အမေရိကန်-တောင်ကိုရီးယား ကုန်သွယ်ရေး သဘောတူညီချက်က တောင်ကိုရီးယား ပြည်တွင်း၌ သံသယဝင်မှုများဖြစ်စေ

ဆိုးလ်၊ ဩဂုတ် ၂ ရက် (ဆင်ဟွာ)

အမေရိကန်နှင့် တောင်ကိုရီးယားတို့သည် မကြာသေးမီက ကုန်သွယ်ရေး သဘောတူညီချက် ရရှိခဲ့သော်လည်း အဆိုပါလုပ်ရပ်သည် တောင်ကိုရီးယားပြည်တွင်း၌ သံသယဝင်မှုနှင့် ကန့်ကွက်သံများ ထွက်ပေါ်လာစေခဲ့သည်။

တောင်ကိုရီးယားနိုင်ငံ၏ အကြီးဆုံး အတိုက်အခံပါတီ ပြည်သူ့အင်အားပါတီက အမေရိကန်နှင့် စည်းကြပ်ခွန် သဘောတူညီချက် အလျင်စလိုရရှိခြင်းကြောင့် တောင်ကိုရီးယားက အမေရိကန်အပေါ် ပမာဏကြီးမားစွာ ရင်းနှီးမြှုပ်နှံမှုကဏ္ဍတွင် များစွာ အလျှော့ပေးခဲ့ရသည်ဟု ယူဆသည်။

တောင်ကိုရီးယားနိုင်ငံ ကုန်သွယ်ရေး၊ စက်မှုနှင့် စွမ်းအင်ဝန်ကြီးဌာနဝက်ဘ်ဆိုက်တွင် ဇူလိုင် ၃၁ ရက်က ထုတ်ပြန်သည့် သတင်းအရ တောင်ကိုရီးယား-အမေရိကန် နှစ်ဖက်သည် မူဘောင်ဆိုင်ရာ သဘောတူညီချက်များ ရရှိထားပြီးဖြစ်သော်လည်း အချို့သော အသေးစိတ် အကြောင်းအရာများကို တစ်ဆင့်တိုး ဆွေးနွေးညှိနှိုင်းရန် လိုအပ်ဆဲဖြစ်ကြောင်း ကုန်သွယ်ရေး၊ စက်မှုနှင့် စွမ်းအင်ဝန်ကြီး Kim Jung-kwan က ပြောကြားခဲ့သည်ဟု သိရသည်။ တောင်ကိုရီးယားအစိုးရသည် အမျိုးသားအကျိုးစီးပွားကို အလေးထားကာ တောင်ကိုရီးယား လုပ်ငန်းကုမ္ပဏီများ ယှဉ်ပြိုင်နိုင်မှုစွမ်းရည် မြှင့်တင်မှုကို အပြုသဘောဆောင်စွာ ဆက်လက် ပံ့ပိုးပေးသွားမည်ဖြစ်ကြောင်း ၎င်းက ပြောကြားခဲ့သည်။

အမေရိကန်သမ္မတ ထရမ့်၏ ပြောဆိုချက်အရ အမေရိကန်သို့တင်သွင်းသော တောင်ကိုရီးယား ထုတ်ကုန်များအပေါ် စည်းကြပ်ခွန်နှုန်းထား ၁၅ ရာခိုင်နှုန်း အသုံးပြုရန် သင့်လျော်ပြီး တောင်ကိုရီးယားရှိ အမေရိကန်ကုန်ပစ္စည်းများကမူ စည်းကြပ်ခွန် ကောက်ခံခြင်း ခံရမည် မဟုတ်ပေ။

တောင်ကိုရီးယားက အမေရိကန်တွင် ကန်ဒေါ်လာ ၃၅၀ ဘီလီယံ ရင်းနှီးမြှုပ်နှံသွားမည်ဖြစ်ပြီး တစ်ချိန်တည်းတွင် အမေရိကန်ထံမှ ကန်ဒေါ်လာ ၁၀၀ ဘီလီယံ တန်ဖိုးရှိသည့် သဘာဝဓာတ်ငွေ့ရည် (LNG) သို့မဟုတ် အခြားစွမ်းအင်ထုတ်ကုန်များကို ဝယ်ယူသွားမည်ဖြစ်သည်။ တောင်ကိုရီးယားက အမေရိကန်အပေါ် ကုန်သွယ်ရေး ဘက်စုံတံခါးဖွင့်၍ အမေရိကန်၏ မော်တော်ယာဉ်နှင့် စိုက်ပျိုးရေးထုတ်ကုန် စသည်တို့ကိုလည်း လက်ခံသွားမည်ဖြစ်သည်။

ထရမ့်ကအဆိုပြုသည့် တောင်ကိုရီးယားအနေဖြင့် အမေရိကန်အပေါ် စိုက်ပျိုးရေးထုတ်ကုန်ဈေးကွက် တံခါးဖွင့်သွားမည်နှင့်စပ်လျဉ်း၍ တောင်ကိုရီးယားနိုင်ငံ သမ္မတရုံး မူဝါဒရေးရာဌာန ညွှန်ကြားရေးမှူး Kim Yong Beom က ဇူလိုင် ၃၁ ရက်တွင် ကျင်းပသည့် သတင်းစာရှင်းလင်းပွဲ၌ တောင်ကိုရီးယားဘက်မှ စိုက်ပျိုးရေး၊ မွေးမြူရေးထုတ်ကုန်ဈေးကွက် တံခါးဖွင့်ပေးရန် အမေရိကန်ဘက်က အမှန်တကယ် ပြင်းထန်စွာ တောင်းဆိုခဲ့ကြောင်း၊ သို့သော် စားနပ်ရိက္ခာဖူလုံမှု၏ အရေးကြီးမှုနှင့် စိုက်ပျိုးရေးလုပ်ငန်း၏ အကဲဆတ်မှုအား ထည့်သွင်းစဉ်းစားမိသောကြောင့် တောင်ကိုရီးယားဘက်က ဆန်နှင့် အမဲသားဈေးကွက် တစ်ဆင့်တိုး တံခါးဖွင့်မှု မပြုခြင်းနှင့်စပ်လျဉ်း၍ နှစ်ဖက်က သဘောတူညီမှုရရှိခဲ့သည်ဟု ထောက်ပြပြောကြားခဲ့သည်။

တောင်ကိုရီးယားဘက်က အဆိုပါသဘောတူညီချက်တွင် အလျှော့ပေးမှုများစွာ လုပ်ဆောင်ခဲ့ခြင်းကြောင့် များပြားသည့် နစ်နာဆုံးရှုံးမှုခံရမည်ဟု တောင်ကိုရီးယား ပြည်တွင်းလူထုအမြင်က ယူဆသည်။
ယခုအကြိမ် တောင်ကိုရီးယား-အမေရိကန် သဘောတူညီချက် ရရှိပြီးနောက် အမေရိကန်၏ တောင်ကိုရီးယားအပေါ် စည်းကြပ်ခွန်အဆင့်သည် ဂျပန်၊ ဥရောပသမဂ္ဂတို့နှင့် တန်းတူဖြစ်နေသော်လည်း အမေရိကန်နှင့် လွတ်လပ်စွာကုန်သွယ်ရေး သဘောတူညီချက် ချုပ်ဆိုထားသည့် တောင်ကိုရီးယားအတွက်ကမူ အဆိုပါကုန်သွယ်ရေးသဘောတူညီချက်ကြောင့် တောင်ကိုရီးယားတွင် နစ်နာဆုံးရှုံးမှုဖြစ်နေဆဲဖြစ်သည်ဟု ကျွမ်းကျင်ပညာရှင်၏ အကဲဖြတ်ပြောကြားမှုကို ကိုးကား၍ “The Hankyoreh” က ထောက်ပြခဲ့သည်။
တောင်ကိုရီးယားနှင့် အမေရိကန် လွတ်လပ်စွာကုန်သွယ်ရေး သဘောတူညီချက် ရှုထောင့်မှ ကြည့်ပါက တောင်ကိုရီးယားသည် ပိုမိုနည်းပါးသော စည်းကြပ်ခွန် ခံစားရသင့်ကြောင်း တောင်ကိုရီးယားနိုင်ငံ Daegu တက္ကသိုလ် စီးပွားရေးနှင့်ဘဏ္ဍာရေးဌာန ပါမောက္ခ Kim Yang-hee က ထောက်ပြပြောကြားခဲ့သည်။ (Xinhua)

အမေရိကန် မြို့တော်ဝါရှင်တန်ရှိ အိမ်ဖြူတော်တွင် အမေရိကန်နိုင်ငံ သမ္မတ ထရမ့်အား ၂၀၂၅ ခုနှစ် ဇူလိုင် ၃၀ ရက်က တွေ့ရစဉ် (ဆင်ဟွာ)

——————-
(Chinese Version)
美韩贸易协议引发韩国国内质疑
新华社首尔8月1日电（记者陈怡　孙一然）美国与韩国日前达成贸易协议，但此举在韩国国内引发质疑和反对声。韩国最大在野党国民力量党认为，急于与美国达成关税协议让韩国在对美大规模投资方面做出许多让步。
根据韩国产业通商资源部官网7月31日发布的消息，产业通商资源部长官金正官表示，虽然韩美双方已就大框架达成协议，但部分细节仍需进一步协商。他说，韩国政府将继续以国家利益为重，积极支持韩国企业提升竞争力。
根据美国总统特朗普的说法，韩国输美产品将适用15%关税税率，美国产品在韩国则不会被征收关税。韩国将向美国投资3500亿美元，同时还将从美国采购价值1000亿美元的液化天然气或其他能源产品。韩国将对美国全面开放贸易并接受美国汽车和农产品等。
针对特朗普提及的韩国将向美国开放农产品市场，韩国总统办公室政策室长金容范在7月31日召开的记者会上指出，美方确实强烈要求韩方开放农畜产品市场，但考虑到粮食安全的重要性和农业敏感性，双方就韩方不再进一步开放大米和牛肉市场达成一致。
韩国国内舆论认为，韩方在这一协议作出过多让步，将蒙受不小损失。《韩民族日报》援引专家分析指出，此次韩美达成协议后，虽然美国对韩关税水平与日本、欧盟相当，但对于与美国签订自由贸易协定的韩国来说，这一贸易协议仍令韩国受损。韩国大邱大学经济金融系教授金良姬指出，从韩美自贸协定角度来看，韩国本应享受更低的关税水平。（完）
1、6月4日，在韩国首尔，李在明在韩国国会发表就职讲话。新华社发
2、这是7月30日在美国首都华盛顿白宫拍摄的美国总统特朗普。新华社记者 胡友松 摄