ကျောက်လဲ့ကျိနှင့် ရုရှားဒူးမားလွှတ်တော် (အောက်လွှတ်တော်) ဥက္ကဋ္ဌ Vyacheslav Volodin တို့ တရုတ်-ရုရှား လွှတ်တော် ပူးပေါင်းဆောင်ရွက်မှု ကော်မတီ ၁၀ ကြိမ်မြောက် အစည်းအဝေးအား အတူတကွ ကြီးမှူးကျင်းပ

ပေကျင်း၊ ဩဂုတ် ၂၆ ရက် (ဆင်ဟွာ)

တရုတ်ပြည်လုံးဆိုင်ရာ ပြည်သူ့ကွန်ဂရက် အမြဲတမ်းကော်မတီဥက္ကဋ္ဌ ကျောက်လဲ့ကျိနှင့် ရုရှားဒူးမားလွှတ်တော် (အောက်လွှတ်တော်) ဥက္ကဋ္ဌ Vyacheslav Volodin တို့သည် ဩဂုတ် ၂၅ ရက်တွင် တရုတ်နိုင်ငံ ပေကျင်းမြို့ ပြည်သူ့ခန်းမဆောင်၌ တရုတ်-ရုရှား လွှတ်တော် ပူးပေါင်းဆောင်ရွက်မှု ကော်မတီ ၁၀ ကြိမ်မြောက် အစည်းအဝေးအား အတူတကွ ကြီးမှူးကျင်းပခဲ့သည်။
အစည်းအဝေးတွင် ကျောက်လဲ့ကျိက သမ္မတ ရှီကျင့်ဖိန်နှင့် သမ္မတ ပူတင်တို့၏ မဟာဗျူဟာမြောက် ဦးဆောင်လမ်းညွှန်မှုအောက်တွင် တရုတ်-ရုရှား ခေတ်သစ် ဘက်စုံမဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေးသည် အစဉ်အမြဲ ကောင်းမွန်သော၊ တည်ငြိမ်သော၊ အဆင့်မြင့်သော ဖွံ့ဖြိုးတိုးတက်မှု အလားအလာကို ထိန်းသိမ်းထားကြောင်း၊ နှစ်ဖက် နိုင်ငံရေး အပြန်အလှန်ယုံကြည်မှုသည် အဆက်မပြတ် နက်ရှိုင်းလာပြီး မဟာဗျူဟာမြောက် ညှိနှိုင်းပူးပေါင်းဆောင်ရွက်မှုသည် ပိုမိုရင်းနှီးလာကာ ကဏ္ဍစုံပူးပေါင်းဆောင်ရွက်မှုကို စနစ်တကျ ထိရောက်စွာ တွန်းအားပေးဖော်ဆောင်လာကြောင်း၊ တရုတ်-ရုရှား ပူးပေါင်းဆောင်ရွက်မှုက အားသာချက် အပြန်အလှန် ဖြည့်စွက်မှု၊ အလားအလာကြီးမားမှုကြောင့် နှစ်ဖက်အနေဖြင့် ကိုယ်စီ၏ ဖွံ့ဖြိုးတိုးတက်မှုကို အခြေခံ၍ လုပ်ဆောင်သည့် မဟာဗျူဟာမြောက် ရွေးချယ်မှုဖြစ်သည်ကို ဖြစ်ရပ်မှန်က သက်သေထူနေကြောင်း ပြောကြားခဲ့သည်။
ယခုနှစ်သည် တရုတ်-ရုရှား လွှတ်တော် ပူးပေါင်းဆောင်ရွက်မှု ကော်မတီ ထူထောင်သည့် နှစ် ၂၀ ပြည့်ဖြစ်ကြောင်း၊ တရုတ်-ရုရှား ဥပဒေပြုရေးအဖွဲ့အစည်း၏ ယန္တရားဆိုင်ရာ ကူးလူးဖလှယ်မှုနှင့် ပူးပေါင်းဆောင်ရွက်မှုသည် နှစ်ဖက်၊ ဘက်စုံ ဥပဒေပြုရေး အဖွဲ့အစည်း ပူးပေါင်းဆောင်ရွက်မှုအတွက် စံနမူနာပြလိုက်ကာ အကျိုးရှိသော အတွေ့အကြုံများ စုဆောင်းပေးလိုက်ကြောင်း ကျောက်လဲ့ကျိက ဆိုသည်။
တရုတ်ပြည်လုံးဆိုင်ရာ ပြည်သူ့ကွန်ဂရက်အနေဖြင့် ရုရှားဖက်ဒရေးရှင်း လွှတ်တော်နှင့်အတူ နှစ်နိုင်ငံ အကြီးအကဲများ၏ အရေးကြီး သဘောတူညီချက် အကောင်အထည်ဖော်မှုအား အရင်းခံလိုက်နာချက်အဖြစ် သဘောထားကာ ပူးပေါင်းဆောင်ရွက်မှု ယန္တရားပလက်ဖောင်း အခန်းကဏ္ဍအား အပြည့်အဝ အသုံးပြုပြီး ကူးလူးဖလှယ်မှုနှင့် ပူးပေါင်းဆောင်ရွက်မှုကို စဉ်ဆက်မပြတ် မြှင့်တင်ခြင်းဖြင့် တရုတ်-ရုရှား ခေတ်သစ် ဘက်စုံမဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေး နက်ရှိုင်းစွာ ဖွံ့ဖြိုးတိုးတက်စေရန် ကူညီအားဖြည့်သွားလိုကြောင်း၊ နှစ်ဖက်အနေဖြင့် ရင်းနှီးစွာ သွားလာဆက်ဆံသည့် ကောင်းမွန်သော အလားအလာကို ထိန်းသိမ်းထားကာ နားလည်မှုနှင့် အပြန်အလှန် ယုံကြည်မှုကို မြှင့်တင်၍ အပြန်အလှန် ထောက်ခံအားပေးမှု၊ စည်းလုံးညီညွတ်စွာ ညှိနှိုင်းပူးပေါင်းဆောင်ရွက်မှု၏ နိုင်ငံရေးအခြေခံအား ခိုင်မြဲအောင် လုပ်ဆောင်ရမည်ဖြစ်ကြောင်း ၎င်းက ပြောကြားခဲ့သည်။
ယန္တရားဖြင့် ကူးလူးဖလှယ်သည့် အကြောင်းအရာနှင့် အသွင်ပုံစံကို တိုးချဲ့ကာ ခေတ်သစ် တရုတ်-ရုရှားဆက်ဆံရေး ဖွံ့ဖြိုးတိုးတက်မှု၏ လိုအပ်ချက်အလျောက် ဥပဒေပြုအဖွဲ့အစည်း၏ လုပ်ဆောင်ချက်နှင့် ဝတ္တရားဖြင့် နိုင်ငံရေးရာ စီမံခန့်ခွဲမှုနှင့် ဥပဒေပြုရေး၊ ကြီးကြပ်ရေး စသည့်ကဏ္ဍ အတွေ့အကြုံများကို အပြန်အလှန် လေ့လာသင်ယူ၍ ကိုယ်စီနိုင်ငံ၏ ဖွံ့ဖြိုးတိုးတက်မှုကို ပံ့ပိုးအားဖြည့်ရမည်ဖြစ်ကြောင်း၊ နှစ်ဖက်၏ သက်ဆိုင်ရာ စာချုပ်နှင့် သဘောတူညီချက်များကို အချိန်မီခွင့်ပြု၍ ပူးပေါင်းဆောင်ရွက်မှု သဘောတူညီချက်နှင့် စီမံကိန်းများ အကောင်အထည်ဖော်၍ ထိရောက်မှုရှိလာခြင်းအား တွန်းအားပေးကာ နှစ်နိုင်ငံ လက်တွေ့ကျပူးပေါင်းဆောင်ရွက်မှုအတွက် ဥပဒေအာမခံမှု ပံ့ပိုးပေးရမည်ဖြစ်ကြောင်း ကျောက်လဲ့ကျိက ပြောကြားခဲ့သည်။
ပြည်သူ့ကွန်ဂရက် ကိုယ်စားလှယ်နှင့် လွှတ်တော်အမတ်များ၏ ထူးခြားချက် အားသာချက်ကို အသုံးချကာ ကုန်သွယ်စီးပွားရေး ပူးပေါင်းဆောင်ရွက်မှု၊ လူမှုယဉ်ကျေးမှု ကူးလူးဖလှယ်ရေးအတွက် ချိတ်ဆက်သည့် ပေါင်းကူးတံတား တည်ဆောက်ပေးရမည်ဖြစ်ကြောင်း၊ အမျိုးသမီး၊ လူငယ် ကိုယ်စားလှယ်နှင့် လွှတ်တော်အမတ်များ ကူးလူးဖလှယ်ရန် တက်ကြွစွာ လုပ်ဆောင်ပြီး နှစ်နိုင်ငံ ဒေသန္တရ ဥပဒေပြုရေး အဖွဲ့အစည်းများ ကူးလူးဖလှယ်မှု မြှင့်တင်ခြင်းကို အားပေး၍ ထောက်ခံကာ ပိုမိုများပြားသည့် ဒေသနှင့်ကိုက်ညီသော၊ ပြည်သူ့အကျိုးပြုသော ပူးပေါင်းဆောင်ရွက်မှု ရလဒ်များ ဖြစ်ထွန်းလာအောင် လုပ်ဆောင်ရမည်ဖြစ်ကြောင်း ၎င်းကဆိုသည်။
နိုင်ငံအသီးသီး လွှတ်တော်မဟာမိတ်အဖွဲ့၊ BRICS နိုင်ငံများ လွှတ်တော်ဖိုရမ် စသည့် နိုင်ငံစုံယန္တရားအတွင်း၌ ရင်းနှီးစွာ ချိတ်ဆက်ညှိနှိုင်းဆောင်ရွက်ပြီး တူညီသောအသံများ ထုတ်ဖော်ပြောကြားရမည်ဖြစ်ကြောင်း၊ ဒုတိယကမ္ဘာစစ် အောင်နိုင်ခြင်းရလဒ်အား ခိုင်မာစွာ ကာကွယ်၍ မှန်ကန်သော ဒုတိယကမ္ဘာစစ်သမိုင်းအမြင်အား ပြန့်ပွားအောင်လုပ်ဆောင်ရမည်ဖြစ်ကြောင်း၊ ကုလသမဂ္ဂအား ဗဟိုပြုသည့် နိုင်ငံတကာစနစ်ကို ကာကွယ်ထိန်းသိမ်းကာ စစ်မှန်သော နိုင်ငံစုံပူးပေါင်းဆောင်ရွက်မှုဝါဒအား လက်တွေ့ အကောင်အထည်ဖော်ကာ လူသားမျိုးနွယ် အေးအတူပူအမျှအသိုက်အဝန်း တည်ဆောက်မှုအား တွန်းအားပေးရမည်ဖြစ်ကြောင်း ၎င်းက ပြောကြားခဲ့သည်။
Vyacheslav Volodin က နှစ်နိုင်ငံအကြီးအကဲများ၏ မဟာဗျူဟာမြောက် ဦးဆောင်လမ်းညွှန်မှုအောက်တွင် ရုရှား-တရုတ် ခေတ်သစ် ဘက်စုံမဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေးသည် နက်ရှိုင်းစွာ တိုးတက်လာကြောင်း၊ ရုရှားဒူးမားလွှတ်တော်အနေဖြင့် တရုတ်ပြည်လုံးဆိုင်ရာ ပြည်သူ့ကွန်ဂရက်နှင့် ချစ်ကြည်ရင်းနှီးစွာ သွားလာဆက်ဆံမှုကို မြှင့်တင်ပြီး နှစ်နိုင်ငံအကြီးအကဲများ၏ အရေးကြီး သဘောတူညီချက်များအား အကောင်အထည်ဖော်မှုနှင့်စပ်လျဉ်း၍ ရုရှား-တရုတ် လွှတ်တော် ပူးပေါင်းဆောင်ရွက်မှု ကော်မတီ ယန္တရား ပလက်ဖောင်း၏ အခန်းကဏ္ဍအား အသုံးပြုကာ ရုရှား-တရုတ် ဘက်စုံထောင့်စုံ ပူးပေါင်းဆောင်ရွက်မှု တိုးမြှင့်ရေး၊ စီးပွားရေးလုပ်ကိုင်မှု ပတ်ဝန်းကျင် တိုးမြှင့်ရေး၊ လူမှုယဉ်ကျေးမှု ကူးလူးဖလှယ်ရေး နက်ရှိုင်းစေရေး၊ မှန်ကန်သော ဒုတိယကမ္ဘာစစ်သမိုင်းအမြင်အား အတူတကွ မြှင့်တင်ရေး၊ နိုင်ငံစုံ ပူးပေါင်းဆောင်ရွက်မှု ဝါဒ ကာကွယ်ရေးအတွက် ဥပဒေပြုရေး အဖွဲ့အစည်း၏ အကျိုးထမ်းဆောင်မှု လုပ်ဆောင်သွားလိုကြောင်း ပြောကြားခဲ့သည်။
အထက်ပါအစည်းအဝေးသို့ ဖုန်ချင်းဟွာ တက်ရောက်ခဲ့ကြောင်း သိရသည်။ (Xinhua)

———————-
(Chinese Version)
赵乐际同俄罗斯国家杜马主席沃洛金共同主持中俄议会合作委员会第十次会议
新华社北京8月25日电　全国人大常委会委员长赵乐际25日在人民大会堂同俄罗斯国家杜马主席沃洛金共同主持中俄议会合作委员会第十次会议。
赵乐际说，在习近平主席和普京总统的战略引领下，中俄新时代全面战略协作伙伴关系始终保持健康、稳定、高水平发展态势。双方政治互信不断深化，战略协作更加紧密，各领域合作有序有效推进。事实证明，中俄合作优势互补、潜力巨大，是双方基于各自发展振兴作出的战略选择。
赵乐际表示，今年是中俄议会合作委员会成立20周年。中俄立法机构的机制交流与合作，为双边、多边立法机构合作树立了典范，积累了有益经验。中国全国人大愿同俄罗斯联邦会议一道，以落实两国元首重要共识为根本遵循，充分发挥合作机制平台作用，持续加强交流合作，助力中俄新时代全面战略协作伙伴关系深入发展。双方要保持密切往来的良好势头，增进了解和互信，夯实相互支持、团结协作的政治基础。要拓展机制交流的内容和形式，适应新时代中俄关系发展需要，立足立法机构职能职责，互学互鉴治国理政和立法、监督等方面经验，助力各自国家发展振兴；及时批准有关双边条约和协定，推动合作协议和项目落实见效，为两国务实合作提供法律保障；发挥人大代表和议员的特点优势，为经贸合作、人文交流牵线搭桥；活跃妇女、青年代表和议员的交流，鼓励和支持两国地方立法机构加强交流，形成更多接地气、惠民生的合作成果。要密切在各国议会联盟、金砖国家议会论坛等多边机制内的沟通协调，发出共同声音，坚决捍卫二战胜利成果，弘扬正确二战史观，维护以联合国为核心的国际体系，践行真正的多边主义，推动构建人类命运共同体。
沃洛金表示，在两国元首战略引领下，俄中新时代全面战略协作伙伴关系深入发展。俄国家杜马愿加强同中国全国人大友好交往，围绕落实两国元首重要共识，发挥俄中议会合作委员会机制平台作用，为促进俄中全方位合作，优化营商环境，深化人文交流，共同弘扬正确二战史观，维护多边主义作出立法机构的贡献。
彭清华参加会议。（完）
图说：8月25日，全国人大常委会委员长赵乐际在北京人民大会堂同俄罗斯国家杜马主席沃洛金共同主持中俄议会合作委员会第十次会议。 新华社记者 刘卫兵 摄