ကမ္ဘာလုံးဆိုင်ရာ မရေရာမှုများ ရှိနေသော်လည်း တရုတ်နိုင်ငံ၏ စီးပွားရေးက ခိုင်မာအားကောင်းသော ကြံ့ကြံ့ခံနိုင်စွမ်းကို ပြသနေဟု ဗြိတိန်ကျွမ်းကျင်ပညာရှင် ပြော

လန်ဒန်၊ ဩဂုတ် ၄ ရက် (ဆင်ဟွာ)

စည်းကြပ်ခွန်ဆိုင်ရာ အငြင်းပွားမှုများ၊ ပထဝီနိုင်ငံရေး တင်းမာမှုနှင့် ထောက်ပံ့ကွင်းဆက် ပြတ်တောက်မှုများကြောင့် ဖြစ်ပေါ်လာသည့် ကမ္ဘာလုံးဆိုင်ရာ မရေရာမှုများအကြား တရုတ်နိုင်ငံ၏ စီးပွားရေးမှာ မည်မျှကြံ့ကြံ့ခံနိုင်စွမ်း ရှိသည်ကို သက်သေပြခဲ့ကြောင်း ဗြိတိန်ကုန်သည်ကြီးများအသင်း၏ နိုင်ငံတကာ ကုန်သွယ်မှုဆိုင်ရာ ဒါရိုက်တာဖြစ်သူ စတီဗင် လင့်ချ်က ပြောကြားခဲ့သည်။
တရုတ်နိုင်ငံ၏ စီးပွားရေးမှာ ၂၀၂၅ ခုနှစ် ပထမနှစ်ဝက်၌ ယမန်နှစ်ကာလတူထက် ၅.၃ ရာခိုင်နှုန်း တိုးတက်ခဲ့ကာ စက်မှုကုန်ထုတ်လုပ်မှု ပမာဏမှာလည်း ယမန်နှစ်ကာလတူနှင့် နှိုင်းယှဉ်ပါက ၆.၄ ရာခိုင်နှုန်း တိုးတက်ခဲ့ပြီး စက်ပစ္စည်းကိရိယာ အမြောက်အမြားထုတ်လုပ်မှုနှင့် နည်းပညာမြင့် ကုန်ထုတ်လုပ်မှု ကဏ္ဍတို့မှာလည်း လျင်လျင်မြန်မြန် တိုးတက်လာခဲ့ကြောင်း သိရသည်။
အဆိုပါ ကိန်းဂဏန်းများမှာ အလွန်အထင်ကြီးစရာကောင်းသည်ဟု လင့်ချ်က ပြောကြားခဲ့ကာ ထိုကိန်းဂဏန်းများက အရှိန်အဟုန်ကောင်းမွန်နေဆဲဖြစ်ပြီး မဟာဗျူဟာမြောက် မောင်းနှင်တွန်းအားပေးနေသည့် စီးပွားရေးစနစ်ကို ညွှန်ပြနေသည်ဟု ၎င်းက အလေးအနက်ပြောကြားခဲ့သည်။
“အလွန်ထူးခြားပြီး အများအားဖြင့် အနောက်နိုင်ငံတွေက ထည့်သွင်းပြောဆိုလေ့မရှိတဲ့ အရာကတော့ တရုတ်နိုင်ငံအနေနဲ့ ပြင်ပက ရိုက်ခတ်မှုတွေနဲ့ ရင်ဆိုင်နေရချိန်မှာ ဘယ်လောက်အထိ ကြံ့ကြံ့ခံနိုင်စွမ်းရှိတယ် ဆိုတာပါပဲ” ဟု ၎င်းက ဆင်ဟွာသတင်းဌာနသို့ မကြာမီက ပြောကြားခဲ့သည်။
“အမေရိကန်ရဲ့ အခွန်စည်းကြပ်မှုတွေရဲ့ နောက်ဆက်တွဲအကျိုးဆက်နဲ့ ကမ္ဘာလုံးဆိုင်ရာ ထောက်ပံ့ကွင်းဆက် ပြတ်တောက်မှုကြောင့်ပဲဖြစ်ဖြစ် ပထဝီနိုင်ငံရေး တင်းမာမှု မြင့်တက်နေတာကြောင့်ပဲဖြစ်ဖြစ် တရုတ်နိုင်ငံဟာ ဖိအားတွေကို ကြံ့ကြံ့ခံပြီး လိုက်လျောညီထွေ ချိန်ညှိပြင်ဆင်ရာမှာ အံ့မခန်းလောက်အောင် စွမ်းဆောင်နိုင်တယ်ဆိုတာကို ပြသခဲ့ပြီးပါပြီ” ဟု လင့်ချ်က ပြောကြားခဲ့ပြီး တရုတ်နိုင်ငံအနေဖြင့် ကမ္ဘာလုံးဆိုင်ရာ မရေရာမှုများကိုလည်း ကြံ့ကြံ့ခံနိုင်စွမ်းရှိကြောင်း အစဉ်တစိုက် ပြသခဲ့ပြီးဖြစ်သည်ဟု ထပ်လောင်းပြောကြားခဲ့သည်။
ယခုနှစ် ပထမနှစ်ဝက်၌ တရုတ်နိုင်ငံက အစိမ်းရောင် စက်မှုလုပ်ငန်း ဖွံ့ဖြိုးတိုးတက်မှုအတွက် တွန်းအားပေး လုပ်ဆောင်မှုကို အရှိန်မြှင့်တင်ခဲ့ရာ သဘာဝပတ်ဝန်းကျင် ထိခိုက်မှုမရှိသော ထုတ်ကုန်ထုတ်လုပ်မှုများ ခိုင်ခိုင်မာမာ တိုးတက်ခဲ့သလို စွမ်းအင်သစ်အသုံးပြု မော်တော်ယာဉ် ထုတ်လုပ်မှုတစ်ခုတည်း၌ပင် ယမန်နှစ် ကာလတူထက် ၄၁.၄ ရာခိုင်နှုန်းအထိ တစ်ဟုန်ထိုးမြင့်တက်လာခဲ့သည်။
တရုတ်နိုင်ငံအနေဖြင့် လျှပ်စစ်မော်တော်ယာဉ်ကဲ့သို့သော ကဏ္ဍများ၌ ကမ္ဘာ့နေရာ အတော်များများတွင် ဦးဆောင်လျက်ရှိပြီး ဉာဏ်ရည်တုနည်းပညာနှင့် အစိမ်းရောင် အခြေခံအဆောက်အအုံ စသည့် နယ်ပယ်များတွင်လည်း တွန်းအားပေးလုပ်ဆောင်လျက်ရှိသည်ဟု လင့်ချ်က အလေးအနက်ပြောဆိုခဲ့သည်။
ပထဝီနိုင်ငံရေးအရ ကွဲလွဲမှုများ အရှိန်မြင့်တက်နေစဉ် နိုင်ငံအချို့က ယင်းတို့၏ ပြည်တွင်းအကျိုးစီးပွားကို ပိုမိုအလေးထားလာပြီး အကာအကွယ်တံတိုင်းများ တည်ဆောက်လာကြသော်လည်း တရုတ်နိုင်ငံကမူ တံခါးဖွင့်လှစ်မှုကို ဆက်လက်ချဲ့ထွင်ကာ အခြားနိုင်ငံများနှင့် ပူးပေါင်းဆောင်ရွက်လျက်ရှိသည်။
ဗြိတိန်စီးပွားရေးလုပ်ငန်းများအနေဖြင့် တရုတ်နိုင်ငံအပေါ် စဉ်းစားရှုမြင်ပုံ ပြောင်းလဲရန် လိုအပ်နေပြီဖြစ်ကာ အပြန်အလှန် ကုန်သွယ်ဖက် အနေနှင့်သာမက များစွာပိုမိုကျယ်ပြန့်သည့် ကုန်သွယ်ရေး၊ အရင်းအနှီးနှင့် အကျိုးသက်ရောက်မှုတို့ကို ပေါင်းဆုံရာ ကွန်ရက်တစ်ခုအနေနှင့်လည်း ရှုမြင်ထားသင့်သည်ဟု လင့်ချ်က ယူဆလျက်ရှိသည်။
ထို့အတူ လွတ်လပ်စွာ ကုန်သွယ်ရေးဇုန်အသစ်များ ထူထောင်ခြင်း၊ နယ်စပ်ဖြတ်ကျော် အချက်အလက် စီးဆင်းမှု လွယ်ကူချောမွေ့စေခြင်း၊ နိုင်ငံခြား ရင်းနှီးမြှုပ်နှံမှုကို တစ်ဆင့်တိုး၍ အားပေးမြှင့်တင်ခြင်း စသော တရုတ်နိုင်ငံ၏ တံခါးဖွင့်လှစ်မှု အစီအမံများက ငွေရေးကြေးရေး၊ ဒစ်ဂျစ်တယ်စီးပွားရေးနှင့် အစိမ်းရောင် ဖွံ့ဖြိုးတိုးတက်မှု နယ်ပယ်များတွင် ပြည်ပစီးပွားရေးလုပ်ငန်းများအတွက် အခွင့်အလမ်းများကို ဖြည့်ဆည်းပေးလျက်ရှိသည်ဟုလည်း ၎င်းက အလေးအနက်ပြောကြားခဲ့သည်။ (Xinhua)

သတင်းအပြည့်အစုံကို ဖော်ပြပါလင့်ခ်မှတစ်ဆင့် ဝင်ရောက်ဖတ်ရှုနိုင်ပါသည်။ xhtxs.cn/5E4
………………..
(English Version)
China’s economy demonstrates strong resilience amid global uncertainties, says British expert
LONDON, Aug. 2 (Xinhua) — China’s economy has proven how resilient it is amid global uncertainties triggered by tariff disputes, geopolitical tension and supply chain disruptions, said Steven Lynch, director of international trade at the British Chambers of Commerce.
China’s economy grew 5.3 percent year-on-year in the first half of 2025. Its industrial output increased by 6.4 percent compared to the same period last year, with equipment manufacturing and high-tech manufacturing sectors posting rapid growth.
Lynch described these figures as “undeniably impressive,” noting they all point to an economy that remains dynamic and strategically driven.
“What’s striking, and often missed in Western commentary, is just how resilient China has proven to be in the face of external shocks,” he told Xinhua recently.
“Whether it’s the fallout from U.S. tariffs, global supply chain disruptions, or rising geopolitical tension, China has shown a remarkable ability to absorb pressure and adapt,” Lynch said, adding that the country has consistently demonstrated an ability to withstand global turbulence.
In the first half of this year, China accelerated its push for green industrial development, with the output of eco-friendly products posting robust growth while new energy vehicle production alone jumped 41.4 percent year-on-year.
China is leading huge parts of the world in sectors such as electric vehicles, and is doubling down on areas including artificial intelligence and green infrastructure, Lynch noted.
Faced with increasing geopolitical fragmentation, some economies turned inward and built walls. China continued to expand opening-up and cooperate with other countries.
Lynch believed that British businesses need to reshape how they think about China, “not just as a bilateral trading partner, but as a node in a much broader web of trade, capital and influence.”
He also noted that China’s opening-up moves, such as establishing new free trade zones, facilitating cross-border data flow and further encouraging foreign investment, provide foreign businesses with opportunities in the fields of finance, digital economy and green development.
English Caption
A drone photo taken on June 16, 2025 shows a view of the container terminal of Tangshan Port in Tangshan, north China’s Hebei Province. (Photo by Liu Mancang/Xinhua)