တရုတ်နိုင်ငံနှင့် ဥရောပအနေဖြင့် ရာစုနှစ်တစ်ခုအတွင်း အကြီးမားဆုံး အပြောင်းအလဲများကြားတွင် မှန်ကန်သော ရွေးချယ်မှုများကို ပြုလုပ်သင့်ဟု တရုတ်နိုင်ငံခြားရေးဝန်ကြီး ပြောကြား

လူဘီအာနာ၊ စက်တင်ဘာ ၁၄ ရက် (ဆင်ဟွာ)
တရုတ်နိုင်ငံအနေဖြင့် နိုင်ငံတကာအခြေအနေအား တည်ငြိမ်မှုနှင့် ပိုမိုခိုင်မာသည့် အပြုသဘော အင်အားများကို ပိုမိုဖြည့်တင်းပေးနိုင်ရေး၊ ကမ္ဘာကြီးအတွက် ပိုမိုအလားအလာကောင်းမွန်သော အနာဂတ်ကို ဖန်တီးရေးအတွက် ဆလိုဗေးနီးယား အပါအဝင် ဥရောပနိုင်ငံများနှင့် လက်တွဲလုပ်ဆောင်သွားမည်ဖြစ်ကြောင်း တရုတ်နိုင်ငံ ထိပ်တန်းသံတမန်က စက်တင်ဘာ ၁၃ ရက်၌ ပြောကြားခဲ့သည်။
ဆလိုဗေးနီးယားနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး တန်ဂျာ ဖာဂျွန်နှင့် တွေ့ဆုံဆွေးနွေးမှုအပြီးတွင် တရုတ်နိုင်ငံခြားရေးဝန်ကြီး ဝမ်ရိက အထက်ပါအတိုင်း ပြောကြားခဲ့ခြင်းဖြစ်သည်။
နှစ်နိုင်ငံကြား ဆွေးနွေးမှုများမှာ ကျယ်ကျယ်ပြန့်ပြန့်နှင့် ခြေခြေမြစ်မြစ်ရှိခဲ့ပြီး ကျယ်ပြန့်သည့် သဘောတူညီမှုများ ရရှိခဲ့သည်ဟု တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အဖွဲ့ဝင်လည်းဖြစ်သူ ဝမ်က အလေးအနက်ပြောကြားခဲ့သည်။
တရုတ်နိုင်ငံမှာ ဆလိုဗေးနီးယားနိုင်ငံနှင့် သံတမန်ဆက်ဆံရေး ထူထောင်ခဲ့သည့် အစောဆုံးနိုင်ငံများထဲတွင် ပါဝင်ကာ တရုတ်နိုင်ငံက အစဉ်တစိုက် ကျင့်သုံးခဲ့သည့် အစဉ်အလာ သံတမန်နည်းလမ်းမှာ နိုင်ငံကြီးငယ်မဟူ နိုင်ငံအားလုံး တန်းတူညီမျှရှိရေးပင်ဖြစ်ကြောင်း ဝမ်က ဆိုသည်။
နှစ် ၃၀ ကျော် ကာလအတွင်း နိုင်ငံတကာအခြေအနေ မည်သို့ပင်ပြောင်းလဲစေကာမူ တရုတ်နိုင်ငံအနေဖြင့် စဉ်ဆက်မပြတ်တည်တံ့၍ တည်ငြိမ်သော နိုင်ငံခြားရေးမူဝါဒကို ထိန်းသိမ်းခဲ့ကြောင်း၊ တရုတ်နိုင်ငံအနေဖြင့် ဆလိုဗေးနီးယားနိုင်ငံအား အစဉ်အမြဲ သာတူညီမျှ ဆက်ဆံကာ ချစ်ကြည်ရင်းနှီးမှု၊ ပူးပေါင်းဆောင်ရွက်မှုနှင့် အပြန်အလှန် အကျိုးဖြစ်ထွန်းမှုတို့ကို အားပေးမြှင့်တင်လျက် နိုင်ငံအရွယ်အစားမရွေး၊ လူမှုစနစ်မရွေး နိုင်ငံအားလုံး သဟဇာတဖြစ်စွာ အတူယှဉ်တွဲနေထိုင်နိုင်သည့် စံနမူနာတစ်ခုကို ချမှတ်နိုင်ခဲ့ကြောင်း ဝမ်က ပြောကြားခဲ့သည်။
တရုတ်နိုင်ငံနှင့် ဆလိုဗေးနီးယားနိုင်ငံတို့မှာ အပြန်အလှန် ယုံကြည်အားကိုးရသည့် မိတ်ဆွေများ၊ မိတ်ဖက်များဖြစ်သည်ကို အချိန်ကာလက အပြည့်အဝ သက်သေပြုခဲ့သည်ဟု ၎င်းက ဆိုသည်။ လူဘီအာနာမြို့လယ်ရှိ အထိမ်းအမှတ်အဆောက်အအုံမှာ တရုတ်-ဆလိုဗေးနီးယား ချစ်ကြည်ရင်းနှီးမှုအား ထင်ထင်ရှားရှား ပြသလျက်ရှိကြောင်း၊ တရုတ်နိုင်ငံအနေဖြင့် နယ်ပယ်အသီးသီးတွင် လက်တွေ့ကျသော ပူးပေါင်းဆောင်ရွက်မှုများကို စဉ်ဆက်မပြတ် ခိုင်မာအောင်လုပ်ဆောင်ရေး၊ နှစ်နိုင်ငံ ပြည်သူများအတွက် အကျိုးကျေးဇူးများကို ပိုမိုဖန်တီးပေးရေး၊ တရုတ်-ဆလိုဗေးနီးယား ချစ်ကြည်ရင်းနှီးမှု မော်ကွန်းသစ် ရေးထိုးနိုင်ရေးအတွက် ဆလိုဗေးနီးယားနိုင်ငံနှင့် လက်တွဲလုပ်ဆောင်ရန် ဆန္ဒရှိကြောင်း ဝမ်က ပြောကြားသည်။
ယခုနှစ်သည် ကမ္ဘာ့ဖက်ဆစ်တော်လှန်ရေးစစ်ပွဲ အောင်နိုင်ခြင်း နှစ် ၈၀ ပြည့် အထိမ်းအမှတ်ဖြစ်ကာ တရုတ်ပြည်သူများ၏ ဖက်ဆစ်ဂျပန် ခုခံတော်လှန်ရေးစစ်ပွဲမှာ တစ်ကမ္ဘာလုံးအတိုင်းအတာအားဖြင့် အစောဆုံးနှင့် အချိန်အကြာဆုံးဖြစ်ခဲ့ပြီး တပ်ဖွဲ့ဝင်နှင့် အရပ်သား ၃၅ သန်း သေဆုံး/ဒဏ်ရာရရှိခဲ့သည်။
တရုတ်ပြည်သူများက အာရှတိုက်၏ အဓိကစစ်မျက်နှာတွင် ဂျပန်တို့၏ စစ်ဝါဒကို အောင်နိုင်ခဲ့ပြီး ယင်းတို့အား ဥရောပရှိ ဖက်ဆစ်အင်အားစုများနှင့် ပူးပေါင်းနိုင်ခြင်းမရှိအောင် ဟန့်တားနိုင်ခဲ့သည့်အတွက် ဒုတိယကမ္ဘာစစ် အဆုံးသတ်အောင်ပွဲအတွက် အရေးပါ‌သော အကျိုးထမ်းဆောင်မှုကို ပြုလုပ်နိုင်ခဲ့သည်ဟု ဝမ်က ပြောကြားခဲ့သည်။ (Xinhua)
သတင်းအပြည့်အစုံကို ဖော်ပြပါလင့်ခ်မှတစ်ဆင့် ဝင်ရောက်ဖတ်ရှုနိုင်ပါသည်။
https://english.news.cn/europe/20250914/4640eba42fa94455912d87abecad7cb8/c.html

တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ တရုတ်နိုင်ငံခြားရေးဝန်ကြီး ဝမ်ရိနှင့် ဆလိုဗေးနီးယားနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး တန်ဂျာ ဖာဂျွန်တို့ ဆလိုဗေးနီးယားနိုင်ငံ လူဘီအာနာမြို့တွင် ၂၀၂၅ ခုနှစ် စက်တင်ဘာ ၁၃ ရက်က တွေ့ဆုံဆွေးနွေးနေစဉ် (ဆင်ဟွာ)

………………….
(English Version)
China, Europe should make right choices amid greatest changes in a century: FM
LJUBLJANA, Sept. 13 (Xinhua) — China is willing to work with European countries, including Slovenia, to inject more stability and stronger positive energy into the international situation and create a brighter future for the world, China’s top diplomat said here Saturday.
Chinese Foreign Minister Wang Yi made the remarks after talks with Tanja Fajon, deputy prime minister and foreign minister of Slovenia.
Wang, also a member of the Political Bureau of the Communist Party of China Central Committee, noted that the talks between the two sides were comprehensive and in-depth, with broad consensus reached.
He said that China was among the first countries to establish diplomatic relations with Slovenia, and a consistent tradition of China’s diplomacy is that all countries, big or small, are equal.
For more than 30 years, no matter how the international situation has changed, China has maintained the continuity and stability of its foreign policy. Wang said that China has always treated Slovenia as an equal, fostering friendship, cooperation and mutual benefit, which sets an example of how countries of different sizes and social systems can coexist in harmony.
He said that time has fully proved that China and Slovenia are trustworthy friends and partners to each other. A monument stands in central Ljubljana as a vivid portrayal of the friendship between China and Slovenia. China is willing to work with Slovenia to continuously strengthen practical cooperation in various fields, bring more benefits to the two peoples and write a new chapter of China-Slovenia friendship.
This year marks the 80th anniversary of the victory of the World Anti-Fascist War. Globally, the Chinese people’s resistance against aggression began the earliest and lasted the longest, with 35 million military and civilian casualties.
Wang said that Chinese people defeated Japanese militarism on the main battlefield in Asia and prevented them from joining forces with the fascist forces in Europe, making an important contribution to the ultimate victory of World War II.
https://english.news.cn/europe/20250914/4640eba42fa94455912d87abecad7cb8/c.html
English Caption 1
Chinese Foreign Minister Wang Yi, also a member of the Political Bureau of the Communist Party of China Central Committee, and Slovenian Deputy Prime Minister and Foreign Minister Tanja Fajon meet the press after their talks in Ljubljana, Slovenia, Sept. 13, 2025. (Xinhua/Li Jing)
English Caption 2
Chinese Foreign Minister Wang Yi, also a member of the Political Bureau of the Communist Party of China Central Committee, holds talks with Slovenian Deputy Prime Minister and Foreign Minister Tanja Fajon in Ljubljana, Slovenia, Sept. 13, 2025. (Xinhua/Li Jing)