ယူကရိန်းအရေးတွင် တရုတ်နိုင်ငံအပေါ် အမေရိကန်ကိုယ်စားလှယ်၏ ပြစ်တင်ပြောဆိုမှုများကို တရုတ်ဘက်က ချေပပြောဆို

ကုလသမဂ္ဂ၊ ဩဂုတ် ၁ ရက် (ဆင်ဟွာ)
ယူကရိန်းထံ လက်နက်ပံ့ပိုးမှုပြဿနာနှင့်စပ်လျဉ်း၍ ဇူလိုင် ၃၁ ရက် လုံခြုံရေးကောင်စီ၌ စိစစ်ဆွေးနွေးရာတွင် ကုလသမဂ္ဂဆိုင်ရာ တရုတ်နိုင်ငံ ဒုတိယ အမြဲတမ်းကိုယ်စားလှယ် ကိန်းစွမ်က တရုတ်နိုင်ငံအပေါ် အမေရိကန်ကိုယ်စားလှယ်၏ ပြစ်တင်ပြောဆိုမှုများကို ချေပပြောဆိုခဲ့သည်။

ထိုသို့ပြောဆိုရာတွင် ကိန်းစွမ်က အမေရိကန်ကိုယ်စားလှယ်၏ ပြောကြားမှုတွင် မမှန်ကန်သော အချက်အလက်များကို ထပ်မံဖြန့်ချိပြီး တရုတ်နိုင်ငံအပေါ် စွပ်စွဲပုတ်ခတ်ပြောဆိုခဲ့ရာ ယင်းမှာ လုံးဝလက်မခံနိုင်ကြောင်း၊ တရုတ်နိုင်ငံသည် ယူကရိန်းအကျပ်အတည်း၏ ဖန်တီးသူမဟုတ်သလို အချင်းဖြစ်ပွားသူလည်း မဟုတ်ကြောင်း၊ တရုတ်နိုင်ငံသည် ပဋိပက္ခဖြစ်ပွားနေသော မည်သည့် ဖက်ကိုမျှ အသက်အန္တရာယ်ဖြစ်စေနိုင်သော လက်နက်များ ထောက်ပံ့ခဲ့ခြင်းမရှိကြောင်း၊ တရုတ်နိုင်ငံသည် ဒရုန်းအပါအဝင် စစ်ဘက်၊ အရပ်ဘက် နှစ်မျိုးသုံးပစ္စည်းများ တင်ပို့မှုကို အစဉ်တစိုက် တင်းကျပ်စွာ ထိန်းချုပ်ထားကြောင်း၊ လုံခြုံရေးကောင်စီသည် ပဋိပက္ခဖြစ်ပွားနေသူများအပေါ် ပိတ်ဆို့အရေးယူမှုများ ချမှတ်ခဲ့ခြင်းမရှိကြောင်း၊ တရုတ်နိုင်ငံသည် ရုရှား၊ ယူကရိန်းတို့နှင့် ပုံမှန်ကုန်သွယ်မှုလုပ်ဆောင်ခြင်းများကို ထိန်းသိမ်းထားပြီး နိုင်ငံတကာဥပဒေ၊ နိုင်ငံတကာ တာဝန်ဝတ္တရားများကို ချိုးဖောက်ခြင်းမရှိကြောင်း၊ တရုတ်နိုင်ငံ၏ တရားဝင်အခွင့်အရေးနှင့် အကျိုးစီးပွားများအား ထိပါးခြင်းကို ခွင့်ပြုမည်မဟုတ်ကြောင်း၊ အမှန်တကယ်အားဖြင့် ယနေ့အချိန်အထိ အမေရိကန်နိုင်ငံသည် ရုရှားနှင့် ကုန်သွယ်မှုကို ထိန်းသိမ်းထားဆဲဖြစ်ပြီး အမေရိကန် ကိုယ်တိုင်က လုပ်ဆောင်နေသော ကိစ္စကို အဘယ်ကြောင့် တခြားနိုင်ငံအား လုပ်ဆောင်ခွင့်မပြုရကြောင်း ပြောကြားခဲ့သည်။

လက်ရှိတွင် ယူကရိန်းအကျပ်အတည်းသည် အဓိကကျသော အချိန်ကာလတွင် ရှိနေဆဲဖြစ်ပြီး နိုင်ငံရေးအရ ဖြေရှင်းခြင်း အလားအလာ၊ မျှော်လင့်ချက်နှင့် ရင်ဆိုင်နေရကြောင်း၊ အမေရိကန်အနေဖြင့် တစ်ဖက်တွင် တရုတ်နိုင်ငံက ပဋိပက္ခဆောလျင်စွာ အဆုံးသတ်ရေးအခန်းကဏ္ဍ၌ ပါဝင်ဆောင်ရွက်ပေးရန် မျှော်လင့်ပြီး တစ်ဖက်တွင်မူ တရုတ်နိုင်ငံအပေါ် အဆက်မပြတ် စွပ်စွဲပုတ်ခတ်ခြင်း၊ ဖိအားပေးခြင်းပြုလုပ်ခြင်း မရကြောင်း၊ အမေရိကန်အနေဖြင့် ဤကဲ့သို့ ပျင်းစရာကောင်းသော ပြစ်တင်ပြောဆိုသည့်ဂိမ်းကစားခြင်းကို ရပ်တန့်ရန်၊ “ခေါင်းရှောင်” တာဝန်မယူမှုကို ရပ်တန့်ရန်၊ အပစ်ရပ်စစ်ပွဲရပ်ရေး၊ ငြိမ်းချမ်းမှုဆွေးနွေးရေးအတွက် အပြုသဘောဆောင်သော အခန်းကဏ္ဍမှ ပိုမိုပါဝင်ဆောင်ရွက်ရန် တရုတ်နိုင်ငံက ထပ်မံတိုက်တွန်းကြောင်း၊ ယူကရိန်းအကျပ်အတည်း ဖြေရှင်းရန် လိုအပ်သည်မှာ စည်းလုံးညီညွတ်စွာ ညှိနှိုင်းဆောင်ရွက်ခြင်းဖြစ်ပြီး ခွဲထွက်၍ထိပ်တိုက်ရင်ဆိုင်မှု ပြုလုပ်ခြင်းမဟုတ်ကြောင်း ကိန်းစွမ်က ပြောကြားခဲ့သည်။

ယူကရိန်းထံ လက်နက်ပံ့ပိုးသော ကိစ္စရပ်နှင့် စပ်လျဉ်း၍ ကိန်းစွမ်က လတ်တလောတွင် ရုရှား-ယူကရိန်း နှစ်ဖက်သည် တိုက်ရိုက်စေ့စပ်ညှိနှိုင်းမှုများ အကြိမ်ပေါင်းများစွာ ကျင်းပခဲ့ပြီး စစ်သုံ့ပန်းလဲလှယ်ခြင်းစသည့် လူသားချင်းစာနာမှုကိစ္စရပ်များတွင် သဘောတူညီများရရှိခဲ့ပြီး အပြုသဘောဆောင်သော တိုးတက်မှုများရရှိခဲ့ကြောင်း၊ တစ်ချိန်တည်းမှာပင် အကျပ်အတည်းသည် ဆက်လက်ဖြစ်ပွားလျက်ရှိပြီး ပဋိပက္ခသည် ရပ်တန့်မည့် အရိပ်အယောင်မရှိဘဲ များစွာလှသော လက်နက်ခဲယမ်းမီးကျောက်တို့သည် စစ်မြေပြင်သို့ စဉ်ဆက်မပြတ်ဝင်ရောက်နေမှုကြောင့် လူများ ထိခိုက်သေဆုံးမှု၊ အခြေခံအဆောက်အအုံ ပျက်စီးမှုများ အသစ်ဖြစ်ပွားခဲ့ရကြောင်း ပြောကြားခဲ့သည်။

စိုးရိမ်ဖွယ်ကောင်းသည်မှာ စစ်မြေပြင်သို့ ဝင်ရောက်လာသော လက်နက်အမျိုးအစားနှင့် အတိုင်းအတာမှာ အဆက်မပြတ်ကြီးမားလာပြီး လက်နက်များ၏ အသက်အန္တရာယ်ဖြစ်နိုင်စွမ်း၊ သတ်ဖြတ်နိုင်စွမ်းမှာလည်း အဆက်မပြတ် အားကောင်းလာခဲ့ကြောင်း၊ နောက်ဆက်တွဲ စဉ်းစားချင့်ချိန်ခြင်းမရှိဘဲ စစ်မြေပြင်သို့ လက်နက်များ ပို့ဆောင်ခြင်းသည် ပဋိပက္ခကို ပိုမိုဆိုးရွားခြင်း၊ စစ်မက်မီးလျှံများကို ပိုမိုရှည်ကြာခြင်းသာ ဖြစ်ပေါ်စေပြီး ပျံ့နှံ့ကူးစက်နိုင်သည့် အန္တရာယ်ကိုသာ ဆောင်ကြဉ်းပေးမည်ဖြစ်ရာ ပဋိပက္ခဖြစ်ပွားနေသော နှစ်ဖက်အပြင် ပိုမိုကြီးမားကျယ်ပြန့်သော ဒေသမှ ပြည်သူများအား ပိုမိုများပြားသော သေဆုံးဒဏ်ရာရမှုနှင့် ဆင်းရဲဒုက္ခများ ဖြစ်စေမည်ဖြစ်ကြောင်း၊ လက်ရှိ ဦးစားပေးလုပ်ဆောင်ရမည်မှာ ပဋိပက္ခဖြစ်ပွားနေသော နှစ်ဖက်သည် စစ်မြေပြင်အခြေအနေ ဆောလျင်စွာ ပြေငြိမ်းရေးကို အတူတကွ ကြိုးပမ်း တွန်းအားပေးရမည်ဖြစ်ပြီး နှစ်ဖက်သည် ငြိမ်းချမ်းရေးဆွေးနွေးမှု အရှိန်ကို ထိန်းသိမ်းထားကာ သဘောတူညီမှုများကို စဉ်ဆက်မပြတ် စုပေါင်း၍ နောက်ဆုံးတွင် ဘက်စုံ ရေရှည်တည်တံ့ခိုင်မြဲသည့် ကန့်သတ်ထိန်းချုပ်နိုင်စွမ်းရှိသော ငြိမ်းချမ်းရေးသဘောတူညီချက်တစ်ရပ်ကို ရရှိရန် လုပ်ဆောင်ရမည်ဖြစ်ကြောင်း ပြောကြားခဲ့သည်။

ရုရှား-ယူကရိန်း ပဋိပက္ခဖြစ်ပွားသော ပထမနေ့တွင်ပင် တရုတ်နိုင်ငံသည် ငြိမ်းချမ်းရေးနည်းလမ်းဖြင့် အငြင်းပွားမှုများကို ဖြေရှင်းရန် တက်ကြွစွာ အဆိုပြုခဲ့ပြီး ပဋိပက္ခဖြစ်ပွားသူများအား အပစ်ရပ်စစ်ပွဲရပ်ရန်၊ စေ့စပ်ညှိနှိုင်းမှုစတင်ရန်၊ ငြိမ်းချမ်းမှု ပြန်လည်ရရှိစေရန် တိုက်တွန်းခဲ့ကြောင်း၊ တရုတ်နိုင်ငံသည် နိုင်ငံတကာအသိုင်းအဝိုင်းနှင့်အတူ အကျပ်အတည်းကို ဆောလျင်စွာ နိုင်ငံရေးအရ ဖြေရှင်းရန် မြှင့်တင်ရေးအတွက် အပြုသဘောဆောင်သော အခန်းကဏ္ဍမှ ဆက်လက် ပါဝင်ဆောင်ရွက်မည်ဖြစ်ကြောင်း ကိန်းစွမ်က ပြောကြားခဲ့သည်။ (Xinhua)
………………………
(Chinese Version)
中方驳斥美国代表在乌克兰问题上对中国的指责
新华社联合国7月31日电 中国常驻联合国副代表耿爽7月31日在安理会审议向乌克兰提供武器问题时发言，驳斥美国代表对中国的指责。
耿爽说，美国代表在发言中再次散布不实之辞，对中方进行污蔑抹黑，这完全不可接受。中国不是乌克兰危机的制造者，也不是当事方。中国从未向冲突任何一方提供致命性武器。中方始终严格管控包括无人机在内的军民两用物项出口。安理会并未对冲突当事方实施制裁。中国同俄罗斯、乌克兰保持正常贸易往来，没有违反国际法，没有违背国际义务。中方正当的合法权益不容侵犯。事实上，直到今天，美国仍保持着同俄罗斯的贸易往来，美国自己在做的事情，为什么却不让他国去做？
耿爽说，当前乌克兰危机正处于关键时期，面临着政治解决的前景和希望。美国不能一方面希望中国为早日结束冲突发挥作用，另一方面却不停地对中国污蔑施压。中方再次敦促美方停止无聊的指责游戏、停止“甩锅”推责，多为停火止战、劝和促谈发挥些积极作用。解决乌克兰危机需要的是团结协作，不是分裂对抗。
在向乌克兰提供武器问题上，耿爽说，近期俄乌双方举行多轮直接谈判，就交换战俘等人道问题达成不少共识、取得积极进展。与此同时，危机还在延宕，冲突没有停息迹象，大量武器弹药仍在持续流入战场，造成新的人员伤亡和基础设施损毁。令人担忧的是，流入战场武器的品种和范围不断扩大，致命性和杀伤性不断加强。不计后果地向战场输送武器，只会加剧冲突、延长战火，带来扩散风险，给冲突双方乃至更广大地区的人民带来更多伤亡和苦难。当务之急是冲突双方共同努力推动战场局势早日降温，双方保持和谈势头，持续积累共识，最终达成一份全面、持久、有约束力的和平协议。
耿爽说，自俄乌冲突爆发的第一天起，中方就积极倡导以和平手段解决争端，呼吁冲突当事方尽快停火止战、开启谈判、恢复和平。中方将继续同国际社会一道，为推动危机的早日政治解决发挥建设性作用。（完）