ဘက်အသီးသီးအနေဖြင့် ပိုလန်နိုင်ငံ ဝေဟင်ပိုင်နက်ဒရုန်းအရေးကိစ္စနှင့် စပ်လျဉ်း၍ ထိန်းထိန်းသိမ်းသိမ်း လုပ်ဆောင်ရန် တရုတ်ကိုယ်စားလှယ် တိုက်တွန်း

ကုလသမဂ္ဂ၊ စက်တင်ဘာ ၁၃ ရက် (ဆင်ဟွာ)
ကုလသမဂ္ဂဆိုင်ရာ တရုတ်နိုင်ငံ အမြဲတမ်း ကိုယ်စားလှယ်အဖွဲ့ ယာယီတာဝန်ခံ ကိန်းစွမ်က စက်တင်ဘာ ၁၂ ရက်တွင် ကုလသမဂ္ဂ လုံခြုံရေးကောင်စီက ပိုလန်ဝေဟင်ပိုင်နက် ဒရုန်းအရေးကိစ္စအကြောင်း စစ်ဆေးဆွေးနွေးမှုအတွင်း ပါဝင်ဆွေးနွေးရာ၌ ဘက်အသီးသီးအနေဖြင့် နားလည်မှုလွဲခြင်းနှင့် ဆုံးဖြတ်ချက်မှားခြင်းတို့မှ ရှောင်ကြဉ်နိုင်ရန်အတွက် တည်တည်ငြိမ်ငြိမ် ထိန်းထိန်းသိမ်းသိမ်း လုပ်ဆောင်ရန် တိုက်တွန်းကြောင်း ပြောကြားခဲ့သည်။
တရုတ်နိုင်ငံအနေဖြင့် နိုင်ငံအသီးသီးက “ကုလသမဂ္ဂ ပဋိညာဉ်စာတမ်း” ၏ ရည်ရွယ်ချက်နှင့် အခြေခံမူကို လိုက်နာ၍ နိုင်ငံတကာဆက်ဆံရေးအား စီမံရန် အစဉ်အမြဲ လက်ကိုင်ထားကြောင်း ကိန်းစွမ်က ပြောကြားခဲ့သည်။
တရုတ်နိုင်ငံက ပိုလန်၊ ရုရှား၊ ဘီလာရုစ် စသည့် သက်ဆိုင်ရာ ဘက်အသီးသီးအနေဖြင့် လတ်တလောကာလအတွင်း ဒရုန်းကိစ္စရပ်နှင့်စပ်လျဉ်း၍ သဘောထားဖော်ပြမှုနှင့် တုံ့ပြန်မှုအား သတိပြုမိကြောင်း၊ ဘက်အသီးသီးအနေဖြင့် တည်တည်ငြိမ်ငြိမ် ထိန်းထိန်းသိမ်းသိမ်း လုပ်ဆောင်ရန်၊ ဆွေးနွေးညှိနှိုင်းမှုဖြင့် အငြင်းပွားမှုအား လျော်ကန်စွာ ဖြေရှင်းရန်၊ နားလည်မှုလွဲခြင်းနှင့် ဆုံးဖြတ်ချက်မှားခြင်းတို့မှ ရှောင်ကြဉ်ရန်၊ အခြေအနေ တိုးချဲ့အဆင့်မြင့်တက်ခြင်းအား တားဆီးရန် တိုက်တွန်းလိုကြောင်း၊ လက်ရှိအခြေအနေတွင် နားလည်မှုလွဲမှု၊ ဆုံးဖြတ်ချက်မှားမှု မှန်သမျှက ယုံကြည်မှုလိုအပ်ချက်ကို ပို၍ဆိုးရွားစေနိုင်ကြောင်း၊ အတိုက်အခံပြုလုပ်သည့် ပြောဆိုချက်မှန်သမျှသည် အခြေအနေ အဆင့်မြင့်တက်လာစေရန် လှုံ့ဆော်ပေးနိုင်ကြောင်း၊ စစ်ရေးအရပွတ်တိုက်မှုမှန်သမျှသည် ပိုမိုပမာဏကြီးမားသော လှုပ်ခတ်မှုများ ဖြစ်စေနိုင်ကြောင်း ၎င်းက ပြောကြားခဲ့သည်။
ယခုအကြိမ် ဒရုန်းအရေးကိစ္စသည် ယူကရိန်းအကျပ်အတည်း၏ ပြင်ပသို့လျှံထွက်လာမှုရလဒ်ဖြစ်ကြောင်း၊ လက်ရှိ နိုင်ငံတကာအသိုင်းအဝိုင်း အလိုအပ်ဆုံးမှာ စေတနာဖြစ်ပြီး ရန်လိုမှုမဟုတ်ကြောင်း၊ စိတ်တူကိုယ်တူ လျှောက်လှမ်းခြင်းဖြစ်ပြီး စစ်ရေးအရ အတိုက်အခံပြုလုပ်မှု မဟုတ်ကြောင်း၊ အခြေအနေ ပြေလျော့လာရန်ဖြစ်ပြီး တင်းမာမှု အဆင့်မြင့်တက်လာရန် မဟုတ်ကြောင်း ၎င်းက ပြောကြားခဲ့သည်။
တရုတ်နိုင်ငံအနေဖြင့် ဘက်အသီးသီးက “စစ်မျက်နှာစာ ပြင်ပသို့ မယိုစိမ့်ခြင်း၊ စစ်ပွဲအခြေအနေ အဆင့်မြင့်တက်မှု မရှိခြင်း၊ ဘက်အသီးသီးက လှုံ့ဆော်မှုမလုပ်ခြင်း” ဟူသည့် အခြေခံမူ ၃ ရပ်ကို လိုက်နာ၍ အခြေအနေ ပြေလျော့လာခြင်းအား အမြန်ဆုံး တွန်းအားပေးရန်၊ သက်ဆိုင်ရာဘက်က နိုင်ငံရေးဆန္ဒဖော်ပြ၍ ငြိမ်းချမ်းရေးဆွေးနွေးမှု အလားအလာကို ထိန်းသိမ်းထားကာ သဘောတူညီချက်များ စဉ်ဆက်မပြတ် စုစည်းပြီး ငြိမ်းချမ်းရေးသဘောတူညီချက် ဆောလျင်စွာရရှိမှုအတွက် ကြိုးပမ်းရန် တိုက်တွန်းလိုကြောင်း၊ နိုင်ငံတကာအသိုင်းအဝိုင်းနှင့် ဒေသတွင်းနိုင်ငံများအနေဖြင့် ယင်းအတွက် အပြုသဘောဆောင်သည့် အနေအထား တည်ဆောက်ပေးကာ အကျိုးရှိသည့်ပတ်ဝန်းကျင် ဖန်တီး၍ လိုအပ်သောအကူအညီများ ပေးအပ်သွားရန် တိုက်တွန်းလိုကြောင်း ၎င်းက ပြောကြားခဲ့သည်။
တရုတ်နိုင်ငံက ယူကရိန်းအရေးကိစ္စ၌ ရပ်တည်ချက်သည် ဓမ္မဓိဋ္ဌာန်ကျ၍ တရားမျှတကာ တစ်သမတ်တည်းဖြစ်ကြောင်း၊ ယင်းမှာ ငြိမ်းချမ်းရေးဆွေးနွေးရန် တိုက်တွန်းခြင်း၊ နိုင်ငံရေးအရ ဖြေရှင်းခြင်းပင်ဖြစ်ကြောင်း၊ တရုတ်နိုင်ငံအနေဖြင့် အစဉ်အမြဲ ငြိမ်းချမ်းရေးအတွက် ကြိုးပမ်းသွားလာကာ ဆွေးနွေးမှုမြှင့်တင်ရန် ကြိုးပမ်းနေကြောင်း၊ တရုတ်နိုင်ငံက နိုင်ငံတကာအသိုင်းအဝိုင်းနှင့်အတူ အကျပ်အတည်းအား ဆောလျင်စွာ နိုင်ငံရေးအရ ဖြေရှင်းမှုကို တွန်းအားပေးရန်အတွက် အပြုသဘောဆောင်သည့် အခန်းကဏ္ဍမှ ပါဝင်သွားလိုကြောင်း ကိန်းစွမ်က ပြောကြားခဲ့သည်။ (Xinhua)

————————
(Chinese Version)
中国代表呼吁各方在波兰领空无人机事件上保持克制
新华社联合国9月12日电　中国常驻联合国副代表耿爽12日在安理会审议波兰领空无人机事件时发言，呼吁各方保持冷静克制，避免发生误解误判。
耿爽说，中方一贯主张各国遵循《联合国宪章》宗旨和原则处理国际关系。中方注意到波兰、俄罗斯、白俄罗斯等有关各方近日围绕无人机事件的表态和反应，呼吁各方保持冷静克制，通过对话协商妥善解决争端，避免发生误解误判，防止事态扩大升级。在当前形势下，任何误解误判都将加剧信任赤字，任何对抗言论都可能刺激局势升级，任何军事摩擦都可能引发更大范围的动荡。
他说，此次无人机事件是乌克兰危机的外溢结果。当前国际社会最需要的是善意而不是敌视，是相向而行而不是军事对抗，是局势缓和而不是紧张升级。中方呼吁各方遵守“战场不外溢、战事不升级、各方不拱火”三原则，尽快推动局势降温；呼吁当事方展现政治意愿，保持和谈势头，持续积累共识，争取早日达成和平协议；呼吁国际社会和地区国家为此营造积极氛围，创造有利条件，提供必要帮助。
耿爽说，中国在乌克兰问题上的立场客观公正、一以贯之，那就是劝和促谈、政治解决。中方一直为和平奔走、为促谈努力。中方愿继续同国际社会一道，为推动危机早日政治解决发挥建设性作用。（完）
图说：9月5日，在位于纽约的联合国总部，中国常驻联合国代表团临时代办耿爽在联大全会介绍决议草案。新华社记者 谢锷 摄