လန်ချန်း-မဲခေါင် ပူးပေါင်းဆောင်ရွက်မှု အထူးရန်ပုံငွေ (၂၀၂၅) စီမံကိန်း ပူးပေါင်းဆောင်ရွက်ဆိုင်ရာ သဘောတူညီချက် တရုတ်-မြန်မာ နှစ်နိုင်ငံ လက်မှတ်ရေးထိုး

ရန်ကုန်၊ ဩဂုတ် ၆ ရက် (ဆင်ဟွာ)

လန်ချန်း-မဲခေါင် ပူးပေါင်းဆောင်ရွက်မှု အထူးရန်ပုံငွေ (၂၀၂၅) စီမံကိန်း ပူးပေါင်းဆောင်ရွက်ဆိုင်ရာ သဘောတူညီချက် လက်မှတ်ရေးထိုးပွဲအခမ်းအနားကို ဩဂုတ် ၅ ရက်က မြန်မာနိုင်ငံ မြို့တော်နေပြည်တော်၌ ကျင်းပခဲ့သည်။ အဆိုပါအခမ်းအနားတွင် မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး မာကျားနှင့် မြန်မာနိုင်ငံ နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော်တို့ သဘောတူလက်မှတ်ရေးထိုးခဲ့ကြသည်။

လက်မှတ်ရေးထိုးပွဲ အခမ်းအနားတွင် တရုတ်နိုင်ငံ သံအမတ်ကြီး မာကျားက ယခုအကြိမ် လက်မှတ်ရေးထိုးသည့် စီမံကိန်း ၁၄ ခုသည် မြန်မာနိုင်ငံ စိုက်ပျိုးရေး၊ သဘာဝပတ်ဝန်းကျင် ထိန်းသိမ်းရေး၊ သိပ္ပံနှင့် နည်းပညာ၊ ယဉ်ကျေးမှု၊ ပညာရေးနှင့် သဘာဝဘေးအန္တရာယ် ကာကွယ်ရေး စသည့် ကဏ္ဍများ တိုးတက်မှုအတွက် ဆက်လက်၍ အထောက်အပံ့ပြုသွားမည်ဖြစ်ကြောင်း၊ တရုတ်နိုင်ငံအနေဖြင့် မြန်မာနိုင်ငံနှင့်အတူ ပူးပေါင်းဆောင်ရွက်မှုများ မြှင့်တင်ကာ ရန်ပုံငွေကို ကောင်းမွန်စွာ အသုံးပြု၍ တရုတ်-မြန်မာ အေးအတူ ပူအမျှ အသိုက်အဝန်း တည်ဆောက်ရေးကို တွန်းအားပေး၍ နှစ်နိုင်ငံပြည်သူများအတွက် ပိုမိုများပြားသော အကျိုးကျေးဇူးများ သယ်ဆောင်လာပေးရန် ဆန္ဒရှိပါကြောင်း ပြောကြားခဲ့သည်။

မြန်မာနိုင်ငံ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် အဖွဲ့ဝင်၊ နိုင်ငံခြားရေးဝန်ကြီး ဦးသန်းဆွေက အမှာစကားပြောကြားရာတွင် တရုတ်နိုင်ငံမှ ရန်ပုံငွေမတည်ကာ ဖွံ့ဖြိုးတိုးတက်ရေးအခွင့်အလမ်းများကို မြန်မာနိုင်ငံနှင့် မျှဝေသည့်အပေါ် မြန်မာနိုင်ငံ အစိုးရနှင့် ပြည်သူများက လှိုက်လှဲစွာ ကျေးဇူးတင်ရှိကြောင်း ပြောကြားခဲ့သည်။

၂၀၁၈ ခုနှစ်မှ ယနေ့အထိ မြန်မာနိုင်ငံသည် စီမံကိန်း ၁၃၂ ခုတွင် အသုတ် ၈ သုတ် ရန်ပုံငွေ ပံ့ပိုးမှုများရရှိခဲ့ရာ မဲခေါင်မြစ်ဝှမ်းနိုင်ငံများ၌ ခွင့်ပြုမှုရရှိသည့် စီမံကိန်းအရေအတွက် အများဆုံးနိုင်ငံ ဖြစ်ကြောင်း သိရသည်။ (Xinhua)

မြန်မာနိုင်ငံ မြို့တော်နေပြည်တော်၌ ကျင်းပသော လန်ချန်း-မဲခေါင် ပူးပေါင်းဆောင်ရွက်မှုအထူးရန်ပုံငွေ (၂၀၂၅) စီမံကိန်း ပူးပေါင်းဆောင်ရွက်မှုသဘောတူညီချက် လက်မှတ်ရေးထိုးပွဲအခမ်းအနားတွင် မြန်မာနိုင်ငံဆိုင်ရာ တရုတ်နိုင်ငံ သံအမတ်ကြီး မာကျား အမှာစကားပြောကြားနေသည်ကို ၂၀၂၅ ခုနှစ် ဩဂုတ် ၅ ရက်က တွေ့ရစဉ် (ဆင်ဟွာ)

မြန်မာနိုင်ငံ မြို့တော်နေပြည်တော်၌ ကျင်းပသော လန်ချန်း-မဲခေါင် ပူးပေါင်းဆောင်ရွက်မှုအထူးရန်ပုံငွေ (၂၀၂၅) စီမံကိန်း ပူးပေါင်းဆောင်ရွက်မှုသဘောတူညီချက် လက်မှတ်ရေးထိုးပွဲအခမ်းအနားတွင် မြန်မာနိုင်ငံ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် အဖွဲ့ဝင်၊ နိုင်ငံခြားရေးဝန်ကြီး ဦးသန်းဆွေ အမှာစကားပြောကြားနေသည်ကို ၂၀၂၅ ခုနှစ် ဩဂုတ် ၅ ရက်က တွေ့ရစဉ် (ဆင်ဟွာ)

မြန်မာနိုင်ငံ မြို့တော် နေပြည်တော်၌ ကျင်းပသော လန်ချန်း-မဲခေါင် ပူးပေါင်းဆောင်ရွက်မှုအထူးရန်ပုံငွေ (၂၀၂၅) စီမံကိန်း ပူးပေါင်းဆောင်ရွက်မှုသဘောတူညီချက် လက်မှတ်ရေးထိုးပွဲအခမ်းအနားတွင် စုပေါင်းအမှတ်တရဓာတ်ပုံ ရိုက်ကူးနေသည်ကို ၂၀၂၅ ခုနှစ် ဩဂုတ် ၅ ရက်က တွေ့ရစဉ် (ဆင်ဟွာ)

မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး မာကျား (ဝဲဘက် ပထမ) နှင့် မြန်မာနိုင်ငံ နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော် (ယာဘက် ပထမ) တို့ မြန်မာနိုင်ငံ မြို့တော်နေပြည်တော်တွင် မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေ (၂၀၂၅) စီမံကိန်း ပူးပေါင်းဆောင်ရွက်မှုသဘောတူညီချက် လက်မှတ်ရေးထိုးနေသည်ကို ၂၀၂၅ ခုနှစ် ဩဂုတ် ၅ ရက်က တွေ့ရစဉ် (ဆင်ဟွာ)

———————
(Chinese Version)
中缅签署2025年澜湄合作专项基金项目合作协议
新华社仰光8月5日电（记者张东强 黎广滔）2025年澜湄合作专项基金项目合作协议签约仪式5日在缅甸首都内比都举行。中国驻缅甸大使马珈与缅外交部副部长戈戈觉签署协议。
马珈在签约仪式上致辞表示，此次签约的14个项目将继续支持缅甸农业、环保、科技、文化、教育和防灾等多领域发展。中方愿同缅方加强合作，把基金用好，推动中缅命运共同体建设为两国人民带来更多福祉。
缅甸国家安全与和平委员会成员、外交部长丹穗在致辞中表示，缅甸政府和人民真诚感谢中方出资设立基金，与缅分享发展机遇。
据悉，2018年至今，缅甸共有8批132个项目得到基金支持，是获批项目数最多的湄公河国家。（完）
1. 这是8月5日在缅甸首都内比都举行的2025年澜湄合作专项基金项目合作协议签约仪式现场。
2. 8月5日，中国驻缅甸大使马珈在缅甸首都内比都举行的2025年澜湄合作专项基金项目合作协议签约仪式上致辞。
3. 8月5日，缅甸国家安全与和平委员会成员、外交部长丹穗在缅甸首都内比都举行的2025年澜湄合作专项基金项目合作协议签约仪式上致辞。
4. 8月5日，嘉宾在缅甸首都内比都举行的2025年澜湄合作专项基金项目合作协议签约仪式上合影。
5. 8月5日，中国驻缅甸大使马珈（左一）与缅甸外交部副部长戈戈觉（右一）在缅甸首都内比都签署2025年澜湄合作专项基金项目合作协议。