တရုတ်နိုင်ငံသားများအား နှောင့်ယှက်မှု၊ စစ်ဆေးမေးမြန်းမှု၊ နိုင်ငံရင်းသို့ ပြန်လည်ပို့ဆောင်မှုများအတွက် အမေရိကန်နိုင်ငံကို တရုတ်နိုင်ငံ ပြစ်တင်ရှုတ်ချ

ပေကျင်း၊ အောက်တိုဘာ ၁၁ ရက် (ဆင်ဟွာ)

အမေရိကန်အစိုးရ သက်ဆိုင်ရာဌာနများက တရုတ်နိုင်ငံသားများအား အကြောင်းမဲ့ နှောင့်ယှက်မှု၊ စစ်ဆေးမေးမြန်းမှုနှင့် နိုင်ငံရင်းသို့ ပြန်လည်ပို့ဆောင်မှု စသည့် လုပ်ဆောင်ချက်အပေါ် တရုတ်နိုင်ငံက ဆိုးရွားစွာ မကျေမနပ်ကြောင်းနှင့် ပြင်းထန်စွာ ပြစ်တင်ရှုတ်ချ ကြောင်း တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်က အောက်တိုဘာ ၁၀ ရက်က ပြောကြားလိုက်သည်။
မကြာသေးမီက တရုတ်နိုင်ငံသားနောက်တစ်ဦးမှာ အမေရိကန်နိုင်ငံအတွင်းသို့ ဝင်ရောက်လာစဉ် မှားယွင်းစွာ စစ်ဆေးထိန်းသိမ်းခံခဲ့ရသလို နိုင်ငံရင်းတရုတ်နိုင်ငံသို့ပြန်မပို့မီ ပုဂ္ဂိုလ်ရေးလွတ်လပ်ခွင့် ၄၈ နာရီကျော်ကြာ ကန့်သတ်ချုပ်ချယ်ခြင်းခံခဲ့ရသည်ဟု သတင်းများထွက်ပေါ်ခဲ့သည်။
အဆိုပါသတင်းများကို တုံ့ပြန်သည့်အနေဖြင့် တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ကောကျားခွန်းက ပုံမှန်သတင်းစာရှင်းလင်းပွဲတစ်ခုတွင် တရုတ်နိုင်ငံဘက်မှ ထပ်တလဲလဲနှင့် အလေးအနက်ပြောဆိုမှုများကို သက်ဆိုင်သော အမေရိကန်အစိုးရဌာနများက လျစ်လျူရှုကာ တရုတ်နိုင်ငံသားများအပေါ် အကြောင်းမရှိအကြောင်းရှာ နှောင့်ယှက်ခြင်း၊ စစ်ဆေးမေးမြန်းခြင်း၊ နိုင်ငံရင်းသို့ပြန်ပို့ခြင်းများကို ကြမ်းတမ်းသည့် တရားဥပဒေစိုးမိုးရေး နည်းလမ်းဖြင့် လုပ်ဆောင်နေကြကြောင်း ပြောကြားခဲ့ခြင်းဖြစ်သည်။
ထိုကဲ့သို့သောလုပ်ဆောင်မှုများမှာ တရုတ်နိုင်ငံသားများ၏ တရားဝင်အခွင့်အရေးများနှင့် အကျိုးစီးပွားများကိုသာမက ဂုဏ်သိက္ခာကိုပါ အကြီးအကျယ် ထိခိုက်ပျက်စီးစေသလို တရုတ်နိုင်ငံနှင့် အမေရိကန်နိုင်ငံအကြား သာမန်ပြည်သူများ၏ ကူးလူးဖလှယ်မှုကိုလည်း အနှောင့်အယှက်ဖြစ်စေကြောင်း၊ အဆိုပါဖြစ်ရပ်များနှင့်ပတ်သက်ပြီး တရုတ်နိုင်ငံက ပြင်းထန်သော မခံမရပ်နိုင်ဖြစ်မှုနှင့် ပြစ်တင်ရှုတ်ချမှုတို့ကို ဖော်ပြကြောင်း ကောက ပြောကြားခဲ့သည်။
“ကျွန်တော်တို့အနေနဲ့ အမေရိကန် တရားဥပဒေစိုးမိုးမှုအာဏာပိုင်တွေကို တောင်းဆိုလိုတာက မှားယွင်းတဲ့လုပ်ဆောင်မှုမျိုးတွေကို ချက်ချင်းရပ်တန့်ဖို့၊ နှစ်နိုင်ငံသမ္မတတွေအကြားရရှိထားတဲ့ အရေးပါ ဘုံသဘောတူနားလည်မှုတွေကို ခိုင်ခိုင်မာမာဆောင်ရွက်ဖို့၊ နှစ်နိုင်ငံပြည်သူတွေအကြားက ချစ်ကြည်ရင်းနှီးစွာ ကူးလူးဖလှယ်မှုကို ထိန်းသိမ်းဖို့နဲ့ အခုလိုဖြစ်ရပ်မျိုး နောက်တစ်ကြိမ် ဖြစ်ပွားခြင်းမရှိအောင် တားဆီး ကာကွယ်ဖို့အတွက် ထိရောက်တဲ့အစီအမံများနဲ့ဆောင်ရွက်ဖို့ပဲ ဖြစ်ပါတယ်” ဟု ကောက ဆက်လက်ပြောကြားခဲ့သည်။
အမေရိကန်နိုင်ငံသို့ ခရီးသွားရောက်သူများအနေဖြင့် ယင်းကဲ့သို့သော ဘေးအန္တရာယ်များနှင့် ရင်ဆိုင်ကြုံတွေ့ရနိုင်ခြင်းကို သတိရှိကြရန် ထပ်မံသတိပေးလိုကြောင်း၊ ပြည်ပရောက်တရုတ်နိုင်ငံသား များ၏ မှန်ကန်သည့် တရားဝင် အခွင့်အရေးများနှင့်အကျိုးစီးပွားကို တရုတ်နိုင်ငံက အခိုင်အမာ ကာကွယ်စောင့်ရှောက်သွားမည်ဖြစ်ကြောင်းလည်း ကောက ဆက်လက်ပြောကြားခဲ့သည်။ (Xinhua)
——————
(English Version)
China condemns U.S. harassment, interrogation, repatriation of Chinese citizens
BEIJING, Oct. 10 (Xinhua) — U.S. departments have been wantonly harassing, interrogating and repatriating Chinese citizens, prompting China to express serious dissatisfaction and strong condemnation of these actions, a foreign ministry spokesperson said on Friday.
It was reported that recently another Chinese national was wrongfully interrogated and detained when entering the United States, whose personal freedom was restricted for more than 48 hours before repatriation.
In response to the reports, Guo Jiakun told a regular press briefing that despite China’s repeated and stern representations, relevant U.S. departments have been wantonly harassing, interrogating and repatriating Chinese nationals with harsh law enforcement.
Such moves severely damage the lawful rights and interests as well as the dignity of Chinese nationals concerned, and disrupt normal people-to-people exchanges between China and the United States. China expresses strong indignation and condemns the incident, Guo said.
“We call on the U.S. law enforcement authorities to immediately stop this kind of erroneous practice, act faithfully on the important common understandings between the two presidents, uphold friendly exchanges between the peoples of the two countries and take effective steps to prevent such incidents from happening again,” he said.
China will stay firmly committed to safeguarding the legitimate and lawful rights and interests of Chinese nationals overseas, and once again reminds those traveling to the U.S. to be mindful of such risks, Guo said. ■
Photo
Visitors queue up outside the Chinese Embassy in the United States in Washington, D.C., the United States, on May 6, 2023. (Xinhua/Liu Jie)