တရုတ်နိုင်ငံ၏ SCO နိုင်ငံများနှင့်ကုန်သွယ်မှု ၂၀၂၄ ခုနှစ်တွင် အမေရိကန်ဒေါ်လာ ၅၁၂.၄ ဘီလီယံ ရှိလာ

ပေကျင်း၊ ဩဂုတ် ၂၈ ရက် (ဆင်ဟွာ)
တရုတ်နိုင်ငံနှင့် ရှန်ဟိုင်းပူးပေါင်းဆောင်ရွက်ရေးအဖွဲ့ (SCO) အဖွဲ့ဝင်နိုင်ငံများအကြား ကုန်သွယ်မှုသည် ၂၀၂၄ ခုနှစ်တွင် အမေရိကန်ဒေါ်လာ ၅၁၂.၄ သန်း ဝန်းကျင်တွင်ရှိနေပြီး ၂၀၂၃ ခုနှစ်ကထက် ၂.၇ ရာခိုင်နှုန်း မြင့်တက်ခဲ့ကြောင်း ကုန်သွယ်ရေးဝန်ကြီးဌာန တာဝန်ရှိသူတစ်ဦးက သြဂုတ် ၂၇ ရက်၌ ပြောကြားခဲ့သည်။
ယမန်နှစ်က တရုတ်နိုင်ငံသည် အခြား SCOအဖွဲ့ဝင်နိုင်ငံများထံမှ စိုက်ပျိုးရေးထုတ်ကုန် ဒေါ်လာ ၁၃.၆၆ ဘီလီယံ‌ ဖိုးနှင့်အတူ ရေနံစိမ်း၊ သဘာဝဓာတ်‌ငွေ့နှင့်ကျောက်မီးသွေး အမေရိကန်ဒေါ်လာ ၉၀ ဘီလီယံ ဖိုးတင်သွင်းခဲ့သည် ဟု ကုန်သွယ်‌ရေးဒုတိယဝန်ကြီး လျင်ကျီး က သတင်းစာရှင်းလင်းပွဲတွင် ပြောကြားခဲ့သည်။
SCO အဖွဲ့ဝင်နိုင်ငံများထံမှ စွမ်းအင်တင်သွင်းမှုသည် ၂၀၂၄ ခုနှစ် တရုတ်နိုင်ငံ၏ စုစုပေါင်း တင်သွင်းမှု၏ ငါးပုံတစ်ပုံခန့် ရှိခဲ့ကြောင်း လျင် ၏အဆိုအရ သိရသည်။
“တရုတ်နိုင်ငံနဲ့အခြား SCOအဖွဲ့ဝင်နိုင်ငံတွေအကြား ရင်းနှီးမြှုပ်နှံမှုနဲ့ စက်မှုလုပ်ငန်းပူးပေါင်းဆောင်ရွက်မှုက မကြာသေးမီနှစ်တွေမှာ မှန်မှန်တိုးတက်ခဲ့ပါတယ်” ဟု ကုန်သွယ်ရေးဝန်ကြီးဌာနမှ အခြားတာဝန်ရှိသူတစ်ဦး ဖြစ်သည့် ကျန်းလိက ပြောကြားခဲ့သည်။
မကြာသေးမီနှစ်များက တရုတ်နိုင်ငံမှစီးပွားရေးလုပ်ငန်းများသည် အခြားအဖွဲ့ဝင်နိုင်ငံများတွင် ကုမ္ပဏီပေါင်း ၃,၀၀၀ ကျော် တည်ထောင်ခဲ့ပြီး နှစ်စဥ် ပျမ်းမျှအလုပ်အကိုင်ပေါင်း ၂၀၀,၀၀၀ ကျော် ဖန်တီးပေးနိုင်ခဲ့ကြောင်း ကျန်း က ထပ်မံပြောကြားခဲ့သည်။
တရုတ်နိုင်ငံဆိပ်ကမ်းမြို့ ထျန်းကျင်းတွင် ၂၀၂၅ ခုနှစ်SCO ထိပ်သီးအစည်းအဝေးကို သြဂုတ် ၃၁ ရက်မှ စက်တင်ဘာ ၁ ရက်အထိ ပြုလုပ်မည်ဖြစ်ပြီး အဆိုပါပွဲသို့ နိုင်ငံပေါင်း ၂၀ ကျော်မှ အကြီးအကဲများနှင့် နိုင်ငံတကာအဖွဲ့အစည်း ၁၀ ခုမှ ခေါင်းဆောင်များ တက်ရောက်မည်ဖြစ်ပြီး လာမည့်ဆယ်စုနှစ်အတွက် ယင်းအဖွဲ့၏ ဖွံဖြိုးမှုဆိုင်ရာ စီမံချက်ကို အကျဥ်းချုပ်တင်ပြမည်ဖြစ်သည်။
အဓိကအားဖြင့် လုံခြုံရေးစိုးရိမ်မှုများကိုဖြေရှင်းရန် ပေါ်ပေါက်လာခဲ့သည့် SCO သည် ၂၄ နှစ်ကျော် ဖွံဖြိုး တိုးတက်မှုအတွင်း ကမ္ဘာ့လူဦးရေ ထက်ဝက်နီးပါးကို ကိုယ်စားပြုသည့် ဒေသတွင်းအဖွဲ့အစည်းကြီးတစ်ခုအဖြစ် ကြီးထွားလာပြီဖြစ်သည်။ (Xinhua)

………………………….
(English Version)
China’s trade with other SCO members hit 512.4 bln USD in 2024
BEIJING, Aug. 27 (Xinhua) — China’s trade with other Shanghai Cooperation Organization (SCO) member states stood at around 512.4 billion U.S. dollars in 2024, up 2.7 percent year on year, a commerce official said Wednesday.
Last year, China imported nearly 90 billion U.S. dollars worth of crude oil, natural gas and coal from other SCO members, along with 13.66 billion dollars worth of agricultural products, Ling Ji, vice minister of commerce, said at a press conference.
Energy imports from other SCO members accounted for about one-fifth of China’s total imports in 2024, according to Ling.
“The investment and industrial cooperation between China and other SCO member states has made steady progress in recent years,” Zhang Li, another official with the Ministry of Commerce, said.
In recent years, Chinese enterprises have set up more than 3,000 companies in other member states, creating over 200,000 jobs on average each year, Zhang added.
The SCO Summit 2025 will be held from Aug. 31 to Sept. 1 in the northern Chinese port city of Tianjin. The event will bring together leaders from more than 20 countries and heads of 10 international organizations to outline the blueprint for the bloc’s development over the next decade.
Primarily born to address security concerns, the SCO has, over its 24-year development, grown into a comprehensive regional organization representing nearly half of the world’s population.
Photo : An aerial drone photo taken on Aug. 26, 2025 shows a cargo ship at Qingdao Port in Qingdao, east China’s Shandong Province. (Xinhua/Li Ziheng)