တရုတ်အမျိုးသမီးများက သိပ္ပံ-နည်းပညာ ဆန်းသစ်တီထွင်မှုတွင် ကြီးမားသော အခန်းကဏ္ဍမှ ပါဝင်လျက်ရှိဟု ဝမ်ရာ့ဖိန် ပြော

ပေကျင်း၊ စက်တင်ဘာ ၂၀ ရက် (ဆင်ဟွာ)
တရုတ်အမျိုးသမီးများသည် နိုင်ငံမှ အသင်းအဖွဲ့ဆိုင်ရာနှင့် မူဝါဒပိုင်းဆိုင်ရာ ပံ့ပိုးပေးမှုမှတစ်ဆင့် သိပ္ပံနှင့် နည်းပညာဆန်းသစ်တီထွင်မှုတွင် ကြီးမားသော အခန်းကဏ္ဍမှ ပါဝင်လျက်ရှိကြောင်း တရုတ်အာကာသယာဉ်မှူးလည်းဖြစ်၊ တရုတ်နိုင်ငံလုံးဆိုင်ရာ အမျိုးသမီးအဖွဲ့ချုပ် အချိန်ပိုင်း ဒုတိယဥက္ကဋ္ဌလည်း ဖြစ်သူ ဝမ်ရာ့ဖိန်က စက်တင်ဘာ ၁၉ ရက်၌ ပြုလုပ်သည့် သတင်းစာရှင်းလင်းပွဲ၌ ပြောကြားခဲ့သည်။
တရုတ်နိုင်ငံ အမျိုးသား သဘာဝသိပ္ပံဖောင်ဒေးရှင်းက အမျိုးသမီးလျှောက်ထားသူများအတွက် အသက်ကန့်သတ်ချက်ကို ဖြေလျှော့ပေးခြင်း၊ သုတေသနအဖွဲ့အစည်းများက ကလေးပြုစုစောင့်ရှောက်ရေးထောက်ပံ့ကြေးများ ပြဋ္ဌာန်းချက်များ ရှာဖွေပေးခြင်းနှင့် အလုပ်ချိန်များ လိုက်လျောညီထွေပြုလုပ်ပေးခြင်း အပါအဝင် ပံ့ပိုးမှုများ ပေးခဲ့ကြောင်း တရုတ်နိုင်ငံ၏ ရှန်ကျိုး-၁၀ နှင့် ရှန်ကျိုး-၁၃ မစ်ရှင်များ၌ အဖွဲ့ဝင်တစ်ဦးဖြစ်ခဲ့ပြီး တရုတ်နိုင်ငံ၏ အာကာသစခန်းသို့ ဝင်ရောက်ခဲ့သည့် ပထမဆုံး အမျိုးသမီး အာကာသယာဉ်မှူး တစ်ဦးလည်း ဖြစ်သူ ဝမ်က ပြောကြားခဲ့သည်။
ထိုသို့စီမံဆောင်ရွက်မှုများသည် သိပ္ပံနှင့် နည်းပညာကဏ္ဍ၌ အလုပ်လုပ်ကိုင်နေသော အမျိုးသမီးများအနေဖြင့် ကလေးများနှင့် မိသားစုများအား ပြုစုစောင့်ရှောက်ရမည့် ဖိအားကို လျှော့ချပေးလိုက်ခြင်းဖြစ်ပြီး သုတေသနလုပ်ငန်းများ၌ ၎င်းတို့၏ စိတ်အားထက်သန်စွာ နှစ်မြုပ်လုပ်ကိုင်ရာတွင် ပံ့ပိုးပေးခြင်းဖြစ်သလို ၎င်းတို့အား မိသားစုနှင့် လုပ်ငန်းခွင် ချိန်ညှိနိုင်ခွင့်ပေးခြင်းလည်း ဖြစ်ကြောင်း ၎င်းက ဆိုသည်။
“ခေတ်သစ်တွင် အမျိုးသမီးများ ဘက်စုံဖွံ့ဖြိုးတိုးတက်မှုဆိုင်ရာ တရုတ်နိုင်ငံ၏ အောင်မြင်မှုများ” ဟု အမည်ပေးထားသည့် စက္ကူဖြူစာတမ်းနှင့် စပ်လျဉ်း၍ နိုင်ငံတော်ကောင်စီ ပြန်ကြားရေးရုံးက အဆိုပါ သတင်းစာရှင်းလင်းပွဲအား ကျင်းပခဲ့ခြင်း ဖြစ်သည်။
တရုတ်နိုင်ငံသည် နိုင်ငံအဆင့် စီမံကိန်းများတာဝန်ယူဆောင်ရွက်ခြင်းနှင့် ဆုံးဖြတ်ချက်ချမှတ်ခြင်းများ၌ သိပ္ပံနှင့် နည်းပညာ အမျိုးသမီးလူရည်ချွန်များအား ပံ့ပိုးကူညီရန်၊ ၎င်းတို့၏ အကဲဖြတ်မှုနှင့် စိတ်အားတက်ကြွဖွယ် လုပ်ထုံးလုပ်နည်းများ တိုးတက်မှုရှိစေရန် စီမံဆောင်ရွက်မှုများစွာ ဖော်ဆောင်ခဲ့ကြောင်း ထိုစက္ကူဖြူစာတမ်းအရ သိရသည်။
သာဓကအားဖြင့် တရုတ်နိုင်ငံ အမျိုးသား သဘာဝသိပ္ပံဖောင်ဒေးရှင်းက လူငယ်အမျိုးသမီး သိပ္ပံပညာရှင်များအစီအစဉ်၌ အမျိုးသမီးလျှောက်ထားသူများတွက် အသက်ကန့်သတ်ချက် ဖြေလျှော့ပေးခဲ့ကာ အမျိုးမျိုးသောကဏ္ဍများ၌ အမျိုးသားလျှောက်ထားသူများနှင့် နှိုင်းယှဉ်ပါက အသက်အရွယ်အား နှစ်နှစ်မှ ငါးနှစ်အထိ တိုးမြှင့်သတ်မှတ်ပေးခဲ့ခြင်း ဖြစ်သည်။
ထို့ပြင် တရုတ်နိုင်ငံက ကျားမတန်းတူညီမျှမှု လူမှုရေးဆိုင်ရာပတ်ဝန်းကျင်နှင့်စပ်လျဉ်း၍လည်း မှတ်ချက်ပြုခဲ့သည်။ “ကျားမတန်းတူညီမျှရှိတယ်ဆိုတဲ့ သဘောတရားက ကျွန်မအနေနဲ့ အာကာသခရီးမစ်ရှင် နှစ်ခုလိုက်ပါနိုင်ဖို့နဲ့ ကျွန်မရဲ့ အိပ်မက်တွေကိုလည်း ဖော်ဆောင်နိုင်ဖို့ အခွင့်အရေးတွေ ရခဲ့တာပါပဲ” ဟု ၎င်းက ဆိုသည်။

ထို့ပြင် စက္ကူဖြူစာတမ်းတွင် တရုတ်နိုင်ငံက အမျိုးသမီး သိပ္ပံနှင့် နည်းပညာရှင် လူရည်ချွန်အရေအတွက် တဖြည်းဖြည်း မြင့်တက်လာခြင်းကို ဖော်ပြထားသလို ထိုကဲ့သို့ လူရည်ချွန်များ တည်ဆောက်ပျိုးထောင်မှုကလည်း စဉ်ဆက်မပြတ် ကောင်းမွန်လျက်ရှိကာ စွမ်းဆောင်မှုများကလည်း သိသိသာသာ တိုးတက်လာခဲ့ကြောင်း သိရသည်။
၂၀၂၄ ခုနှစ်အတွင်း သုတေသနနှင့် ဖွံ့ဖြိုးမှုကဏ္ဍ၌ အမျိုးသမီးဦးရေ ၂.၈၄၆ သန်း ရှိရာ ၂၀၁၂ ခုနှစ်က ရှိခဲ့သည့် အရေအတွက် ၁.၆၉၂ သန်းမှ တိုးတက်လာခဲ့ခြင်း ဖြစ်ကြောင်း စက္ကူဖြူစာတမ်းအရ သိရသည်။
ထို့အတူ ယခုအခါ တရုတ်နိုင်ငံ၏ သိပ္ပံ-နည်းပညာဝန်ထမ်းများ၏ ၄၅.၈ ရာခိုင်နှုန်းမှာ အမျိုးသမီးများ ဖြစ်ရာ သိပ္ပံ-နည်းပညာ တီထွင်ဆန်းသစ်မှုနယ်ပယ်များကို အရေးပါသော အကျိုးထမ်းဆောင်မှုများ စွမ်းဆောင်ပေးလျက်ရှိခြင်းကို ဖော်ပြနေခြင်းလည်း ဖြစ်သည်။ (Xinhua)

……………………………………..
(English Version)
Chinese women playing greater role in sci-tech innovation: astronaut Wang Yaping
BEIJING, Sept. 19 (Xinhua) — Chinese women are playing a greater role in sci-tech innovation through institutional and policy support from the country, said Chinese astronaut Wang Yaping, also a part-time vice president of the All-China Women’s Federation, at a press conference on Friday.
Supports include the National Natural Science Foundation of China easing the age limit for female applicants, and research institutions exploring the provision of child care subsidies and flexible working times, said Wang, who was a crew member on China’s Shenzhou-10 and Shenzhou-13 missions, and the first female astronaut to enter China’s space station.
These measures reduce the pressure to take care of children and families that women working in science and technology experience, support their devotion to research work, and allow them to balance family and career, she said.
The press conference was held by State Council Information Office and concerned a white paper titled, “China’s Achievements in Women’s Well-Rounded Development in the New Era.”
According to the white paper, China has brought in a series of measures to support female sci-tech talent in undertaking national projects and participating in decision-making, and to improve their evaluation and incentive mechanisms.
For example, the National Natural Science Foundation of China has eased the age limit for female applicants to young scientist programs, extending it by two to five years compared to male applicants in different categories.
Wang also noted that China has a societal atmosphere of gender equality. “It is the concept of gender equality that has given me the opportunity to carry out two space flight missions and realize my dreams,” she said.
The white paper shows that the amount of female sci-tech talent in China has gradually increased, the structure of that talent pool has been continuously optimized, and capabilities have improved significantly.
According to the white paper, there were 2.846 million women in the research and development sector in 2024 — an increase of 1.692 million from 2012.
It also shows that women now account for 45.8 percent of China’s sci-tech workers, making important contributions to the frontiers of sci-tech innovation.