လီချန်နှင့် မြောက်ကိုရီးယားနိုင်ငံခြားရေးဝန်ကြီး Choe Son-hui တွေ့ဆုံဆွေးနွေး

ပေကျင်း၊ စက်တင်ဘာ ၂၉ ရက် (ဆင်ဟွာ)
တရုတ်နိုင်ငံ နိုင်ငံတော်ကောင်စီ ဝန်ကြီးချုပ် လီချန်သည် မြောက်ကိုရီးယားနိုင်ငံ နိုင်ငံခြားရေးဝန်ကြီး Choe Son-hui နှင့် စက်တင်ဘာ ၂၉ ရက် နံနက်ပိုင်းက ပေကျင်းမြို့ပြည်သူ့ခန်းမာဆောင်တွင် တွေ့ဆုံဆွေးနွေးခဲ့သည်။

ထိုသို့တွေ့ဆုံရာတွင် လီချန်က တရုတ်-မြောက်ကိုရီးယားသည် တောတောင်ရေမြေချင်းဆက်စပ်နေသည့် အိမ်နီးချင်းဖြစ်သလို ခေတ်အဆက်ဆက်ချစ်ကြည်ရင်းနှီးမှုရှိကြရာ အချိန်ကာလကြာလာသည့်နှင့်အမျှ ခိုင်မာမြဲမြံ၍ နက်ရှိုင်းသည့် ချစ်ကြည်ရေး ရှိကြောင်း၊ ယခုလဆန်းပိုင်းတွင် အထွေထွေအတွင်းရေးမှူးချုပ် ရှီကျင့်ဖိန်နှင့် အထွေထွေအတွင်းရေးမှူးချုပ် ကင်ဂျုံအန်းတို့ ပေကျင်းမြို့၌ တွေ့ဆုံဆွေးနွေးကြရာ တရုတ်-မြောက်ကိုရီးယား ချစ်ကြည်ရင်းနှီးသော ပူးပေါင်းဆောင်ရွက်မှုဆက်ဆံရေး တိုးတက်နက်ရှိုင်းစေရေးနှင့်စပ်လျဉ်း၍ အရေးကြီးသဘောတူညီချက်များ ရရှိခဲ့ပါကြောင်း၊ တရုတ်နိုင်ငံက တရုတ်-မြောက်ကိုရီးယား ဆက်ဆံရေး ဖွံ့ဖြိုးတိုးတက်မှုအပေါ် မြင့်မားသည့်မဟာဗျူဟာနှင့် ရေရှည်ရှုထောင့်မှ အစဉ်အမြဲ ရှုမြင်၍ တွန်းအားပေးလျက်ရှိသလို နှစ်ပါတီ၊ နှစ်နိုင်ငံ ထိပ်တန်းခေါင်းဆောင်များ၏ သဘောတူညီချက်များကို မြောက်ကိုရီးယားနှင့်အတူဖော်ဆောင်သွားရန်၊ အစဉ်အလာချစ်ကြည်ရေးကို တစ်ဆင့်တိုးမြှင့်တင်ရန်၊ မဟာဗျူဟာညှိနှိုင်းဆွေးနွေးမှုကို အားဖြည့်ရန်၊ နှစ်နိုင်ငံ ဆိုရှယ်လစ်ဝါဒလုပ်ငန်းများအား အတူတကွ တွန်းအားပေးရန်၊ နှစ်နိုင်ငံ ပြည်သူများ၏ အကျိုးစီးပွားကို ပိုမိုကောင်းမွန်စွာ ဖော်ဆောင်ရန် ဆန္ဒရှိကြောင်း ပြောကြားခဲ့သည်။

တရုတ်နိုင်ငံသည် မြောက်ကိုရီးယားနှင့်အတူ နီးကပ်သော အလွှာစုံကူးလူးဖလှယ်တုံ့ပြန်မှုများ ဆောင်ရွက်ကာ အပြန်အလှန် နားလည်မှုနှင့် ချစ်ကြည်ရေး နက်ရှိုင်းစေရန်၊ ကဏ္ဍစုံလက်တွေ့ပူးပေါင်းဆောင်ရွက်မှုများ လုပ်ဆောင်ရန်၊ ဘုံဖွံ့ဖြိုးတိုးတက်ရေးကို အတူလက်တွဲမြှင့်တင်သွားရန် ဆန္ဒရှိကြောင်း လီချန်က ထောက်ပြ ပြောကြားခဲ့သည်။
တရုတ်နိုင်ငံ ဗဟိုအကျိုးစီးပွားနှင့် အရေးကြီးဂရုပြုမှုများနှင့်စပ်လျဉ်း၍ မြောက်ကိုရီးယားနိုင်ငံက တရုတ်နိုင်ငံအား အစဉ်အမြဲ အခိုင်အမာ ထောက်ခံအားပေးသည့်အပေါ် တရုတ်နိုင်ငံက တန်ဖိုးထားကြောင်း၊ မြောက်ကိုရီးယားနိုင်ငံနှင့်အတူ ညှိနှိုင်းပူးပေါင်းဆောင်ရွက်မှုများ ဆက်လက်နက်ရှိုင်းစေပြီး တရုတ်-မြောက်ကိုရီးယား ဘုံအကျိုးစီးပွားကို ပိုမိုကောင်းမွန်စွာ ကာကွယ်ထိန်းသိမ်းသွားလိုကြောင်း၊ နှစ်နိုင်ငံ နိုင်ငံခြားရေးရာဌာနများ ချိတ်ဆက်မှုကို မြှင့်တင်ရန်၊ ကဏ္ဍစုံလုပ်ငန်းများ တည်ငြိမ်စွာ တွန်းအားပေးဆောင်ရွက်ရန် မျှော်လင့်ကြောင်း ၎င်းက ပြောကြားခဲ့သည်။

Choe Son-hui က နှစ်ပါတီ၊ နှစ်နိုင်ငံ ထိပ်တန်းခေါင်းဆောင်များသည် အနက်အဓိပ္ပာယ်နှင့် ရလဒ် ပြည့်ဝသည့် အရေးကြီးဆွေးနွေးပွဲကို မကြာသေးမီက ကျင်းပခဲ့ရာ မြောက်ကိုရီးယား-တရုတ် ဆက်ဆံရေး တိုးတက်ဖွံ့ဖြိုးရန်အတွက် ဦးတည်ချက်အား လမ်းညွှန်ပြသခဲ့ကြောင်း ပြောကြားခဲ့သည်။
တရုတ်နိုင်ငံနှင့် ဆက်ဆံရေးကို ခိုင်မာတိုးတက်အောင် ဆောင်ရွက်ရန်မှာ မြောက်ကိုရီးယားနိုင်ငံ၏ မပြောင်းမလဲခိုင်မာမြဲမြံသည့် ရပ်တည်ချက်ဖြစ်သလို နှစ်နိုင်ငံနှင့် နှစ်နိုင်ငံပြည်သူများ၏ အခြေခံအကျိုးစီးပွားနှင့်ကိုက်ညီကြောင်း၊ အထွေထွေအတွင်းရေးမှူးချုပ် ရှီကျင့်ဖိန်၏ ထူးချွန်ထက်မြက်သည့် ဦးဆောင်မှုအောက်တွင် တရုတ်နိုင်ငံသည် ခေတ်မီအသွင်ပြောင်းတည်ဆောက်ရေးနှင့် အမျိုးသားပြန်လည်ဖွံ့ဖြိုးတိုးတက်ရေးအား တွန်းအားပေးသည့် လမ်းကြောင်းပေါ်တွင် အောင်မြင်မှုသစ်များ စဉ်ဆက်မပြတ် ရရှိရန် အလေးအနက်ဆုမွန်ကောင်းတောင်းပါကြောင်း၊ အထွေထွေအတွင်းရေးမှူးချုပ် ရှီကျင့်ဖိန် အဆိုပြုသည့် လူသားမျိုးနွယ် အေးအတူ ပူအမျှ အသိုက်အဝန်းတည်ဆောက်ရေး အယူအဆနှင့် ကမ္ဘာလုံးဆိုင်ရာအစီအမံကြီးလေးရပ်ကို မြောက်ကိုရီးယားအနေဖြင့် အပြည့်အဝထောက်ခံကြောင်း၊ ထိုင်ဝမ်၊ ရှင်းကျန်း၊ ရှီးဇန့်၊ ဟောင်ကောင်စသည့် တရုတ်နိုင်ငံ ဗဟိုအကျိုးစီးပွားနှင့်စပ်လျဉ်းသည့် ကိစ္စရပ်များတွင် တရုတ်နိုင်ငံ၏ ရပ်တည်ချက်ကို ဆက်လက်၍ အခိုင်အမာ ထောက်ခံအားပေးသွားမည်ဖြစ်ကြောင်း၊ မြောက်ကိုရီးယားနိုင်ငံအနေဖြင့် တရုတ်နိုင်ငံနှင့်အတူ နှစ်ပါတီ၊ နှစ်နိုင်ငံ ထိပ်တန်းခေါင်းဆောင်များ၏ အရေးကြိးသဘောတူညီချက်များကို အတူတကွ ဖော်ဆောင်ရန်၊ အဆင့်မြင်အလွှာကူးလူးဖလှယ်မှုများ အားဖြည့်ရန်၊ နှစ်နိုင်ငံ နိုင်ငံခြားရေးဌာနများ ညှိနှိုင်းဆွေးနွေးကို အနီးကပ်ဆောင်ရွက်ရန်၊ လက်တွေ့ပူးပေါင်းဆောင်ရွက်မှုများကို မြှင့်တင်ရန်၊ ဘက်ပေါင်းစုံညှိနှိုင်းပူးပေါင်းဆောင်ရွက်မှုကို နက်ရှိုင်းစေရန် မျှော်လင့်ကြောင်း ၎င်းက ပြောကြားခဲ့သည်။ (Xinhua)

——————–
(Chinese Version)
李强会见朝鲜外相崔善姬
新华社北京9月29日电　9月29日上午，国务院总理李强在北京人民大会堂会见朝鲜外相崔善姬。
李强表示，中朝山水相邻、世代友好，有着历久弥坚的深厚友谊。这个月初，习近平总书记同金正恩总书记在北京举行会晤，就深化发展中朝友好合作关系达成重要共识。中方始终从战略高度和长远角度看待和推动中朝关系发展，愿同朝方一道落实两党两国最高领导人共识，进一步弘扬传统友好，加强战略沟通，共同推进两国社会主义事业，更好造福两国人民。
李强指出，中方愿同朝方密切各层级交流互动，加深相互了解和友谊，开展各领域务实合作，携手促进共同发展。中方赞赏朝方在涉及中国核心利益和重大关切问题上，始终给予中方坚定支持，愿同朝方继续深化协作，更好维护中朝共同利益。希望两国外交部门加强对接，稳步推进各项工作。
崔善姬表示，两党两国最高领导人不久前举行了富有意义和成果的重要会晤，为朝中关系发展指明了方向。巩固和发展对华关系是朝方坚定不移的立场，符合两国和两国人民的根本利益。衷心祝愿在习近平总书记英明领导下，中国在推进现代化建设和民族复兴的道路上不断取得新成就。朝方完全支持习近平总书记提出的构建人类命运共同体理念和四大全球倡议，将继续在台湾、涉疆、涉藏、涉港等涉及中国核心利益问题上坚定支持中方立场。朝方期待同中方共同落实两党两国最高领导人重要共识，加强高层往来，密切两国外交部门沟通，促进务实合作，深化多边协作。（完）