SCO ထျန်းကျင်း ထိပ်သီးအစည်းအဝေး|ဝမ်ရိနှင့် SCO အထွေထွေအတွင်းရေးမှူးချုပ်တို့အတူ သတင်းထောက်များနှင့် တွေ့ဆုံ

ထျန်းကျင်း၊ စက်တင်ဘာ ၂ ရက် (ဆင်ဟွာ)
ရှန်ဟိုင်း ပူးပေါင်းဆောင်ရွက်မှုအဖွဲ့ (SCO) ထျန်းကျင်း ထိပ်သီးအစည်းအဝေး ပြီးဆုံးချိန်တွင် တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး ဝမ်ရိသည် SCO အထွေထွေအတွင်းရေးမှူးချုပ် Nurlan Yermekbayev နှင့်အတူ ထိပ်သီးအစည်းအဝေး သတင်းမီဒီယာစင်တာ၌ စက်တင်ဘာ ၁ ရက်က ပြည်တွင်းပြည်ပ သတင်းထောက်နှင့် တွေ့ဆုံခဲ့ပြီး မေးခွန်းများဖြေကြားပေးခဲ့သည်။
ထိုသို့တွေ့ဆုံရာတွင် ဝမ်ရိက SCO သည် တရုတ်နိုင်ငံ၏ မြို့တစ်မြို့အမည်ဖြင့် ပထမဆုံးအမည်ပေးထားသည့်၊ တရုတ်ပါဝင်တည်ထောင်ပြီး ဌာနချုပ်ကို တရုတ်နိုင်ငံတွင်ထားရှိသည့် နိုင်ငံတကာ အဖွဲ့အစည်းဖြစ်ကြောင်း၊ တည်ထောင်ပြီး ၂၄ နှစ်တစ်လျှောက်တွင် SCO သည် အပြန်အလှန်ယုံကြည်မှု၊ အပြန်အလှန်အကျိုးဖြစ်ထွန်းမှု၊ တန်းတူညီမျှရှိမှု၊ ညှိနှိုင်းဆွေးနွေးမှု၊ အမျိုးစုံလင်သည့် ယဉ်ကျေးမှုများအား လေးစားမှု၊ အတူတကွဖွံ့ဖြိုးတိုးတက်ရေးကြိုးပမ်းမှု ဟူသော “ရှန်ဟိုင်းစိတ်ဓာတ်” ကို အခိုင်အမာ လက်ကိုင်ထားကာ ဖွံ့ဖြိုးတိုးတက်မှုအရှိန်အဟုန်ကို ဆက်လက်ထိန်းသိမ်းထားကြောင်း ပြောကြားခဲ့သည်။
ယနေ့ SCO သည် နိုင်ငံ ၂၇ နိုင်ငံပါဝင်သော မိသားစုကြီးတစ်ခုအဖြစ် ဖွံ့ဖြိုးတိုးတက်လာခဲ့ရာ ပထဝီနယ်ပယ်သည် အာရှ၊ ဥရောပနှင့် အာဖရိကတိုက်ကြီးသုံးခုကို ဖြတ်သန်းကာ လူဦးရေစုစုပေါင်းသည် ကမ္ဘာ့လူဦးရေ တစ်ဝက်နီးပါးရှိပြီး စီးပွားရေး စုစုပေါင်းပမာဏသည် ကမ္ဘာတစ်ဝန်း လေးပုံတစ်ပုံခန့်ရှိရာ လက်ရှိတွင် ကမ္ဘာ့လူဦးရေအများဆုံး၊ နယ်မြေအကျယ်ပြန့်ဆုံးနှင့် ဖွံ့ဖြိုးတိုးတက်မှုအလားအလာ အကြီးမားဆုံးရှိသော ဒေသတွင်း ပူးပေါင်းဆောင်ရွက်မှုအဖွဲ့အစည်းဖြစ်လာကြောင်း၊ ထျန်းကျင်းထိပ်သီးအစည်းအဝေးသည် တရုတ်နိုင်ငံက ကြီးမှူးကျင်းပသော ၅ ကြိမ်မြောက် ရှန်ဟိုင်းပူးပေါင်းဆောင်ရွက်မှုအဖွဲ့ (SCO) ထိပ်သီးအစည်းအဝေးဖြစ်ကြောင်း ပြောကြားခဲ့သည်။
ယင်းမှာ ယနေ့ထိတိုင် ပမာဏအကြီးမားဆုံး ထိပ်သီးအစည်းအဝေးဖြစ်ကြောင်း၊ တရုတ်နိုင်ငံ သမ္မတ ရှီကျင့်ဖိန်သည် အဖွဲ့ဝင်နိုင်ငံများ၏ နိုင်ငံတော်အကြီးအကဲများကောင်စီအစည်းအဝေးနှင့် “SCO Plus” အစည်းအဝေးကို ကြီးမှူးကျင်းပခဲ့ပြီး ပြည်ပနိုင်ငံခေါင်းဆောင် ၂၃ ဦး သို့မဟုတ် ၎င်းတို့၏ ကိုယ်စားလှယ်များ၊ နိုင်ငံတကာ အဖွဲ့အစည်းမှ တာဝန်ရှိသူ ၁၀ ဦးနှင့် တွေ့ဆုံကာ ချစ်ကြည်ရင်းနှီးမှု အတူတကွ ဆွေးနွေးခြင်း၊ ပူးပေါင်းဆောင်ရွက်မှု အတူတကွ တိုင်ပင်ညှိနှိုင်းခြင်းနှင့် ဖွံ့ဖြိုးတိုးတက်မှု အတူတကွ ကြိုးပမ်းခြင်း လုပ်ဆောင်ခဲ့ကြောင်း ဝမ်ရိက ပြောကြားခဲ့သည်။
ယင်းသည် အရည်အသွေးမြင့် ဖွံ့ဖြိုးတိုးတက်ရေးကို စီမံဆောင်ရွက်သည့် ထိပ်သီးအစည်းအဝေးတစ်ခုဖြစ်ကြောင်း၊ သမ္မတ ရှီကျင့်ဖိန်က အရေးကြီး မိန့်ခွန်းပြောကြားခဲ့ပြီး တူညီမှုများကို ရှာဖွေပြီး ကွဲပြားမှုများကိုလည်း ထိန်းသိမ်းထားခြင်း၊ အပြန်အလှန်အကျိုးပြုပြီး ဘုံအကျိုးဖြစ်ထွန်းမှုဖော်ဆောင်ခြင်း၊ တံခါးဖွင့်လှစ်မှုနှင့် အားလုံးပါဝင်နိုင်ခြင်း၊ တရားမျှတ၍ သမာသမတ်ကျခြင်း၊ လက်တွေ့ကျ၍ ထိရောက်မှုရှိခြင်းတို့ကို အခိုင်အမာ လက်ကိုင်ထားသော အရေးကြီး အဆိုပြုချက်များ အဆိုပြုခဲ့ကြောင်း၊ ဤ “အခိုင်အမာ လက်ကိုင်ထားရမည့်အချက် ၅ ချက်” သည် “ရှန်ဟိုင်းစိတ်ဓာတ်” နှင့်အတူ တစ်သွေးတစ်သားတည်း လက်ဆင့်ကမ်းသွားပြီး “ရှန်ဟိုင်းစိတ်ဓာတ်” အား ခေတ်သစ်အဓိပ္ပာယ်ဖွင့်ဆိုချက်များ ပေးအပ်ခဲ့ကာ တက်ရောက်လာကြသော နိုင်ငံခေါင်းဆောင်များ၏ အထူးကောင်းမွန်စွာ သုံးသပ်မှုနှင့် အပြုသဘောဆောင်သော တုံ့ပြန်မှုကို ရရှိခဲ့ကြောင်း ၎င်းက ပြောကြားခဲ့သည်။
ယင်းမှာ လူသားမျိုးနွယ် ရှေ့သို့တက်လှမ်းရာ ဦးတည်ချက်ကို လမ်းညွှန်ပြသော ထိပ်သီးအစည်းအဝေးတစ်ခုဖြစ်ကြောင်း၊ သမ္မတ ရှီကျင့်ဖိန်က “SCO Plus” အစည်းအဝေးတွင် ကမ္ဘာလုံးဆိုင်ရာစီမံခန့်ခွဲရေး အဆိုပြုချက်ကို အဆိုပြုခဲ့ရာ ယင်းမှာ ယခုအကြိမ် ထိပ်သီးအစည်းအဝေး၏ စိတ်ဝင်စားဖွယ်အကောင်းဆုံး အချက်တစ်ခုဖြစ်လာခဲ့ကြောင်း၊ ယနေ့ ကမ္ဘာကြီး ကြုံတွေ့နေရသော စီမံခန့်ခွဲမှုဆိုင်ရာ လိုအပ်ချက်နှင့် စပ်လျဉ်း၍ သမ္မတ ရှီကျင့်ဖိန်က အချုပ်အခြာအာဏာတန်းတူညီမျှမှုကို ကျင့်သုံးရန်၊ နိုင်ငံတကာ ဥပဒေစိုးမိုးရေးကို လိုက်နာရန်၊ နိုင်ငံစုံပူးပေါင်းဆောင်ရွက်ရေးကို လက်တွေ့ ဆောင်ရွက်ရန်၊ လူထုဗဟိုပြုချဉ်းကပ်မှုကို အားပေးထောက်ခံရန်နှင့် လှုပ်ရှားမှုဦးတည်ချက်ကို အလေးထားရန် တိုက်တွန်းခဲ့ကြောင်း၊ နိုင်ငံအသီးသီးနှင့်အတူ ပိုမိုတရားမျှတ၍ ကျိုးကြောင်းဆီလျော်သော ကမ္ဘာလုံးဆိုင်ရာ စီမံအုပ်ချုပ်ရေးစနစ်ကို အတူတကွ ဖွဲ့စည်းတည်ဆောက်ပြီး လူသားမျိုးနွယ် အေးအတူ ပူအမျှ အသိုက်အဝန်းဆီသို့ လက်တွဲချီတက်သွားလိုကြောင်း၊ တက်ရောက်လာကြသော နိုင်ငံခေါင်းဆောင်အားလုံးက ယင်းနှင့် စပ်လျဉ်း၍ ကြိုဆို၍ ထောက်ခံခဲ့ကြရာ နိုင်ငံတကာ အသိုင်းအဝိုင်းကလည်း ကျယ်ပြန့်သော တုံ့ပြန်မှုနှင့် သဘောတူညီမှုကို ပေးခဲ့ကြောင်း ၎င်းက ပြောကြားခဲ့သည်။
ယင်းမှာ အောင်မြင်မှုရလဒ် အကြွယ်ဝဆုံးသော ထိပ်သီးအစည်းအဝေးတစ်ခုဖြစ်ကြောင်း၊ SCO မိသားစုကြီး၏ အဖွဲ့ဝင်များသည် “ရှန်ဟိုင်းစိတ်ဓာတ်” မြှင့်တင်ရေး၊ SCO ဖွံ့ဖြိုးတိုးတက်ရေးအတွက် နက်နက်ရှိုင်းရှိုင်း အမြင်သဘောထားချင်း ဖလှယ်မှု တွန်းအားပေးရေးတို့နှင့် စပ်လျဉ်း၍ အကြံပြုချက်များနှင့် အဆိုပြုချက်များစွာ တင်ပြခဲ့ရာ ကျယ်ပြန့်သော သဘောတူညီမှု ရရှိခဲ့ကြောင်း ၎င်းက ပြောကြားခဲ့သည်။
ဝမ်ရိက တရုတ်နိုင်ငံသည် ယမန်နှစ် ဇူလိုင်လပိုင်းတွင် SCO ဥက္ကဋ္ဌနိုင်ငံအဖြစ် တာဝန်ထမ်းဆောင်ချိန်မှစ၍ ဦးဆောင်လှုပ်ရှားခြင်းနှင့် လက်တွေ့ ဆောင်ရွက်ခြင်းကို အဓိကထားကာ အမျိုးမျိုးသော အခမ်းအနားပေါင်း ၂၀၀ ကျော်ကျင်းပပြုလုပ်ခဲ့ပြီး အောင်မြင်မှုရလဒ် သဘောတူညီချက် ၉၂ စောင်ထုတ်ပြန်ခဲ့သလို အရေးပါသောပူးပေါင်းဆောင်ရွက်မှု အဆိုပြုချက် ၃၆ ခုကို တင်သွင်းခဲ့ကြောင်း၊ ချစ်ကြည်ရင်းနှီးမှု၊ စည်းလုံးညီညွတ်မှု၊ လက်တွေ့ကျမှုနှင့် အောင်မြင်မှုရလဒ်ကြွယ်ဝမှု ရှိသော ထိပ်သီးအစည်းအဝေးတစ်ခုကို ကျင်းပမည့် မိမိတို့၏ ကတိကဝတ်ကို အကောင်အထည်ဖော်ခဲ့ပြီး ထင်ရှားသော “တရုတ်အမှတ်အသား” ကို ချန်ရစ်ခဲ့ကာ SCO အား ပိုမိုစည်းလုံးညီညွတ်မှုရှိသော၊ ညှိနှိုင်းဆောင်ရွက်မှုအား ပိုမိုအလေးထားသော၊ ပိုမိုရှင်သန်တက်ကြွမှုရှိသော၊ ပိုမို စွမ်းဆောင်မှုရှိသော အရည်အသွေးမြင့် ဖွံ့ဖြိုးတိုးတက်ရေးအဆင့်သစ်သို့ ရောက်ရှိရန် တွန်းအားပေးခဲ့ကြောင်း၊ ယင်းမှာ SCO ၏ ဖွံ့ဖြိုးတိုးတက်ရေးသမိုင်းတွင် အရေးပါသော မှတ်တိုင်တစ်ခုအဖြစ် ဧကန်ဖြစ်လာမည်ဖြစ်ကြောင်း ပြောကြားခဲ့သည်။ (Xinhua)
………………………
(Chinese Version)
上合组织天津峰会|王毅同上海合作组织秘书长共见记者
新华社天津9月2日电（记者董雪、宋瑞）9月1日，上合组织天津峰会结束之际，中共中央政治局委员、外交部长王毅在峰会新闻中心同上合组织秘书长叶尔梅克巴耶夫共同会见中外记者并答问。
王毅说，上合组织是首个以中国城市命名、中国参与创建、并将总部设在中国的国际组织。成立24年来，上合组织秉持互信、互利、平等、协商、尊重多样文明、谋求共同发展的“上海精神”，保持蓬勃发展势头。今天的上合组织已经发展为由27个国家组成的大家庭，地域范围横跨亚、欧、非三大洲，人口总数近世界一半，经济总量约占全球四分之一，已经成为当今世界人口最多、幅员最广、最具发展潜力的区域合作组织。天津峰会是中方主办的第5次上合组织峰会。
王毅表示，这是迄今规模最大的一次峰会。习近平主席主持召开成员国元首理事会会议、“上合组织+”会议，同23位外国领导人或其代表，以及10位国际组织负责人共叙友谊、共商合作、共谋发展。
这是谋划高质量发展的一次峰会。习近平主席发表重要讲话，提出坚持求同存异、坚持互利共赢、坚持开放包容、坚持公平正义、坚持务实高效的重要主张。这“五个坚持”同“上海精神”一脉相承，赋予“上海精神”新的时代内涵，得到与会领导人高度评价和积极响应。
这是指引人类前进方向的一次峰会。习近平主席在“上合组织+”会议上提出全球治理倡议，成为本次峰会最大亮点。针对当今世界面临的治理赤字，习近平主席呼吁奉行主权平等、遵守国际法治、践行多边主义、倡导以人为本、注重行动导向。同各国一道，共同构建更加公正合理的全球治理体系，携手迈向人类命运共同体。与会各国领导人都对此表示欢迎和支持，国际社会也予以广泛响应和认同。
这是成果最为丰硕的一次峰会。上合组织大家庭成员围绕弘扬“上海精神”、推动上合组织发展深入交换意见，提出一系列建议主张，达成广泛共识。
王毅表示，中方去年7月接任上合组织主席国以来，坚持行动引领、实干为要，举办各类活动200余场，发表成果文件92份，提出重要合作倡议36项。我们兑现了举办一次友好、团结、务实且富有成果的峰会的承诺，留下鲜明“中国印记”，推动上合组织进入更加团结、更重协作、更富活力、更有作为的高质量发展新阶段，必将成为上合发展史上一座重要的里程碑。（完）
图说：9月1日，上合组织天津峰会结束之际，中共中央政治局委员、外交部长王毅在峰会新闻中心同上合组织秘书长叶尔梅克巴耶夫共同会见中外记者并答问。 新华社记者 李然 摄