်စုံအောင် စုစည်းဆောင်ရွက်ခြင်းဖြင့်ကာ SCO အဖွဲ့ ပိုမိုမြင့်မားသောအဆင့်သို့ အဆက်မပြတ် ဖွံ့ဖြိုးတိုးတက်လာရန် အတူတကွ တွန်းအားပေး ဖော်ဆောင်ရမည်ဖြစ်ကြောင်း ၎င်းက ပြောကြားခဲ့သည်။

အဆိုပါနှီးနှောဖလှယ်ပွဲကို “ဥပဒေပြုအဖွဲ့အစည်းများ ကူးလူးဖလှယ် ပူးပေါင်းဆောင်ရွက်မှု မြှင့်တင်ခြင်းဖြင့် ရှန်ဟိုင်းပူးပေါင်းဆောင်ရွက်မှုအဖွဲ့ (SCO) အေးအတူပူအမျှ အသိုက်အဝန်း တည်ဆောက်မှုအား တွန်းအားပေးခြင်း” ဟူသော ခေါင်းစဉ်ဖြင့် ကျင်းပခြင်းဖြစ်ရာ တရုတ်နိုင်ငံ ပေကျင်းမြို့၌ ဆွေးနွေးမှုများလုပ်ဆောင်မည့်အပြင် ရှင်းကျန်းဒေသသို့လည်း သွားရောက် လေ့လာမည်ဖြစ်ကြောင်း သိရသည်။ (Xinhua)

——————-
(Chinese Version)
中国-上合组织议员研讨班开班式在京举行
新华社北京7月15日电(记者刘杨)中国-上海合作组织议员研讨班开班式15日在京举行。全国人大常委会副委员长彭清华出席并致辞。
彭清华表示,去年7月阿斯塔纳峰会上,习近平主席同各成员国领导人达成重要共识,为上合组织下步发展指明了方向。中国作为上合组织轮值主席国,希望同各方一道,把“五个共同家园”的美好愿景转化为现实图景。我们要加强立法机构交流,不断深化务实合作,汇聚完善全球治理的“上合力量”,共同推动上合组织朝着更高水平不断发展。
研讨班以“加强立法机构交流合作,推动构建上海合作组织命运共同体”为主题,除在北京研讨外,还将赴新疆考察。(完)